ಪಿಸಿಒಡಿ ಸಮಸ್ಯೆ ಇರುವ ಮಹಿಳೆಯರು, ಇಂತಹ ಆಹಾರಗಳನ್ನು ಸೇವಿಸಿದರೆ ಪರಿಹಾರ ಕಂಡುಕೊಳ್ಳಬಹುದು!

ಮಹಿಳೆಯರಿಗೆ ಋತುಚಕ್ರದ ಮೊದಲು, ಆ ವೇಳೆ ಮತ್ತು ಋತುಚಕ್ರದ ಬಳಿಕ ಹಲವಾರು ರೀತಿಯ ಸಮಸ್ಯೆಗಳು ಕಂಡುಬರುವುದು. ಇದರಲ್ಲಿ ಮುಖ್ಯವಾಗಿ ಪಾಲಿಸಿಸ್ಟಿಕ್ ಒವರಿಯನ್ ಕಾಯಿಲೆ(ಪಿಸಿಒಡಿ)ಯು ಸಾಮಾನ್ಯವಾಗಿದ್ದು, ಅಕಾಲಿಕವಾಗಿ ಅಂಡಾಣುಗಳನ್ನು ಬಿಡುಗಡೆ ಮಾಡುವುದೇ ಈ ಸಮಸ್ಯೆ.
ಅಧ್ಯಯನವೊಂದರ ಪ್ರಕಾರ

• ಅಧ್ಯಯನವೊಂದರ ಪ್ರಕಾರ ಭಾರತದಲ್ಲಿ ಪ್ರತೀ ೮ರಲ್ಲಿ ೧ ಮಹಿಳೆಯರಲ್ಲಿ ಈ ಸಮಸ್ಯೆಯು ಕಂಡುಬರುವುದು.

೧೨-೪೫ ವರ್ಷದವರಲ್ಲಿ ಈ ಸಮಸ್ಯೆಯು ಕಂಡುಬರುವುದು ಅಥವಾ ಸಂತಾನೋತ್ಪತ್ತಿ ಮಾಡುವ ಸಾಧ್ಯತೆ ಇರುವ ಮಹಿಳೆಯರಲ್ಲಿ ಇದು ಇರುವುದು.

ಅಂಡಾಶಯದಿಂದ ಬಿಡುಗಡೆಯಾಗುವ ಅಂಡಾಣುವು ಸಿಸ್ಟ್ ಆಗಿ ಬೆಳವಣಿಗೆ ಆಗುವುದು. ಇದರಿಂದ ಅಸಾಮಾನ್ಯ ಋತುಚಕ್ರ, ಚರ್ಮದಲ್ಲಿ ಮೊಡವೆ ಸಮಸ್ಯೆಗಳು ಕಂಡುಬರಬಹುದು. ಈ ಸಮಸ್ಯೆಯು ಮಹಿಳೆಗೆ ಒಂದು ಸವಾಲಾಗಿದ್ದು, ಇದಕ್ಕೆ ಸರಿಯಾಗಿ ಚಿಕಿತ್ಸೆ ನೀಡದೆ ಇದ್ದರೆ ಆಗ ಮುಂದೆ ಬೊಜ್ಜು, ಅಧಿಕ ಕೊಲೆಸ್ಟ್ರಾಲ್ ಮತ್ತು ಇನ್ಸುಲಿನ್ ಪ್ರತಿರೋಧಕ ಸಮಸ್ಯೆಯು ಬರಬಹುದು. ಇದನ್ನು ನಿಭಾಯಿಸಲು ಕೆಲವು ಆಹಾರಗಳು ತುಂಬಾ ನೆರವಾಗುವುದು ಅಂಹ ಐದು ಆಹಾರಗಳ ಬಗ್ಗೆ ತಿಳಿಯಿರಿ.

ಪಿಸಿಒಡಿ ಸಮಸ್ಯೆ ಇರುವವರು ಸೇವಿಸಬೇಕಾದ ಐದು ಆಹಾರಗಳು

ಪಾಲಿಸಿಸ್ಟಿಕ್ ಒವರಿಯನ್ ಡಿಸೀಸ್(ಪಿಸಿಒಡಿ) ಇರುವವರು ವಿಟಮಿನ್ ಬಿ ೧೩ ಇರುವ ಆಹಾರಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸಬೇಕು. ಇಂತಹ ಐದು ಆಹಾರಗಳ ಬಗ್ಗೆ ತಿಳಿಯಿರಿ.

ಹಸಿರು ಪಪ್ಪಾಯಿ

• ಋತುಚಕ್ರವನ್ನು ನಿಯಂತ್ರಿಸುವುದರಲ್ಲಿ ಪಪ್ಪಾಯಿಯು ತುಂಬಾ ಪರಿಣಾಮಕಾರಿ ಆಗಿ ಕೆಲಸ ಮಾಡುವುದು. ಇದರಲ್ಲಿ ಕ್ಯಾಲ್ಸಿಯಂ, ವಿಟಮಿನ್ ಎ ಮತ್ತು ವಿಟಮಿನ್ ಬಿಯ ವಿವಿಧ ಭಾಗವಾಗಿರುವ ವಿಟಮಿನ್ ಬಿ೬, ಫಾಲಿಕ್ ಆಮ್ಲ, ವಿಟಮಿನ್ ಬಿ೧ ಮತ್ತು ರಿಬೊಫ್ಲಾವಿನ್ ಕೂಡ ಇದೆ.
• ಇದು ಜೀರ್ಣಕ್ರಿಯೆ ಸುಧಾರಣೆ ಮಾಡುವುದು ಮತ್ತು ಚಯಾಪಚಯ ವೃದ್ಧಿಸುವುದು. ಹಸಿ ಪಪ್ಪಾಯವನ್ನು ಆಹಾರ ಕ್ರಮದಲ್ಲಿ ಸೇರ್ಪಡೆ ಮಾಡಿಕೊಂಡರೆ ಆಗ ಅದರಿಂದ ಪಿಸಿಒಡಿ ಸಮಸ್ಯೆ ನಿವಾರಣೆ ಮಾಡಬಹುದು. ಹಸಿ ಪಪ್ಪಾಯಿಯನ್ನು ಕತ್ತರಿಸಿಕೊಂಡು ಅದರ ಸಿಪ್ಪೆ ತೆಗೆದು ತಿನ್ನಿ. ಇದನ್ನು ಸಲಾಡ್ ರೂಪದಲ್ಲಿ ಅಥವಾ ಬೇಯಿಸಿಕೊಂಡು ಕೂಡ ತಿನ್ನಬಹುದು.

ಅನಾನಸು

• ಪಿಸಿಒಎಸ್ ಮತ್ತು ಪಿಸಿಒಡಿ ನಿರ್ವಹಣೆ ಮಾಡುವಂತಹ ಕಿಣ್ವವಾಗಿರುವ ಬ್ರೊಮೆಲೈನ್ ಅನಾನಸಿನಲ್ಲಿ ಇದೆ. ಬ್ರೊಮೆಲೈನ್ ನೋವು ನಿವಾರಣೆ ಮಾಡುವುದು, ಇದು ಉರಿಯೂತ ಶಮನಕಾರಿ ಮತ್ತು ರಕ್ತವನ್ನು ತೆಳು ಮಾಡುವುದು.
• ಅನಾನಸಿನಲ್ಲಿ ಉನ್ನತ ಮಟ್ಟದ ಮ್ಯಾಂಗನೀಸ್ ಅಂಶವು ಇದ್ದು, ಇದು ಪಿಎಂಎಸ್ ಸಂಬಂಧಿತ ಕಿರಿಕಿರಿಯಾಗಿರುವ ಹೊಟ್ಟೆ ಉಬ್ಬರ ಕಡಿಮೆ ಮಾಡುವುದು. ಇದರಲ್ಲಿ ಇರುವ ನೈಸರ್ಗಿಕ ಸಕ್ಕರೆ ಅಂಶವು ತೃಪ್ತಿ ನೀಡಿ ಪಿಸಿಒಡಿ ಸಂದರ್ಭದಲ್ಲಿ ಕಾಡುವ ಬಯಕೆಯನ್ನು ತಗ್ಗಿಸುವುದು.

ಬೀಜಗಳು

• ಹಲವಾರು ಬಗೆಯ ಪೋಷಕಾಂಶಗಳನ್ನು ಹೊಂದಿರುವ ಬೀಜಗಳು ಪಿಸಿಒಡಿ ಸ್ಥಿತಿಯನ್ನು ಸುಧಾರಣೆ ಮಾಡುವುದು. ಆರೋಗ್ಯಕಾರಿ ಕೊಬ್ಬು, ನಾರಿನಾಂಶ, ಪ್ರೋಟೀನ್, ವಿಟಮಿನ್ ಮತ್ತು ಖನಿಜಾಂಶವನ್ನು ಹೊಂದಿರುವ ಇದು ತೂಕ ನಿರ್ವಹಣೆ ಮಾಡುವುದು, ಇನ್ಸುಲಿನ್ ಮಟ್ಟ ಕಾಪಾಡುವುದು ಮತ್ತು ಉರಿಯೂತ ತಗ್ಗಿಸುವುದು.

ಬೀಜಗಳಲ್ಲಿ ಕಾರ್ಬೋಹೈಡ್ರೇಟ್ಸ್ ತುಂಬಾ ಕಡಿಮೆ ಇದೆ ಮತ್ತು ಗ್ಲೈಸೆಮಿಕ್ಸ್ ಇಂಡೆಕ್ಸ್ ಕೂಡ ಕಡಿಮೆ ಇದ್ದು, ಇದು ರಕ್ತದಲ್ಲಿನ ಸಕ್ಕರೆ ಮಟ್ಟದ ಮೇಲೆ ತುಂಬಾ ಕಡಿಮೆ ಪರಿಣಾಮ ಬೀರುವುದು ಮತ್ತು ಇನ್ಸುಲಿನ್ ಅಸಮತೋಲನವನ್ನು ಇದು ಸ್ಥಿರವಾಗಿಸುವುದು. ಬೀಜಗಳನ್ನು ಆಹಾರ ಕ್ರಮದಲ್ಲಿ ಸೇರ್ಪಡೆ ಮಾಡಿದರೆ, ಆಗ ಅದರಿಂದ ಸಂಪೂರ್ಣ ಆರೋಗ್ಯ ಉತ್ತಮವಾಗುವ ಜತೆಗೆ ಪಿಸಿಒಡಿ ಪರಿಸ್ಥಿತಿಯು ಸುಧಾರಣೆ ಆಗುವುದು. ಆದರೆ ಕ್ಯಾಲರಿ ಅಧಿಕವಾಗಿ ಇರುವ ಇದನ್ನು ತುಂಬಾ ಮಿತ ಪ್ರಮಾಣದಲ್ಲಿ ಸೇವಿಸಬೇಕು.

ಮೀನು

• ಮೀನಿನಲ್ಲಿ ಒಮೆಗಾ-೩ ಕೊಬ್ಬಿನಾಮ್ಲವು ಅತ್ಯಧಿಕ ಮಟ್ಟದಲ್ಲಿದ್ದು, ಇದು ಉರಿಯೂತ ಕಡಿಮೆ ಮಾಡಿ ಪಿಸಿಒಡಿ ಸಂಬಂಧಿ ಉರಿಯೂತ ತಗ್ಗಿಸುವುದು. ಮೀನಿನಲ್ಲಿ ತೆಳು ಪ್ರೋಟೀನ್ ಇದೆ ಮತ್ತು ಇದು ತೂಕ ಹಾಗೂ ಇನ್ಸುಲಿನ್ ಸೂಕ್ಷ್ಮತೆ ನಿರ್ವಹಣೆಗೆ ಸಹಕಾರಿ.

ಪಾದರಸದ ಅಂಶವು ತುಂಬಾ ಕಡಿಮೆ ಇರುವ ಮೀನುಗಳನ್ನು ಸೇವನೆ ಮಾಡಬೇಕು. ಅದೇ ರೀತಿಯಲ್ಲಿ ಮೀನಿನ ಜತೆಗೆ ಬೇರೆ ಪ್ರೋಟೀನ್ ಇರುವ ಆಹಾರಗಳನ್ನು ಕೂಡ ಸೇವಿಸಬೇಕು. ಮೀನು ಸೇವಿಸಿದರೆ ಆಗ ಪಿಸಿಒಡಿ ನಿರ್ವಹಣೆ ಮಾಡಲು ಸಹಕಾರಿ ಆಗುವುದು.

ಹಸಿರೆಲೆ ತರಕಾರಿಗಳು

• ಹಸಿರೆಲೆ ತರಕಾರಿಗಳನ್ನು ಸೇವನೆ ಮಾಡಿದರೆ ಆಗ ಇದು ಪಿಸಿಒಡಿ ಸಮಸ್ಯೆಯನ್ನು ನಿರ್ವಹಣೆ ಮಾಡಲು ಸಹಕಾರಿ. ಹಸಿರೆಲೆ ತರಕಾರಿಗಳನ್ನು ಅಧಿಕ ಪ್ರಮಾಣದ ಪೋಷಕಾಂಶಗಳು ಇವೆ. ಹಸಿರೆಲೆ ತರಕಾರಿಗಳಲ್ಲಿ ವಿಟಮಿನ್ ಗಳು, ಆ್ಯಂಟಿಆಕ್ಸಿಡೆಂಟ್ ಗಳು, ಖನಿಜಾಂಶಗಳು ಇದ್ದು, ಇದು ಹಾರ್ಮೋನ್ ಗಳನ್ನು ಸಮತೋಲನದಲ್ಲಿ ಇಡುವುದು ಮತ್ತು ಸಂಪೂರ್ಣ ಆರೋಗ್ಯ ಕಾಪಾಡುವುದು.

ಹಸಿರೆಲೆ ತರಕಾರಿಗಳು ರಕ್ತದ ಸಕ್ಕರೆ ಅಂಶವನ್ನು ನಿರ್ವಹಿಸುವುದು ಮತ್ತು ತೂಕ ನಿರ್ವಹಣೆ ಮಾಡಲು ಸಹಕಾರಿ. ಇದರಿಂದ ಪಿಸಿಒಡಿ ನಿರ್ವಹಣೆ ಆಗುವುದು. ಹಸಿರೆಲೆ ತರಕಾರಿಗಳನ್ನು ಆಹಾರ ಕ್ರಮದಲ್ಲಿ ಸೇರ್ಪಡೆ ಮಾಡಿದರೆ ಆಗ ಪಿಸಿಒಡಿ ಲಕ್ಷಣಗಳು ತಗ್ಗುವುದು ಮತ್ತು ಸಂಪೂರ್ಣ ಆರೋಗ್ಯ ಕಾಪಾಡಲು ಇದು ಸಹಕಾರಿ.

ಅಪಾಯಗಳು ಏನು?

• ಪಿಸಿಒಡಿಗೆ ಸಂಬಂಧಿಸಿದಂತಹ ಋತುಚಕ್ರದ ಸಮಸ್ಯೆಗಳನ್ನು ನಿವಾರಿಸಲು ಇದನ್ನು ಆರಂಭದಲ್ಲೇ ಪತ್ತೆ ಮಾಡುವುದು ಅತೀ ಅಗತ್ಯ. ಪಿಸಿಒಡಿ ಸಮಸ್ಯೆಯಿಂದಾಗಿ ಮಧುಮೇಹ, ಬಂಜೆತನ, ಮನಸ್ಥಿತಿ ಬದಲಾವಣೆ ಮತ್ತು ದೈಹಿಕ ಸಮಸ್ಯೆಗಳು ಕಂಡುಬರಬಹುದು.
• ಇದರಿಂದ ಆರಂಭದಲ್ಲೇ ಇದನ್ನು ಪತ್ತೆ ಮಾಡಿಕೊಂಡು ಪರಿಣಾಮಕಾರಿ ಆಗಿ ನಿರ್ವಹಣೆ ಮಾಡಬಹುದು. ಸಂಪೂರ್ಣ ಆರೋಗ್ಯದ ಮೇಲೆ ಪಿಸಿಒಡಿ ಪರಿಣಾಮವನ್ನು ಕಡಿಮೆ ಮಾಡಲು ಕೆಲವೊಂದು ಕ್ರಮಗಳನ್ನು ತೆಗೆದುಕೊಳ್ಳುವುದು ಅತೀ ಅಗತ್ಯವಾಗಿರುವುದು.​ಪಿಸಿಓಎಸ್ ಸಮಸ್ಯೆಗೆ ನೆನೆಸಿಟ್ಟ ಮೆಂತೆ ಕಾಳಿನ ನೀರು ಪರಿಣಾಮಕಾರಿ ಮನೆಮದ್ದು

​