Chanakya Niti: ಧರ್ಮಕ್ಕೆ ಇವುಗಳೇ ಮಾರಕ ಎಂದಿದ್ದಾರೆ ಚಾಣಕ್ಯ.!

ಚಾಣಕ್ಯರು ತನ್ನ ನೀತಿಶಾಸ್ತ್ರದಲ್ಲಿ ಧರ್ಮದ ಬಗ್ಗೆ ಅನೇಕ ವಿಷಯಗಳನ್ನು ಹೇಳಿದ್ದಾರೆ. ಅವುಗಳಲ್ಲಿ ಕೆಲವು ತತ್ವಗಳು ಇಂದಿಗೂ ಪ್ರಸ್ತುತವಾಗಿವೆ. ಚಾಣಕ್ಯರ ಪ್ರಕಾರ, ಧರ್ಮದ ಬಗೆಗಿನ ಈ ವಿಷಯಗಳು ಜಗತ್ತಿಗೆ ಅತ್ಯಂತ ಅಪಾಯಕಾರಿ ಎಂದು ಹೇಳಿದ್ದಾರೆ. ಧರ್ಮವು ವೈಯಕ್ತಿಕ ಮಾರ್ಗದರ್ಶಿಯಾಗಬೇಕು. ಸಾಮಾಜಿಕ ನಿಯಂತ್ರಣದ ಸಾಧನವಾಗಿರಬಾರದು ಎಂದು ಚಾಣಕ್ಯರು ನಂಬಿದ್ದರು. ಜನರು ಪ್ರಾಮಾಣಿಕತೆ ಮತ್ತು ನಿಜವಾದ ನಂಬಿಕೆಯೊಂದಿಗೆ ಧರ್ಮವನ್ನು ಆಚರಿಸಬೇಕೆಂದು ಅವರು ಜನರನ್ನು ಯಾವಾಗಲೂ ಪ್ರೇರೇಪಿಸುತ್ತಿದ್ದರು.

ಧರ್ಮದ ಬಗ್ಗೆ ಚಾಣಕ್ಯರ ನುಡಿಗಳು ಹೀಗಿವೆ..
​ಬೂಟಾಟಿಕೆ ಮತ್ತು ಸುಳ್ಳು​

ಬೂಟಾಟಿಕೆಗಾಗಿ ಧಾರ್ಮಿಕ ಆಚರಣೆಗಳು ಮತ್ತು ಪದ್ಧತಿಗಳನ್ನು ಅನುಸರಿಸುವವರನ್ನು ಚಾಣಕ್ಯರು ಟೀಕಿಸಿದ್ದಾರೆ. ಅವರ ಜೀವನದಲ್ಲಿ ಸದ್ಗುಣ ಮತ್ತು ನೈತಿಕತೆಯ ಕೊರತೆಯಿಂದಾಗಿ ಇಂತಹ ತಪ್ಪುಗಳನ್ನು ಮಾಡುತ್ತಾರೆ. ಇಂತಹ ಬೂಟಾಟಿಕೆಗಳು ಧರ್ಮದ ನಿಜವಾದ ಮನೋಭಾವವನ್ನು ದುರ್ಬಲಗೊಳಿಸುತ್ತದೆ ಮತ್ತು ಜನರನ್ನು ದಾರಿ ತಪ್ಪಿಸುತ್ತದೆ ಎಂದಿದ್ದಾರೆ. ಜನರು ಹೊರಗೆ ಧಾರ್ಮಿಕವಾಗಿ ಕಾಣಿಸಿಕೊಳ್ಳಲು ಸುಳ್ಳು ಮಾರ್ಗವನ್ನು ಹಿಡಿದಾಗ ಅದು ಸಮಾಜಕ್ಕೆ ಮಾರಕವಾಗಿ ಮಾರ್ಪಾಡು ಹೊಂದುತ್ತದೆ.

PC: Pixabay

Wednesday Tips: ಬುಧವಾರ ಈ ಕೆಲಸ ಮಾಡಿದರೆ ವೃತ್ತಿಯಲ್ಲಿ ಸಕ್ಷಸ್‌ ಫಿಕ್ಸ್‌.!

​ಮೂಲಭೂತವಾದ ಮತ್ತು ಅಸಹಿಷ್ಣುತೆ​

ಆಚಾರ್ಯ ಚಾಣಕ್ಯರು ಮೂಲಭೂತವಾದವನ್ನು ಮತ್ತು ಅಸಹಿಷ್ಣುತೆಯನ್ನು ಧರ್ಮಕ್ಕೆ ದೊಡ್ಡ ಬೆದರಿಕೆ ಎಂದು ಹೇಳಿದ್ದರು. ಜನರು ತಮ್ಮ ನಂಬಿಕೆಗಳಲ್ಲಿ ಕುರುಡು ನಂಬಿಕೆ ಇಟ್ಟುಕೊಂಡು ಇತರರ ಅಭಿಪ್ರಾಯಗಳನ್ನು ಸ್ವೀಕರಿಸಲು ನಿರಾಕರಿಸಿದಾಗ ಅದು ಸಾಮಾಜಿಕ ವಿಭಜನೆ, ಸಂಘರ್ಷ ಮತ್ತು ಹಿಂಸಾಚಾರಕ್ಕೆ ಕಾರಣವಾಗುತ್ತದೆ ಎಂದು ಅವರು ಹೇಳಿದ್ದಾರೆ. ಒಂದು ನಿರ್ದಿಷ್ಟ ಧರ್ಮಕ್ಕೆ ಅತಿಯಾದ ಬಾಂಧವ್ಯ ಮತ್ತು ಇತರ ಧರ್ಮಗಳ ಬಗ್ಗೆ ಅಸಹಿಷ್ಣುತೆಯು ಹಿಂಸೆ ಮತ್ತು ಸಂಘರ್ಷಕ್ಕೆ ಕಾರಣವಾಗಬಹುದು.

PC: Pixabay

​ಧರ್ಮದ ದುರುಪಯೋಗ​

ಚಾಣಕ್ಯರು ತಮ್ಮ ಅಧಿಕಾರ ಮತ್ತು ಸ್ವಾರ್ಥ ಹಿತಾಸಕ್ತಿಗಳನ್ನು ಹೆಚ್ಚಿಸಿಕೊಳ್ಳಲು ಧರ್ಮವನ್ನು ಬಳಸುವವರನ್ನು ಖಂಡಿಸಿದರು. ಧರ್ಮವನ್ನು ರಾಜಕೀಯ ಉದ್ದೇಶಕ್ಕೆ ಬಳಸಿಕೊಂಡಾಗ ಸಮಾಜದಲ್ಲಿ ಭ್ರಷ್ಟಾಚಾರಕ್ಕೆ ಮತ್ತು ಅನ್ಯಾಯಕ್ಕೆ ಎಡೆಮಾಡಿಕೊಡುತ್ತದೆ ಎಂದು ಅವರು ಹೇಳಿದ್ದಾರೆ. ಕೆಲವರು ತಮ್ಮ ಶಕ್ತಿ ಮತ್ತು ಪ್ರಭಾವವನ್ನು ಹೆಚ್ಚಿಸಲು ಧರ್ಮವನ್ನು ದುರುಪಯೋಗಪಡಿಸಿಕೊಳ್ಳುತ್ತಾರೆ. ಇದು ಜನರನ್ನು ಶೋಷಣೆಗೆ ಒಳಪಡಿಸುತ್ತದೆ ಮತ್ತು ಸಮಾಜದಲ್ಲಿ ಭ್ರಷ್ಟಾಚಾರವನ್ನು ಉತ್ತೇಜಿಸುತ್ತದೆ ಎಂದಿದ್ದಾರೆ.

PC: Pixabay

Arjuna Grandson: ಅರ್ಜುನನ ಮೊಮ್ಮಗನ ಸಾವಿಗೆ ಈತನ ಶಾಪವೇ ಕಾರಣ.!

​ಧಾರ್ಮಿಕ ಮತಾಂಧತೆ​

ಚಾಣಕ್ಯರು ಧಾರ್ಮಿಕ ಮತಾಂಧತೆಯನ್ನು ಅಪಾಯಕಾರಿ ಎಂದು ಪರಿಗಣಿಸಿದ್ದಾರೆ. ಜನರು ತಮ್ಮ ಧಾರ್ಮಿಕ ನಂಬಿಕೆಗಳನ್ನು ಇತರರ ಮೇಲೆ ಹೇರಲು ಪ್ರಯತ್ನಿಸಿದಾಗ ಅದು ಸಂಘರ್ಷ ಮತ್ತು ಹಿಂಸಾಚಾರಕ್ಕೆ ಕಾರಣವಾಗುತ್ತದೆ ಎಂಬುದನ್ನು ಅವರು ಅಂದೇ ಪ್ರತಿಪಾದಿಸಿದ್ದರು. ಸಮಾಜವು ಜಾತ್ಯತೀತತೆಯ ತತ್ವಗಳನ್ನು ಅನುಸರಿಸದಿದ್ದರೆ, ಧರ್ಮವು ರಾಜಕೀಯ ಮತ್ತು ಸಾಮಾಜಿಕ ಜೀವನದಲ್ಲಿ ಅತಿಯಾದ ಪ್ರಭಾವವನ್ನು ಬೀರಬಹುದು. ಇದು ಅಸಮಾನತೆ ಮತ್ತು ಅನ್ಯಾಯಕ್ಕೆ ಕಾರಣವಾಗುತ್ತದೆ ಎಂದಿದ್ದಾರೆ.

PC: Pixabay

​ಅಜ್ಞಾನ ಮತ್ತು ಮೂಢನಂಬಿಕೆ​

ಚಾಣಕ್ಯರು ಮೂಢನಂಬಿಕೆ ಮತ್ತು ಅಜ್ಞಾನವನ್ನು ಧರ್ಮಕ್ಕೆ ಅಪಾಯಕಾರಿ ಎಂದು ಪರಿಗಣಿಸಿದ್ದರು. ಜನರು ತರ್ಕ ಮತ್ತು ವಿವೇಚನೆಗೆ ಬದಲಾಗಿ ಮೂಢನಂಬಿಕೆ ಮತ್ತು ಅಜ್ಞಾನಗಳ ಮೇಲೆ ಅವಲಂಬಿತರಾದಾಗ ಅದು ಶೋಷಣೆ ಮತ್ತು ಕುಶಲತೆಗೆ ಗುರಿಯಾಗುತ್ತದೆ ಎಂದು ಹೇಳಿದ್ದಾರೆ. ಅರ್ಥವೇ ಇಲ್ಲದ ನಂಬಿಕೆಗಳು ಮತ್ತು ಮೂಢನಂಬಿಕೆಗಳನ್ನು ಆಧರಿಸಿದ ಧರ್ಮವು ಜನರನ್ನು ದಾರಿತಪ್ಪಿಸಬಹುದು ಮತ್ತು ಆ ಧರ್ಮದ ಜನರನ್ನು ಶೋಷಣೆಗೆ ಗುರಿ ಮಾಡಬಹುದು ಎಂದು ಚಾಣಕ್ಯರು ತಮ್ಮ ಚಾಣಕ್ಯ ನೀತಿಯಲ್ಲಿ ವಿವರಿಸಿದ್ದಾರೆ.

Night Mantra: ರಾತ್ರಿ ಈ ಮಂತ್ರಗಳನ್ನು ಪಠಿಸಿದರೆ ಸಖತ್ ನಿದ್ದೆ ಬರುತ್ತೆ.!