Tata Tiago EVમાં નવા ફિચર્સ થયા એડ! પ્રાઈઝ રેન્જમાં બિલકૂલ વધારો ન થતા ગ્રાહકો આકર્ષાયા

Tata Tiago EV Features Updated: Tata Motors, દેશની સૌથી લોકપ્રિય ઈલેક્ટ્રિક કાર સેલિંગ કંપનીએ તેની સૌથી વધુ સસ્તી કાર Tata Tiago EVમાં કેટલીક વિશિષ્ટ સુવિધાઓ ઉમેરી છે. ઉલ્લેખનીય છે કે ગ્રાહકો છેલ્લા ઘણા સમયથી આવા ફિચર્સ એડ કરવાનું કહેતા હતા અને છેવટે તેમણે આનું મન બનાવી લીધું હતું. Tata Tiago EV ના ટોપ એન્ડ વેરિઅન્ટ્સમાં ફીચર્સ અપગ્રેડ કરવામાં આવ્યા છે અને કિંમતોમાં કોઈ ફેરફાર કરવામાં આવ્યો નથી.

આવી સ્થિતિમાં, એવું કહી શકાય કે હોળી પહેલા સસ્તી ઇલેક્ટ્રિક કાર ખરીદનારાઓને ભેટ મળી ગઈ છે. જોકે સૌથી સારી વાત ગ્રાહકો માટે એ રહી છે કે તેમની પ્રાઈઝમાં કોઈ વધારો થયો નથી એટલે તેઓ વધારે આકર્ષાયા છે. કયા કયા ફિચર્સ એડ ઓન કરાયા?હવે Tata Tiago EVનાં નવા ફીચર્સ વિશે વાત કરીએ તો ટોપ-ઓફ-ધ-લાઇન XZ+ ટેક લક્સ લોંગ રેન્જ વેરિઅન્ટમાં ઓડી ડિમિંગ ઇન્ટરનલ રિયર વ્યૂ મિરર અને ફ્રન્ટ સીટર્સ માટે 45W ટાઇપ-સી ફાસ્ટ ચાર્જિંગ પોર્ટ પણ ઉપલબ્ધ કરાયો છે. Tata Tiago EVના XZ+ લોંગ રેન્જ વેરિઅન્ટમાં 45-વોટ ટાઇપ-સી ફાસ્ટ ચાર્જિંગ પોર્ટ પણ છે. અઢળક સુવિધાઓ એડઓન કરાઈ

તમને જણાવી દઈએ કે MG Comet EV પછી દેશની બીજી સૌથી સસ્તી ઇલેક્ટ્રિક કાર Tata Tiago EVમાં ઘણી બધી સુવિધાઓ આપવામાં આવી છે. આ ઇલેક્ટ્રિક હેચબેકમાં 7 ઇંચની ટચસ્ક્રીન ઇન્ફોટેનમેન્ટ સિસ્ટમ, એન્ડ્રોઇડ ઓટો અને એપલ કાર પ્લે કનેક્ટિવિટી, લેધર સીટ્સ, હરમન કાર્ડનની 8-સ્પીકર સાઉન્ડ સિસ્ટમ, કૂલ્ડ ગ્લોવ બોક્સ, ક્રૂઝ કંટ્રોલ, મલ્ટી-લેવલ રિજનરેટિવ બ્રેકિંગ સિસ્ટમ, ડ્યુઅલ એરબેગ્સ, EBD છે. ABS, ટાયર પ્રેશર મોનિટરિંગ સિસ્ટમ અને રિવર્સના પાર્કિંગ સેન્સર સહિત અન્ય ઘણી સુવિધાઓ પણ ઉમેરવામાં આવી છે. બેટરી પેક અને રેન્જ પણ શાનદાર

તમને જણાવી દઈએ કે Tata Tiago EV બે પ્રકારના બેટરી પેક વિકલ્પોમાં રજૂ કરવામાં આવી છે, જેમાં 19.2 kWh બેટરી પેકની સિંગલ ચાર્જ રેન્જ 250 કિલોમીટર સુધીની છે, જ્યારે 24 kWh બેટરી પેક સાથેના વેરિઅન્ટ્સ લોન્ગ રેન્જના મોડલ છે અને સારી એવી સફર પણ કરી શકે છે. તે 315 કિલોમીટર સુધીની રેન્જ હાંસલ કરી શકે છે.કિંમતની વાત કરીએ તો, Tata Tiago EVને કુલ 7 વેરિએન્ટમાં રજૂ કરવામાં આવી છે, જેની એક્સ-શોરૂમ કિંમત રૂ. 7.99 લાખથી શરૂ કરીને રૂ. 11.89 લાખ સુધીની છે. ભારતીય બજારમાં Tiago EVનો મુકાબલો MG ZS EV અને Citroen EC3 જેવી ઇલેક્ટ્રિક કાર સાથે છે. તાજેતરના મહિનાઓમાં, Tata Tiago EVની કિંમતમાં 70 હજાર રૂપિયાનો ઘટાડો કરવામાં આવ્યો હતો, ત્યારબાદ તે 8 લાખ રૂપિયા સસ્તી થઈ ગઈ છે.