રોહિતના સમર્થનમાં આવ્યો યુવરાજ, ત્રણ પોઈન્ટમાં જણાવી હિટમેનની ખૂબીઓ

ભારતીય ક્રિકેટ ટીમના ભૂતપૂર્વ ઓલરાઉન્ડર યુવરાજ સિંહનું માનવું છે કે રોહિત શર્મા એક સમજદાર કેપ્ટન છે અને દબાણમાં સારા નિર્ણયો લે છે, જે T20 વર્લ્ડ કપમાં ભારત માટે તેની હાજરીને મહત્વપૂર્ણ બનાવશે. રોહિત શર્માની કેપ્ટન્સીમાં ભારતીય ટીમ ગયા વર્ષે વન-ડે વર્લ્ડ કપની ફાઈનલમાં પહોંચી હતી અને T20 વર્લ્ડ કપ 2022ની સેમિફાઈનલમાં જગ્યા બનાવી હતી.

આ સિવાય ભારતીય ટીમ વર્લ્ડ ટેસ્ટ ચેમ્પિયનશિપની ફાઈનલમાં પણ પહોંચી હતી. જોકે, વન-ડે વર્લ્ડ કપ અને વર્લ્ડ ટેસ્ટ ચેમ્પિયનશિપની ફાઈનલમાં ભારતીય ટીમને પરાજયનો સામનો કરવો પડ્યો હતો. હવે રોહિત શર્મા અમેરિકા અને વેસ્ટ ઈન્ડિઝમાં રમાનારા T20 વર્લ્ડ કપમાં પણ ભારતીય ટીમનું નેતૃત્વ કરશે. સમજદાર કેપ્ટન, રણનીતિની બાબતમાં કોઈ બ્રેક નથીT20 વર્લ્ડ કપના બ્રાન્ડ એમ્બેસેડર યુવરાજ સિંહે ICCને જણાવ્યું હતું કે, રોહિત શર્માની હાજરી ખૂબ જ મહત્વપૂર્ણ રહેશે. અમને એક સારા કેપ્ટન અને સમજદાર કેપ્ટનની જરૂર છે જે દબાણમાં સારા નિર્ણય લઈ શકે. રોહિત શર્મા એક એવો સુકાની છે. ભારતે છેલ્લે 2013માં મહેન્દ્ર સિંહ ધોનીની કેપ્ટન્સીમાં ચેમ્પિયન્સ ટ્રોફીના રૂપમાં ICC ટાઈટલ જીત્યું હતું. ત્યારબાદ ભારતીય ટીમ એક પણ આઈસીસી ટ્રોફી જીતી શકી નથી. પાંચ વખત IPL ટાઈટલ જીત્યા છે

2011ના વન-ડે વર્લ્ડ કપમાં પ્લેયર ઓફ ટુર્નામેન્ટ બનેલા યુવરાજ સિંહનું માનવું છે કે ભારતને રોહિત શર્મા જેવા કેપ્ટનની જરૂર છે. તેણે કહ્યું હતું કે, જ્યારે આપણે 50 ઓવરના વર્લ્ડ કપની ફાઈનલમાં હારી ગયા ત્યારે રોહિત શર્મા કેપ્ટન હતો. તેણે કેપ્ટન તરીકે મુંબઈ ઈન્ડિયન્સ માટે પાંચ IPL ટાઈટલ જીત્યા છે. આપણને તેના જેવો કેપ્ટન જોઈએ. મનોરંજક વ્યક્તિ, દરેકને મદદરૂપ થાય છેજ્યારે યુવરાજ સિંહને રોહિત સાથેની તેની પહેલી મુલાકાતની યાદ વિશે પૂછવામાં આવ્યું તો તેણે મજાકમાં કહ્યું હતું કે, 'ખૂબ ખરાબ અંગ્રેજી.' તેણે કહ્યું હતું કે, તે ખૂબ જ રમુજી વ્યક્તિ છે. અમે હંમેશા તેને બોરીવલી (મુંબઈ)ની શેરીઓમાંથી ચીડવતા આવ્યા છીએ. પરંતુ તેનું દિલ ખૂબ જ સારું છે. યુવરાજે કહ્યું હતું કે, આટલી સફળતા મળ્યા પછી પણ તે બદલાયો નથી. રોહિત શર્માની આ ખાસિયત છે. હંમેશા મજાક કરતો રહે છે. એક ઉત્તમ કેપ્ટન અને મારા નજીકના મિત્રોમાંનો એક છે. હું ઈચ્છું છું કે તે વર્લ્ડ કપ જીતે. તે તેને લાયક છે.