LSG vs CSK: લખનઉમાં IPLનાં 2 યુવા કેપ્ટન પર BCCIએ દંડ ફટકાર્યો, રાહુલ-ગાયકવાડને મળી સજા

LSG vs CSK: IPL 2024ની 34મી મેચ લખનઉ સુપરજાયન્ટ્સ અને ચેન્નઈ સુપર કિંગ્સ વચ્ચે 19 એપ્રિલના રોજ એકાના ક્રિકેટ સ્ટેડિયમમાં રમાઈ હતી. તેવામાં લખનઉએ ઘરઆંગણે આ મેચ જીતી લીધી હતી. પરંતુ ધીમી ઓવર રેટના કારણે BCCIએ બંને ટીમના કેપ્ટનો પર 12 લાખ રૂપિયાનો દંડ પણ લગાવ્યો છે. તમને જણાવી દઈએ કે ભારતીય ક્રિકેટ કંટ્રોલ બોર્ડે લખનઉના કેપ્ટન કેએલ રાહુલ અને ચેન્નઈના કેપ્ટન ઋતુરાજ ગાયકવાડને ધીમી ઓવર રેટ માટે દંડ ફટકાર્યો છે.

આઈપીએલ આચાર સંહિતા હેઠળ બંને કેપ્ટનની ટીમોએ સિઝનનો પહેલો રૂલ બ્રેક કર્યો હતો. તેથી તેના પર 12 લાખ રૂપિયાનો દંડ ફટકારવામાં આવ્યો છે. KKRના કેપ્ટન શ્રેયસ અય્યર અને દિલ્હી કેપિટલ્સના કેપ્ટન રિષભ પંતને પણ ધીમી ઓવર રેટના કારણે આ સિઝનમાં દંડ ફટકારવામાં આવ્યો છે.લખનઉ સુપર જાયન્ટ્સે ટોસ જીતીને પહેલા બોલિંગ કરવાનો નિર્ણય કર્યો હતો. આવી સ્થિતિમાં પહેલા બેટિંગ કરતા ચેન્નઈએ 20 ઓવરમાં 6 વિકેટે 176 રન બનાવ્યા હતા. CSK તરફથી રવિન્દ્ર જાડેજાએ સૌથી વધુ 57 રન બનાવ્યા હતા.તેના સિવાય મોઈન અલી અને એમએસ ધોનીએ 311ના શાનદાર સ્ટ્રાઈક રેટ સાથે 9 બોલમાં અણનમ 28 રન બનાવ્યા હતા.

અજિંક્ય રહાણેએ પણ 36 રનની સારી ઇનિંગ રમી હતી. લખનઉ તરફથી કૃણાલ પંડ્યાએ સૌથી વધુ 2 વિકેટ લીધી હતી. આ સિવાય મોહસીન ખાન, યશ ઠાકુર, રવિ બિશ્નોઈ અને માર્કસ સ્ટોઈનિસને એક-એક સફળતા મળી છે.લખનઉ સુપર જાયન્ટ્સે 19 ઓવરમાં 8 વિકેટે 177 રનના લક્ષ્યનો સરળતાથી પીછો કરી લીધો હતો. લખનઉ માટે કેપ્ટન રાહુલ અને ડિકોકે મેચ વિનિંગ ઇનિંગ્સ રમી હતી. કેએલ રાહુલે 53 બોલમાં 9 ચોગ્ગા અને 3 છગ્ગાની મદદથી 82 રન બનાવ્યા હતા. ડિકોકે 43 બોલમાં 54 રનની ઇનિંગ રમી હતી. પુરને પણ 23 રનની અણનમ ઇનિંગ રમી હતી. ચેન્નઈ માટે મથિશા પાથિરાણા અને મુસ્તાફિઝુર રહેમાનને 1-1 સફળતા મળી હતી.