Celeb Fashion: કોટ સાથે હેવી જ્વેલરી તો ડ્રેસ સાથે સિમ્પલ ઝૂમકી; પાર્ટી-ફંક્શનમાં ટ્રાય કરો સોનમ કપૂરની સ્ટાઇલ

Sonam Kapoor Jewellery: હિન્દી સિનેમાના યંગ મેન અનિલ કપૂરની દીકરી સોનમ કપૂર તેની ડિફરન્ટ ફેશન સ્ટાઇલ માટે ઓળખાય છે. તેનો દરેક અંદાજ એકદમ હટકે હોય છે. પરંતુ માત્ર આઉટફિટ્સ જ નહીં પણ તેનું જ્વેલરી કલેક્શન અને ચોઇસ પણ જોવાલાયક હોય છે.

સોનમ કપૂર તેની યુનિક જ્વેલરી ડિઝાઇનને અલગ અલગ આઉટફિટ્સ સાથે સ્ટાઇલ કરવાનું પસંદ કરે છે. તે ક્યારેક કોટ સાથે હેવી જ્વેલરી પહેરે છે, તો ક્યારેક ગાઉન સાથે સિમ્પલ જ્વેલરી મેચ કરે છે.

જો તમે પણ પાર્ટી કે ફંક્શન માટે જ્વેલરી સ્ટાઇલ કરવા માટેની ટિપ્સ શોધી રહ્યા હોવ તો અહીં આપેલા આઉટફિટ્સ અને જ્વેલરી મેચિંગ સાથે સોનમ કપૂર પાસેથી ઇન્સપિરેશન લઇ શકો છો.

(Images: Instagram/ @sonamkapoor)
​હેવી નેકલેસ અને સિમ્પલ ઇયરિંગ્સ

એક તરફ આ એક્ટ્રેસ ગાઉનની સાથે સિમ્પલ ચેઇન અથવા પેન્ડન્ટ કૅરી કરે છે, તો બીજી તરફ રેડ ગાઉન સાથે સોનમે બે અલગ અલગ ડિઝાઇનની જ્વેલરી પૅર કરી છે. શિમરી રેડ ગાઉન સાથે તેણે ડાયમંડ નેકલેસ પૅર કર્યો હતો. જ્યારે ઓટીટી ડિટેલવાળા સ્કર્ટ ટોપ સેટની સાથે એક્ટ્રેસ સ્ટડેડ ઇયરિંગ્સ પહેર્યા હતા. આ મિનિમલ જ્વેલરી સિલેક્શનના કારણે સોનમને આઉટફિટ્સ હાઇલાઇટ કરવાનો મોકો મળ્યો.

​સાડી સાથે સ્ટેટમેન્ટ જ્વેલરી

સામાન્ય રીતે એક્ટ્રેસિસ સાડી સાથે હેવી નેકલેસ પસંદ કરે છે. પરંતુ સોનમે આ ઓફ વ્હાઇટ સાડીની સાથે જેપનીઝ કલ્ચરવાળા પર્લ નેકલેસની પસંદગી કરી હતી. નેકલેસની સાથે તેણે ડાયમંડ સ્ટડ ઇયરિંગ્સ પૅર કર્યા છે. બીજાં એક સાડી લૂકમાં તેણે ગોલ્ડન રંગના હેવી ઇયરિંગ્સ અને માંગટીકા મેચ કર્યા છે.

​કોટની સાથે ટ્રેડિશનલ જ્વેલરી

તમે ક્યારેય કોટ અથવા ફોર્મલ આઉટફિટ્સની સાથે ઇન્ડિયન જ્વેલરી પહેરી છે? જો ના, તો હવે સોનમની માફક બ્રાઉન કલરના બ્લેઝરવાળા આઉટફિટ્સની સાથે હેવી ઇન્ડિયન જ્વેલરી પૅર કરી શકો છો. બીજી તરફ બ્લેક કલરના ટોપ-પેન્ટ્સ અને બ્લેઝર સેટ સાથે તેણે મેચિંગ હેવી નેકલેસ પહેર્યો છે.

​ફ્લોરલ આઉટફિટ્સ સાથે જ્વેલરી

ડ્રેસિંગ સેન્સથી લઇને સોનમનું જ્વેલરી સિલેક્શન પણ અલગ લેવલનું હોય છે. તેણએ પહેરેલા આ ફ્લોરલ આઉટફિટ્સ સાથે સોનમે જ્વેલરીને મિનિમલ રાખવાનું પસંદ કર્યુ છે. બ્લેક ગાઉન સાથે તેણે ચોકર નેકલેસ અને મેચિંગ ઇયરિંગ્સ પહેર્યા છે.