7 ಲಕ್ಷ ರೂಪಾಯಿಯೊಳಗಿನ ಸಿಎನ್ಜಿ ಕಾರುಗಳು : ಮೈಲೇಜ್ ವಿಷಯದಲ್ಲೂ ಮುಂದು

ಹೆಚ್ಚುತ್ತಿರುವ ತೈಲ ಬೆಲೆ ಸೇರಿ ಹಲವು ಕಾರಣಗಳಿಂದ ಭಾರತದಲ್ಲಿ ಈಗ ಸಿಎನ್‌ಜಿ ಕಾರುಗಳ ಮಾರುಕಟ್ಟೆಯೂ ಬೆಳೆಯುತ್ತಿದೆ. ಸಿಎನ್‌ಜಿ ಕಾರುಗಳಿಗೆ ಬೇಡಿಕೆ ಹೆಚ್ಚಾಗುತ್ತಿದ್ದಂತೆಯೇ ಸಾಕಷ್ಟು ಮಾದರಿಯ ಸಿಎನ್‌ಜಿ ಕಾರುಗಳು ಭಾರತೀಯ ವಾಹನ ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿವೆ. ಒಂದೊಮ್ಮೆ ನೀವು ಕೂಡಾ ಕಡಿಮೆ ಬಜೆಟ್‌ನಲ್ಲಿ ಉತ್ತಮ ಹಾಗೂ ಒಳ್ಳೆಯ ಇಂಧನ ದಕ್ಷತೆಯನ್ನು ಹೊಂದಿರುವ ಕಾರುಗಳನ್ನು ನೋಡುವುದಾದರೆ ಇಲ್ಲೊಂದಷ್ಟು ಆಯ್ಕೆಗಳಿವೆ.

ಈ ಕಾರುಗಳ ಎಕ್ಸ್‌ಶೋರೂಮ್ ಬೆಲೆ ಏಳು ಲಕ್ಷ ರೂಪಾಯಿಯ ಒಳಗಿದ್ದು, ಇಂಧನ ದಕ್ಷತೆಯ ವಿಷಯದಲ್ಲೂ ಇವುಗಳು ಎಲ್ಲರ ಗಮನ ಸೆಳೆದಿವೆ.
ಮಾರುತಿ ಸುಜುಕಿ ಆಲ್ಟೋ

ಮಾರುತಿ ಸುಜುಕಿ ಭಾರತದಲ್ಲಿ ದೊಡ್ಡ ಮಾರುಕಟ್ಟೆಯನ್ನು ಹೊಂದಿರುವ ವಾಹನ ತಯಾರಿಕಾ ಸಂಸ್ಥೆಗಳಲ್ಲಿ ಒಂದು. ಮಾರುತಿ ಸುಜುಕಿಯ ಜನಪ್ರಿಯ ಕಾರುಗಳಲ್ಲಿ ಆಲ್ಟೋ ಕೂಡಾ ಪ್ರಮುಖವಾದದ್ದು. ಆಲ್ಟೋದ ಸಿಎನ್‌ಜಿ ಮಾದರಿ ಕೂಡಾ ಲಭ್ಯವಿದೆ. ಆಲ್ಟೋ ಸಿಎನ್‌ಜಿಯ ಎಕ್ಸ್‌ಶೋರೂಮ್ ಬೆಲೆ 5.13 ಲಕ್ಷ ರೂಪಾಯಿಯಿಂದ ಶುರುವಾಗುತ್ತದೆ. ಈ ಕಾರು 800 ಸಿಸಿ, 3 ಸಿಲಿಂಡರ್ ಎನ್‌ಎ ಪೆಟ್ರೋಲ್ ಎಂಜಿನ್‌ನಿಂದ ಶಕ್ತಿ ಪಡೆಯುತ್ತದೆ. ಈ ಕಾರು 31.59 km/kg ಮೈಲೇಜ್ ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

| Image Courtesy : www.marutisuzuki.com
ಮಾರುತಿ ಸುಜುಕಿ ಆಲ್ಟೋ ಕೆ10

ಈ ಪಟ್ಟಿಯಲ್ಲಿರುವ ಮಾರುತಿ ಸುಜುಕಿಯ ಇನ್ನೊಂದು ಕಾರು ಆಲ್ಟೋ ಕೆ10. ಮಾರುತಿ ಸುಜುಕಿ ಆಲ್ಟೋ ಕೆ10 ಸಿಎನ್‌ಜಿ ಮಾದರಿಯ ಎಕ್ಸ್ ಶೋರೂಮ್ ಬೆಲೆ 5.73 ಲಕ್ಷ ರೂಪಾಯಿಯಿಂದ ಶುರುವಾಗುತ್ತದೆ. ಈ ಕಾರು 1.0-ಲೀಟರ್, 3 ಸಿಲಿಂಡರ್ ಎನ್‌ಎ ಪೆಟ್ರೋಲ್ ಎಂಜಿನ್‌ನಿಂದ ಚಾಲಿತವಾಗಿದ್ದು, ಇದರ ಮೈಲೇಜ್ 33.85 km/kg.ಈ ಕಾರು ಕೂಡಾ ಸಾಕಷ್ಟು ಗ್ರಾಹಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದೆ.| Image Courtesy : www.marutisuzuki.comAlso Read : ಕಾರು ಕೊಳ್ಳುವ ಪ್ಲ್ಯಾನ್‌ನಲ್ಲಿದ್ದೀರಾ? : 18 kmpl ಗಿಂತ ಅಧಿಕ ಮೈಲೇಜ್‌ ನೀಡುತ್ತವೆ ಈ ಬಜೆಟ್‌ ಸ್ನೇಹಿ ಸೆಡಾನ್ ಕಾರುಗಳು

ಮಾರುತಿ ಸುಜುಕಿ ಎಸ್‌-ಪ್ರೆಸ್ಸೋ

ಮಾರುತಿ ಸುಜುಕಿಯ ಇನ್ನೊಂದು ಜನಪ್ರಿಯ ಮಾದರಿ ಎಸ್‌-ಪ್ರೆಸ್ಸೋ. ಇದು ಕೂಡಾ ಸಿಎನ್‌ಜಿ ಮಾದರಿಯಲ್ಲಿ ಸಿಗುತ್ತದೆ. ಈ ಕಾರಿನ ಎಕ್ಸ್‌ಶೋರೂಮ್ ಬೆಲೆ 5.95 ಲಕ್ಷ ರೂಪಾಯಿಯಿಂದ ಆರಂಭ. ಎಸ್‌-ಪ್ರೆಸ್ಸೋ ಕೂಡಾ 1.0-ಲೀಟರ್, 3 ಸಿಲಿಂಡರ್ ಎನ್‌ಎ ಪೆಟ್ರೋಲ್ ಎಂಜಿನ್‌ನಿಂದ ಶಕ್ತಿ ಪಡೆಯುತ್ತದೆ. ಈ ಕಾರು 32.73 km/kg ಮೈಲೇಜ್ ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.| Image Courtesy : www.marutisuzuki.comAlso Read : ಜಬರ್‌ದಸ್ತ್‌ ಆಗಿ ಬಿಡುಗಡೆಯಾಗಿದೆ 2024 ಪಲ್ಸರ್ ಎನ್‌ 250 : ಇಲ್ಲಿದೆ ಬೆಲೆ, ವೈಶಿಷ್ಟ್ಯಗಳ ಡೀಟೇಲ್ಸ್

ಮಾರುತಿ ಸುಜುಕಿ ವ್ಯಾಗನ್ ಆರ್

ಭಾರತದ ಮಾರುಕಟ್ಟೆಯಲ್ಲಿ ಅತೀ ಹೆಚ್ಚು ಸಂಖ್ಯೆಯಲ್ಲಿ ಮಾರಾಟವಾಗುವ ಕಾರು ಮಾದರಿಗಳಲ್ಲಿ ವ್ಯಾಗನ್ ಆರ್ ಕೂಡಾ ಒಂದು. ಮಾರುತಿ ಸುಜುಕಿ ವ್ಯಾಗನ್ ಆರ್‌ ಕೂಡಾ ಸಿಎನ್‌ಜಿ ಮಾದರಿಯಲ್ಲಿ ಲಭ್ಯವಿದೆ. ಈ ಕಾರಿನ ಎಕ್ಸ್‌ ಶೋರೂಮ್ ಬೆಲೆ 6.45 ಲಕ್ಷ ರೂಪಾಯಿಯಿಂದ ಶುರು. ವ್ಯಾಗನ್ ಆರ್ 1.0-ಲೀಟರ್, 3 ಸಿಲಿಂಡರ್ ಎನ್‌ಎ ಎಂಜಿನ್‌ನೊಂದಿಗೆ ಬರುತ್ತದೆ. ಈ ಕಾರು 33.47 km/kg ಮೈಲೇಜ್ ನೀಡುತ್ತದೆ ಎನ್ನಲಾಗುತ್ತದೆ.| Image Courtesy : www.marutisuzuki.comAlso Read : ಮಹೀಂದ್ರಾದ ಈ ಎಸ್‌ಯುವಿ ಕೊಳ್ಳಬೇಕು ಎನ್ನುವವರಿಗೆ ಗುಡ್‌ನ್ಯೂಸ್ : ಏಪ್ರಿಲ್‌ನಲ್ಲಿದೆ ಈ ಆಫರ್!​

ಟಾಟಾ ಟಿಯಾಗೋ ಐ-ಸಿಎನ್‌ಜಿ

ಟಾಟಾ ಮೋಟರ್ಸ್‌ ಭಾರತದಲ್ಲಿ ತನ್ನದೇ ಆದ ದೊಡ್ಡ ಸ್ಥಾನಮಾನವನ್ನು ಹೊಂದಿದೆ. ಟಾಟಾದ ಜನಪ್ರಿಯ ಸಿಎನ್‌ಜಿ ಮಾದರಿಗಳಲ್ಲಿ ಟಿಯಾಗೋ ಐ-ಸಿಎನ್‌ಜಿ ಕೂಡಾ ಒಂದು. ಈ ಕಾರಿನ ಎಕ್ಸ್‌ ಶೋರೂಮ್ ಬೆಲೆ 5,64,900 ರೂಪಾಯಿಯಿಂದ ಆರಂಭವಾಗುತ್ತದೆ. ಟಿಯಾಗೋ 1.2-ಲೀಟರ್ 3 ಸಿಲಿಂಡರ್ ಎನ್‌ಎ ಪೆಟ್ರೋಲ್ ಎಂಜಿನ್‌ನಿಂದ ಶಕ್ತಿಯನ್ನು ಪಡೆಯುತ್ತದೆ. ಈ ಕಾರಿನ ಇಂಧನ ದಕ್ಷತೆ 26.5 km/kg.| Image Courtesy : cars.tatamotors.com

ಮಾರುತಿ ಸುಜುಕಿ ಸೆಲರಿಯೋ

ಈ ಪಟ್ಟಿಯಲ್ಲಿರುವ ಇನ್ನೊಂದು ಕಾರು ಮಾರುತಿ ಸುಜುಕಿ ಸೆಲರಿಯೋ. ಸೆಲರಿಯೋ ಕೂಡಾ ಸಿಎನ್‌ಜಿ ಮಾದರಿಯಲ್ಲಿ ಸಿಗುತ್ತದೆ. ಇದರ ಎಕ್ಸ್‌ ಶೋರೂಮ್ ಬೆಲೆ 6.8 ಲಕ್ಷ ರೂಪಾಯಿಯಿಂದ ಆರಂಭವಾಗುತ್ತದೆ. ಈ ಕಾರು 1.0-ಲೀಟರ್, 3 ಸಿಲಿಂಡರ್ ಎನ್‌ಎ ಪೆಟ್ರೋಲ್ ಎಂಜಿನ್ ಅನ್ನು ಹೊಂದಿದೆ. ಇಂಧನ ದಕ್ಷತೆಯ ವಿಷಯದಲ್ಲೂ ಈ ಕಾರು ಗಮನ ಸೆಳೆದಿದೆ. ಇದು 34.43 km/kg ಮೈಲೇಜ್ ಒದಗಿಸುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.| Image Courtesy : www.marutisuzuki.com