ಹೊಟ್ಟೆಯ ಹೊಕ್ಕಳಿಗೆ ಎರಡು ಹನಿ ಎಣ್ಣೆ ಹಾಕಿ ಮಸಾಜ್ ಮಾಡಿದರೆ ಸಿಗುವುದು 10 ಲಾಭಗಳು!

ನಮ್ಮ ದೇಹದ ರಚನೆ ಮಾಡಿರುವಂತಹ ದೇವರು, ಅವುಗಳಿಗೆ ಅದರದ್ದೇ ಆಗಿರುವ ಕಾರ್ಯ ಕೂಡ ನೀಡಿದ್ದಾನೆ. ಎಲ್ಲಾ ಅಂಗಾಂಗಗಳು ಕೂಡ ತಮ್ಮ ಕಾರ್ಯವನ್ನು ಸರಿಯಾಗಿ ನಿರ್ವಹಿಸಿದರೆ ಮಾತ್ರ ದೇಹವು ಆರೋಗ್ಯವಾಗಿರಲು ಸಾಧ್ಯ. ಇಲ್ಲವಾದಲ್ಲಿ ದೇಹದ ಆರೋಗ್ಯವು ಕೆಡಬಹುದು. ಕೆಲವು ಅಂಗಗಳ ಬಗ್ಗೆ ನಾವು ಕಾಳಜಿಯೇ ವಹಿಸುವುದಿಲ್ಲ, ಅವುಗಳನ್ನು ಸಂಪೂರ್ಣವಾಗಿ ನಿರ್ಲಕ್ಷ್ಯ ಮಾಡಿ ಬಿಡುತ್ತೇವೆ.

ಇಂತಹ ಒಂದು ಅಂಗದಿಂದ ನಮ್ಮ ದೇಹಕ್ಕೆ ಏನು ಲಾಭ ಎನ್ನುವ ಪ್ರಶ್ನೆ ಬರುವುದು ನಾಭಿಯನ್ನು ( ಹೊಟ್ಟೆಯ ಹೊಕ್ಕಳು) ನೋಡಿದ ವೇಳೆ.

ಆದರೆ ಇದಕ್ಕೆ ಎಣ್ಣೆಯಿಂದ ಮಸಾಜ್ ಮಾಡಿದರೆ ಆಗ ಹಲವಾರು ಬಗೆಯ ಲಾಭಗಳು ಇವೆ ಎಂದು ಹೇಳಲಾಗುತ್ತಿದೆ. ನಮ್ಮ ಹಿರಿಯರು ದೇಹಕ್ಕೆ ಎಣ್ಣೆ ಸ್ನಾನ ಮಾಡುವ ಸಂದರ್ಭ ನಾಭಿಗೆ ಕೂಡ ಒಂದೆರಡು ಹನಿ ಎಣ್ಣೆ ಹಾಕುತ್ತಿದ್ದರು. ಅದರಿಂದ ಯಾವ ಲಾಭಗಳು ಇವೆ ಎಂದು ತಿಳಿಯಬೇಕಾದರೆ ಸ್ಕ್ರೋಲ್ ಡೌನ್ ಮಾಡಿ.
ಒತ್ತಡ ಮತ್ತು ಆತಂಕದಿಂದ ಮುಕ್ತಿ

ನಾಭಿಗೆ ಸರಿಯಾಗಿ ಎಣ್ಣೆ ಹಾಕಿಕೊಂಡು ಮಸಾಜ್ ಮಾಡಿದರೆ, ಆಗ ಒತ್ತಡ ಮತ್ತು ಆತಂಕವು ಕಡಿಮೆ ಆಗುವುದು. ಹೀಗೆ ಮಾಡುವುದರಿಂದ ಪ್ಯಾರಾಸಿಂಪಥೆಟಿಕ್ ನರಮಂಡಲದ ವ್ಯವಸ್ಥೆಗೆ ಸಂಪರ್ಕ ಹೊಂದಿರುವ ವೇಗಸ್ ನರವನ್ನು ಉತ್ತೇಜಿಸುವುದು. ಇದರಿಂದ ದೇಹಕ್ಕೆ ಆರಾಮ ಮತ್ತು ಶಾಂತಿ ಸಿಗುವುದು.

ಚರ್ಮದ ಆರೋಗ್ಯ ಸುಧಾರಣೆ

ದೇಹದಲ್ಲಿನ ಕೆಲವು ಪ್ರಮುಖ ರಕ್ತನಾಗಳಿಗೆ ನಾಭಿಯ ಸಂಪರ್ಕವು ಇದೆ ಎಂದು ವೈದ್ಯರು ಕೂಡ ಹೇಳಿರುವರು. ಹೀಗಾಗಿ ನಾಭಿಗೆ ಎಣ್ಣೆ ಹಾಕಿ ಕೊಂಡು ಮಸಾಜ್ ಮಾಡುವ ಕಾರಣದಿಂದ ರಕ್ತ ಸಂಚಾರವು ಸುಗಮ ವಾಗುವುದು ಮಾತ್ರವಲ್ಲದೆ, ಪ್ರಮುಖ ಪೋಷಕಾಂಶಗಳಿಂದ ಚರ್ಮಕ್ಕೆ ಪೋಷಣೆ ಸಿಗುವುದು.

ಋತುಚಕ್ರದ ಸಮಯದ ಸಮಸ್ಯೆ ನಿವಾರಣೆ

ಆಯುರ್ವೇದಿಕ್ ನಾಭಿ ತೈಲವನ್ನು ಹಾಕಿಕೊಂಡು ನಾಭಿಗೆ ಮಸಾಜ್ ಮಾಡಿಕೊಂಡರೆ ಆಗ ಋತುಚಕ್ರ ಸಂದರ್ಭದಲ್ಲಿನ ಸ್ನಾಯು ಸೆಳೆತ ಮತ್ತು ಸಮಸ್ಯೆಗಳನ್ನು ಕಡಿಮೆ ಮಾಡಬಹುದು. ಇದರಿಂದ ಸ್ನಾಯುಗಳಿಗೆ ಆರಾಮ ಸಿಗುವುದು ಮತ್ತು ಉರಿಯೂತ ಕಡಿಮೆ ಆಗುವುದು.

ಜೀರ್ಣಕ್ರಿಯೆಗೆ ಸಹಕಾರಿ

• ಹೊಟ್ಟೆಯ ಅನಾರೋಗ್ಯದಿಂದಾಗಿ ಸುಮಾರು ೮೦ಕ್ಕೂ ಹೆಚ್ಚು ಕಾಯಿಲೆಗಳು ಬರಬಹುದು ಎಂದು ಆಯುರ್ವೇದವು ಹೇಳಿದೆ.
• ಹೀಗಾಗಿ ಹೊಟ್ಟೆಯ ಆರೋಗ್ಯ ಸರಿಯಾಗಿ ಇಟ್ಟುಕೊಂಡರೆ, ಆಗ ಇಂತಹ ಅನಾರೋಗ್ಯಗಳನ್ನು ದೂರವಿಡಲು ಸಹಕಾರಿ ಆಗಲಿದೆ. ಇದಕ್ಕೆ ಒಳ್ಳೆಯ ಪರಿಹಾರವೆಂದರೆ ನಾಭಿಗೆ ಎಣ್ಣೆಯ ಮಸಾಜ್ ಮಾಡುವುದು ಮತ್ತು ಜೀವನಶೈಲಿಯಲ್ಲಿ ಕೂಡ ಕೆಲವು ಬದಲಾವಣೆ ಮಾಡಿಕೊಳ್ಳುವುದು.​

ನಿದ್ರಾಹೀನತೆ ಸಮಸ್ಯೆ ನಿವಾರಣೆ

ನಾಭಿಯ ಭಾಗಕ್ಕೆ ಎಣ್ಣೆಯಿಂದ ಮಸಾಜ್ ಮಾಡಿಕೊಂಡರೆ ಆಗ ಹಾರ್ಮೋನ್ ಗಳು ಉತ್ತೇಜಿಸಲ್ಪಡುವುದು ಮತ್ತು ಇದರಿಂದ ವಿಶ್ರಾಂತಿ ಸಿಗುವುದು ಮತ್ತು ನಿದ್ರಾಹೀನತೆ ಸಮಸ್ಯೆಯನ್ನು ನಿವಾರಿಸುವುದು.

ಗಂಟು ನೋವಿನಿಂದ ಪರಿಹಾರ

ನಾಭಿಯು ಹಲವಾರು ನರಗಳು ಹಾಗೂ ರಕ್ತನಾಳಗಳಿಗೆ ಸಂಪರ್ಕವನ್ನು ಹೊಂದಿರುವ ಕಾರಣದಿಂದಾಗಿ ಎಣ್ಣೆಯಿಂದ ಈ ಭಾಗಕ್ಕೆ ಮಸಾಜ್ ಮಾಡಿದರೆ, ಆಗ ಖಂಡಿತವಾಗಿಯೂ ಇದು ರಕ್ತ ಸಂಚಾರವನ್ನು ಉತ್ತಮಪಡಿಸಿ ಗಂಟು ನೋವಿನ ಸಮಸ್ಯೆಯಿಂದ ಪರಿಹಾರ ನೀಡುವುದು.

ಮಕ್ಕಳಲ್ಲಿ ಮೆದುಳಿನ ಆರೋಗ್ಯ ಸುಧಾರಣೆ

ಮಕ್ಕಳ ನಾಭಿಗೆ ಒಂದೆರಡು ಹನಿ ಎಣ್ಣೆ ಹಾಕಿದರೆ, ಆಗ ಮಕ್ಕಳ ಮಾನಸಿಕ ಆರೋಗ್ಯವು ಸುಧಾರಣೆ ಆಗುವುದು ಮತ್ತು ದೇಹಕ್ಕೆ ಬೇಕಾಗಿರುವ ಪೋಷ ಕಾಂಶಗಳನ್ನು ಒದಗಿಸುವುದು.

ಕೂದಲಿನ ಬೆಳವಣಿಗೆಗೆ

ನಾಭಿಯ ಭಾಗಕ್ಕೆ ಎಣ್ಣೆ ಹಚ್ಚಿಕೊಂಡರೆ ಆಗ ಕೂದಲಿನ ಆರೋಗ್ಯಕಾರಿ ಬೆಳವಣಿಗೆಗೆ ಬೇಕಾಗುವಂತಹ ಪೋಷಕಾಂಶಗಳು ಕೂಡ ಸಿಗುವುದು. ಕೂದಲು ಬಿಳಿಯಾಗಲು ಕಾರಣವಾಗಿರುವಂತಹ ರಕ್ತನಾಳಗಳಿಗೆ ಬೇಕಾಗಿರುವ ಪೋಷಕಾಂಶಗಳನ್ನು ಇದು ಒದಗಿಸುವುದು ಮತ್ತು ಕೂದಲಿನ ಬಿಳಿಯಾಗುವುದನ್ನು ತಡೆಯುವುದು. ಇದರಿಂದ ಕೂದಲಿನ ಬುಡವು ಬಲಿಷ್ಠವಾಗುವುದು.

ಕಣ್ಣಿನ ಆರೋಗ್ಯ ಸುಧಾರಣೆ

• ಮೊಬೈಲ್ ಹಾಗೂ ಲ್ಯಾಪ್ ಟಾಪ್ ನಂತಹ ಸಾಧನಗಳನ್ನು ಹೆಚ್ಚಾಗಿ ಬಳಕೆ ಮಾಡುವ ಪರಿಣಾಮವಾಗಿ ಕಣ್ಣುಗಳು ಒಣಗುವ ಸಮಸ್ಯೆಯು ಅಧಿಕವಾಗಿರುವುದು.
• ನಾಭಿಯ ಭಾಗಕ್ಕೆ ಎಣ್ಣೆ ಹಚ್ಚಿಕೊಂಡು ಮಸಾಜ್ ಮಾಡಿದರೆ, ಆಗ ಕಣ್ಣಿನ ಭಾಗದಲ್ಲಿ ಒಣಗಿರುವ ರಕ್ತನಾಳಗಳಿಗೆ ಪೋಷಣೆ ಸಿಗುವುದು. ಇದರಿಂದ ರಕ್ತ ಸಂಚಾರವು ಸುಗಮವಾಗಿ ಕಣ್ಣಿನ ಆರೋಗ್ಯವು ಉತ್ತಮವಾಗುವುದು.

ನಿಮ್ಮ ಎರಡೂ ಕಣ್ಣಿನ ದೃಷ್ಟಿ ಹೆಚ್ಚಿಸುವ ಅದ್ಭುತ ಡ್ರೈ ಫ್ರೂಟ್ಸ್ ಗಳಿವು...

ಮೊಡವೆ ನಿಯಂತ್ರಣ

ನಾಭಿಯ ಭಾಗಕ್ಕೆ ಎಣ್ಣೆಯಿಂದ ಮಸಾಜ್ ಮಾಡಿದರೆ ಆಗ ಚರ್ಮವು ತಾಜಾವಾಗಿ, ಕಲೆಗಳು ನಿವಾರಣೆ ಆಗುವುದು. ಚರ್ಮವು ಕೆಂಪಾಗುವುದು ಮತ್ತು ತುರಿಕೆಯ ಸಮಸ್ಯೆಯನ್ನು ಇದು ಕಡಿಮೆ ಮಾಡುವುದು.

Read in English:benefits of belly button oiling and the right way to do it