ટાટા પંચ ફેસલિફ્ટ પ્રથમ વખત ટેસ્ટિંગમાં જોવા મળી: પંચ EVથી પ્રેરિત હશે ડિઝાઈન

હોમગ્રોન ઓટોમેકર ટાટા મોટર્સે છેલ્લા કેટલાક મહિનામાં નવી હેરિયર, સફારી, નેક્સોન ફેસલિફ્ટ એસયુવી અને ઓલ-ઈલેક્ટ્રિક Tata Punch.ev સાથે શરૂ કરીને ઘણી મહત્વપૂર્ણ કાર લોન્ચ કરી છે. અને હવે કંપની ટાટા પંચ ફેસલિફ્ટ માઈક્રો એસયુવી લોન્ચ કરવા માટે તૈયાર છે. પંચને ભારતીય બજારમાં 2021માં લોન્ચ કરવામાં આવી હતી અને તેને હવે ફેસલિફ્ટ મળવાનું છે.

હવે પ્રથમ વખત પંચ ફેસલિફ્ટનું ભારતમાં પરીક્ષણ થવાનું છે.સ્પોટેડ કારને વ્યાપકપણે આવરી લેવામાં આવી છે, તેથી તેની નવી ડિઝાઈન વિશે કંઈપણ કહેવું મુશ્કેલ છે. પરંતુ તેનું અપરાઈટ સિલુએટ હાલના મોડલ જેવું જ દેખાય છે. પંચ ફેસલિફ્ટ Punch.ev થી ડિઝાઈનની પ્રેરણા લેશે અને સંપૂર્ણ-પહોળાઈવાળા LED DRLs અને સ્પ્લિટ હેડલેમ્પ સેટઅપ સાથે સમાન ફ્રન્ટ એન્ડ દર્શાવશે. માઈક્રો-એસયુવીમાં રીડિઝાઇન કરેલ લોઅર બમ્પર અને મોટા એર ઈન્ટેક સાથે રેડિયેટર ગ્રિલ સાથે પુનઃસ્થાપિત ટાટા લોગો પણ દર્શાવવામાં આવશે.સાઈડ પર નવા ડિઝાઈન કરાયેલા 16-ઈંચના એલોય વ્હીલ્સ સિવાય કોઈ મોટા ફેરફારો કરવામાં આવશે નહીં અને પાછળના ભાગમાં પણ ઓછામાં ઓછા કોસ્મેટિક ફેરફારો કરવામાં આવશે.

તેમાં સ્લીકર બમ્પર સાથે રીડિઝાઈન કરેલા ટેલગેટ અને એલઈડી સાથે સુધારેલી ટેલલાઈટ્સનો સમાવેશ થશે. અન્ય હાઇલાઈટ્સમાં બમ્પર્સ પર રિફ્લેક્ટર, હાઈ-માઉન્ટેડ સ્ટોપ લેમ્પ્સ, શાર્ક-ફિન એન્ટેના અને ઈન્ટિગ્રેટેડ સ્પોઈલરનો સમાવેશ થશે.કારની અંદરની વાત કરીએ તો આપણે પંચ ફેસલિફ્ટની કેબિન પંચ EV માં જોઈ હોય તેવી જ હોવાની અપેક્ષા રાખીએ છીએ. માઈક્રો-SUVમાં ઈન્ફોટેનમેન્ટ અને ઈન્સ્ટ્રુમેન્ટ ક્લસ્ટર માટે ટ્વીન 10.25-ઈચ સ્ક્રીન સાથે રીડિઝાઇન કરાયેલા ડેશબોર્ડ લેઆઉટ દર્શાવવામાં આવશે.

ફીચર્સની વાત કરીએ તો તેમાં વેન્ટિલેટેડ સીટો, 360-ડિગ્રી કેમેરા, ઓટો-હોલ્ડ સાથે ઈલેક્ટ્રોનિક પાર્કિંગ બ્રેક, એર પ્યુરિફાયર, કોર્નરિંગ ફોગ લેમ્પ્સ, ઈલેક્ટ્રિક સનરૂફ, વાયરલેસ ફોન ચાર્જિંગ, કનેક્ટેડ કાર ટેક, વાયરલેસ એપલ/એન્ડ્રોઈડ ઓટો કારપ્લે તથા અન્ય ઘણું બધું મળવાની અપેક્ષા છે.મિકેનિકલી પંચ એ જ 1.2-લિટર, 3-Cyl, 86 એચપી પાવર અને 113 Nm ટોર્ક સાથે NA પેટ્રોલ એન્જિન સાથે ચાલુ રહેશે. ટ્રાન્સમિશન વિકલ્પોમાં 5-સ્પીડ મેન્યુઅલ અથવા AMT ઓટોમેટિક સામેલ હશે. અમે અપેક્ષા રાખીએ છીએ કે ટાટા લોન્ચ સમયે CNG સાથે પંચ ફેસલિફ્ટ અને ટર્બો પેટ્રોલ વિકલ્પ ઓફર કરશે, પરંતુ તેની કોઈ પુષ્ટિ નથી.

જ્યારે લોન્ચ કરવામાં આવશે ત્યારે પંચ ફેસલિફ્ટ Hyundai Exter, Maruti Fronx, Maruti Ignis, Renault Kiger, Nissan Magnite અને વધુ સાથે સ્પર્ધા કરવાનું ચાલુ રાખશે.