માહી મેજિકમાં સનરાઈઝર્સ હૈદરાબાદની વિનિંગ સ્ટ્રિક તૂટી, 78 રનના માર્જિનથી CSK જીત્યું

CSK vs SRH IPL News: ભલે કેપ્ટન ઋતુરાજ ગાયકવાડ તેની સતત બીજી સદી ઓછા અંતરથી ચૂકી ગયો, પરંતુ તેની ટીમ ચેન્નઈ સુપર કિંગ્સે સનરાઈઝર્સ હૈદરાબાદને હરાવવામાં કોઈ ભૂલ કરી ન હતી. ઈન્ડિયન પ્રીમિયર લીગની 17મી સિઝનની 46મી મેચમાં રવિવારે રાત્રે પહેલા બેટિંગ કરતા ચેન્નઈએ ત્રણ વિકેટે 212 રન બનાવ્યા હતા. જેમાં ઋતુરાજ ગાયકવાડે 54 બોલમાં 98 રનની ઇનિંગ રમી હતી.

આ પછી મીડિયમ પેસર તુષાર દેશપાંડેની ચાર વિકેટના કારણે સનરાઈઝર્સ હૈદરાબાદ 18.5 ઓવરમાં 134 રન પર જ સમેટાઈ ગઈ હતી. હૈદરાબાદ જીતથી 78 રન દૂર રહી હતી. આ રીતે, નવ મેચોમાં પાંચમી જીત સાથે, CSK હવે પોઈન્ટ ટેબલ પર ત્રીજા સ્થાને આવી ગયું છે, જ્યારે એટલી જ મેચોમાં જીત અને એટલી જ હાર સાથે હૈદરાબાદ એક સ્થાન નીચે સરકીને ચોથા સ્થાને આવી ગયું છે. તુષાર દેશપાંડેના કિલર સ્પેલે બાજી મારીઆઈપીએલની વર્તમાન સિઝનમાં રનનું વાવાઝોડું આવી ગયું છે. 250+ રન બનાવવું હવે આ સિઝનમાં સામાન્ય બની ગયું છે. આવી સ્થિતિમાં જ્યારે ચેન્નઈએ સનરાઈઝર્સ હૈદરાબાદ સામે 213 રનનો ટાર્ગેટ રાખ્યો ત્યારે એવું લાગી રહ્યું હતું કે મેચ હજુ પૂરી નથી થઈ. કોઈપણ રીતે, હૈદરાબાદ પાસે ટ્રેવિસ હેડ, અભિષેક શર્મા, હેનરિક ક્લાસેન અને એડન માર્કરામના રૂપમાં IPLનો સૌથી ખતરનાક ટોપ ઓર્ડર છે, પરંતુ આ મેચમાં તમામ હીરોનો પરાજય થયો હતો. તેની ઇનિંગની પહેલી અને બીજી ઓવરમાં તુષાર દેશપાંડેએ પહેલા ટ્રેવિસ હેડ અને પછી અનમોલપ્રીત સિંહને સતત બે બોલમાં આઉટ કર્યા હતા. ચોથી ઓવરમાં અભિષેક શર્મા પણ આઉટ થયો હતો. તેણે 18મી ઓવરમાં પેટ કમિન્સને પણ આઉટ કર્યો હતો. આ રીતે તેણે ત્રણ ઓવરમાં 27 રન આપીને ચાર વિકેટ ઝડપી હતી. ઋતુરાજની વિસ્ફોટક બેટિંગ

ઋતુરાજ ગાયકવાડ લખનઉ સુપરજાયન્ટ્સ સામેની છેલ્લી મેચમાં 56 બોલમાં સદી ફટકારી ચૂક્યો હતો, પરંતુ તેની ટીમ આ મેચ હારી ગઈ હતી. પરંતુ આ વખતે જ્યારે તે 98 રન પર આઉટ થયો ત્યારે તેની ટીમ મેચ જીતવામાં સફળ રહી હતી. આ સિઝનમાં ગાયકવાડની સતત બીજી સદી હોત, પરંતુ તે છેલ્લી ઓવરમાં નટરાજનના હાથે કેચ આઉટ થયો હતો. આવામાં 54 બોલમાં 10 ચોગ્ગા અને ત્રણ છગ્ગાની મદદથી 98 રન બનાવવા બદલ પ્લેયર ઓફ ધ મેચ પસંદ કરવામાં આવ્યો હતો.સનરાઈઝર્સ હૈદરાબાદની ફ્લોપ બેટિંગનો અંદાજ એ વાત પરથી લાગી શકે છે કે તેમની તરફથી સૌથી મોટો સ્કોર એડન માર્કરામનો હતો, જે 32 રન હતો. ટ્રેવિસ હેડ 13, અભિષેક શર્મા 15, અનમોલપ્રીત સિંહ 0, નીતિશ કુમાર રેડ્ડી 15 અને હેનરિક ક્લાસેન 19 રન બનાવીને આઉટ થયા હતા. ચેન્નઈ તરફથી તુષાર દેશપાંડે ઉપરાંત મથિશા પાથિરાણા અને મુસ્તાફિઝુર રહેમાનને 2-2 વિકેટ મળી હતી. આ સીઝનની શરૂઆતમાં, બંને ટીમો હૈદરાબાદમાં આમને સામે આવી હતી જ્યારે આ સમયે SRH 6 વિકેટે જીતી ગઈ હતી.