વિદેશથી આવતી ફ્લાઈટમાં ગુજ્જુ પેસેન્જરે બિન્દાસ્ત બીડી પીધી, અમદાવાદ પહોંચે એ પહેલા સીન થઈ ગયો

Ahmedabad passenger lite bidi: સઉદી અરબનાં જેદ્દાથી અમદાવાદ આવી રહેલી ફ્લાઈટમાં એક પેસેન્જરે બિન્દાસ્ત બીડી પીધી અને બાદમાં તમામ યાત્રીઓના જીવ જોખમમાં મુકી દીધા હતા. આ ફ્લાઈટ જ્યારે અમદાવાદ એરપોર્ટ પર લેન્ડ થઈ ત્યારેપછી આ ઘટના અંગે ફરિયાદ કરાઈ અને એરપોર્ટ પોલીસને પણ જાણ કરી દેવામાં આવી હતી. જેથી કરીને તેની સામે કડક પગલા ભરાઈ શકે.

અમદાવાદ આવતી ઈન્ડિગોની એક ફ્લાઈટમાં ગુજરાતનાં નવસારીનાં રહેવાસી 70 વર્ષીય પેસેન્જર ટ્રાવેલ કરી રહ્યા હતા. આ સમયે તેમને હજારો ફૂટ ઊંચે જ બીડી પીવાની તલબ લાગી અને પછી તો તેમનાથી રહેવાયું જ નહીં. તેમણે ફ્લાઈટમાં બીડી સળગાવી અને બિન્દાસ્ત પીવા લાગ્યા હતા. હવે આમને જોઈને અન્ય પેસેન્જર્સ ગભરાઈ ગયા અને તેમણે કહ્યું કે ભાઈ તમે અમારા બધાનો જીવ જોખમમાં મુકી રહ્યા છો. જોકે આસપાસનાં લોકો કશુ બોલ્યા નહીં. એરહોસ્ટેસને બીડીની ગંધ આવીમીડિયા રિપોર્ટ્સ પ્રમાણે અહીં ફ્લાઈટમાં આખા પેસેજમાં બીડીની ગંધ અને ધુમાડો ફેલાઈ ગયો હતો. આ અંગે એરહોસ્ટેસને પણ જાણ થઈ અને તેણે બીડી ગંધ ક્યાંથી આવે છે તેની તપાસ કરવાનું શરૂ કર્યું હતું. તેણે એકપછી એક સીટોનું ચેકિંગ કર્યું ત્યારે આ 70 વર્ષીય પેસેન્જરે બીડી પીધી હોવાની વાત સામે આવી હતી. ગુજ્જુ પેસેન્જરે કર્યો મોટો કાંડ

આ પેસેન્જરે દહીનાં ડબ્બાને જ એશ ટ્રે બનાવી દીધી હતી અને પછી બિન્દાસ્ત બીડી પીતો પીતો હવાઈ મુસાફરી કરી રહ્યો હતો. હવે સૌથી મોટો સવાલ તો એ છે કે આટલી બધી સુરક્ષાનું ચેકિંગ હોવા છતાં પણ કેવી રીતે ફ્લાઈટમાં આ પેસેન્જર પાસેથી માચિસનું પેકેટ મળી આવ્યું હતું. એટલું જ નહીં તેણે આ બીડી પણ ક્યાં છુપાવી હશે એ ચર્ચાનો વિષય બની ગયો હતો. પેસેન્જર વિરૂદ્ધ ફરિયાદ દાખલ કરાઈપોતાની બીડી પીવાની તલબને કારણે જ આ શખસે અન્ય મુસાફરી કરી રહેલા સેંકડો લોકોનાં જીવ પણ જોખમમાં મુકી દીધા હતા. જેના કારણે અમદાવાદ એરપોર્ટ પર પહોંચતાની સાથે જ એરપોર્ટ પોલીસનો સંપર્ક સાધી આ વ્યક્તિ સામે ફરિયાદ દાખલ કરી દેવામાં આવી છે. જોકે આ ઘટનાએ અનેક સવાલો રમતા કરી દીધા છે. અમદાવાદનાં સરદાર વલ્લભભાઈ પટેલ એરપોર્ટ પર દિવસની 100થી વધુ ફ્લાઈટ્સની અવર જવર રહે છે. જેમાંથી ઘણી ફ્લાઈટ્સ ઈન્ટરનેશનલ પણ હોય છે. આવામાં એરપોર્ટ પર સામાન્ય રીતે જોવા જઈએ તો સિગારેટ પીવાની અલગ વ્યવસ્થા હોય છે. જ્યાં જઈને કોઈપણ પેસેન્જર સરળતાથી સ્મોકિંગ કરી શકે છે, પરંતુ ફ્લાઈટમાં કોઈપણ પ્રકારનો જ્વલનશીલ પદાર્થ તે લઈ જઈ શકતો નથી. જોકે જેદ્દાથી અમદાવાદ જતી ઈન્ડિગો ફ્લાઈટમાં આ ઘટનાએ અનેક સવાલો ઊભા કરી દીધા છે.