Godzilla x Kong બોક્સ ઓફિસ પર ધૂમ મચાવવા માટે તૈયાર…….

Godzilla x Kong: ધ ન્યૂ એમ્પાયર ભારતીય બોક્સ ઓફિસ પર ધમાલ મચાવવા માટે તૈયાર છે. ફિલ્મની એડવાન્સ બુકિંગ અત્યાર સુધી સારી રહી છે, જેના કારણે માનવામાં આવી રહ્યું છે કે ફિલ્મને ટિકિટ બારી પર સારી ઓપનિંગ મળશે.

ફિલ્મમાં, ગોડઝિલા અને કોંગ વિશ્વને બચાવવા માટે સાથે આવશે. વર્ષ 2021માં રિલીઝ થયેલી ફિલ્મ ‘ગોડઝિલા વર્સિસ કોંગ’ની જેમ આ ફિલ્મે પણ સારું એડવાન્સ બુકિંગ નોંધાવ્યું છે.

એવી અપેક્ષા રાખવામાં આવે છે કે તે પહેલા વીકેન્ડમાં ભારતમાં સારો બિઝનેસ કરશે.

તાજેતરના આંકડા અનુસાર, ફિલ્મે તમામ ભાષાઓમાં 2 કરોડ 50 લાખ રૂપિયાનું એડવાન્સ કલેક્શન કરી લીધું છે. માહિતી અનુસાર, બ્લોક સીટને બાદ કરતાં આ ફિલ્મની 1 લાખ 17 હજારથી વધુ ટિકિટો વેચાઈ ચૂકી છે, જે ફિલ્મને સારી શરૂઆત કરવામાં ઘણી મદદ કરશે.

2D સિવાય ‘Godzilla x Kong’ 3D અને 4Dમાં પણ રિલીઝ થશે. આ ફિલ્મ ભારતમાં તમિલ, તેલુગુ અને હિન્દી ભાષાઓમાં રિલીઝ થવાની છે. દક્ષિણ ભારતમાં આ ફ્રેન્ચાઈઝીની ફિલ્મોનું મોટું માર્કેટ છે. આવી સ્થિતિમાં, માનવામાં આવે છે કે આ ફિલ્મ દક્ષિણના રાજ્યોમાં સારી કમાણી કરશે.

સત્તાવાર રિલીઝના એક દિવસ પહેલા જ શરૂઆતના દિવસે ફિલ્મની 40,000 થી વધુ ટિકિટો અત્યાર સુધીમાં વેચાઈ ચૂકી છે. એવો અંદાજ છે કે તે બોક્સ ઓફિસ પર 10.50 કરોડ રૂપિયાની કમાણીનો આંકડો બતાવશે. ગુડ ફ્રાઈડેની રજા અને ઈસ્ટરને કારણે વિશ્લેષકો ફિલ્મ માટે નક્કર ઓપનિંગની અપેક્ષા રાખી રહ્યા છે. વર્ષ 2021માં ‘ગોડઝિલા વર્સિસ કોંગ’એ પહેલા દિવસે 6 કરોડ 30 લાખ રૂપિયાનું કલેક્શન કર્યું હતું.

The post Godzilla x Kong બોક્સ ઓફિસ પર ધૂમ મચાવવા માટે તૈયાર……. appeared first on Abtak Media.