IPL 2024: ಬೇರೆ ತಂಡಗಳಲ್ಲಿ ಮಿಂಚುತ್ತಿರುವ ಆರ್ಸಿಬಿಯ ಮಾಜಿ ಐವರು ಸ್ಟಾರ್ಗಳು!
ಆಡಿದ ಏಕೈಕ ಪಂದ್ಯವನ್ನೂ ಗೆದ್ದು ಅತ್ಯುತ್ತಮ ರನ್‌ರೇಟ್‌ ಹೊಂದಿರುವ ರಾಜಸ್ಥಾನ್ ರಾಯಲ್ಸ್ ತಂಡ ಪಾಯಿಂಟ್ಸ್‌ ಟೇಬಲ್‌ನಲ್ಲಿ ಎರಡನೇ ಸ್ಥಾನವನ್ನು ಅಲಂಕರಿಸಿದೆ. ಆದರೆ, ಆಡಿದ ಎರಡು ಪಂದ್ಯಗಳ ಪೈಕಿ ಒಂದರಲ್ಲಿ ಗೆದ್ದಿರುವ ಆರ್‌ಸಿಬಿ ಆರನೇ ಸ್ಥಾನವನ್ನು ಅಲಂಕರಿಸಿದೆ. ಅಂದ ಹಾಗೆ ಐಪಿಎಲ್ ಇತಿಹಾಸದಲ್ಲಿ ಒಮ್ಮೆಯೂ ಟ್ರೋಫಿ ಗೆಲ್ಲದ ಆರ್‌ಸಿಬಿ ತಂಡದ ಪರ ವಿಶ್ವದ ಹಲವು ಸ್ಟಾರ್‌ ಆಟಗಾರರು ಆಡಿ ನಂತರ ಬೇರೆ ತಂಡಗಳ ಪರ ಆಡುತ್ತಿದ್ದಾರೆ.
ಶಿವಂ ದುಬೆ, ಯುಜ್ವೇಂದ್ರ ಚಹಲ್‌, ಕಎಲ್‌ ರಾಹುಲ್ ಸೇರಿದಂತೆ ಹಲವು ಸ್ಟಾರ್‌ ಆಟಗಾರರು ಒಂದು ಕಾಲದಲ್ಲಿ ಆರ್‌ಸಿಬಿ ತಂಡದ ಪರ ಆಡಿದ್ದರು. ಆದರೆ, ಅವರು ಬೆಂಗಳೂರು ತಂಡದಲ್ಲಿ ಸ್ಥಾನ ಕಳೆದಕೊಂಡು ಇದೀಗ 2024ರ ಐಪಿಎಲ್ ಟೂರ್ನಿಯಲ್ಲಿ ಹಲವು ವಿಭಿನ್ನ ತಂಡಗಳ ಪರ ಮಿಂಚುತ್ತಿದ್ದಾರೆ. ಅಂತಹ ಆಟಗಾರರ ಬಗ್ಗೆ ಇಲ್ಲಿ ಸಂಪೂರ್ಣವಾಗಿ ವಿವರಿಸಿದ್ದಾರೆ.
2024ರ ಐಪಿಎಲ್ ಟೂರ್ನಿಯಲ್ಲಿ ಬೇರೆ ತಂಡಗಳ ಮಿಂಚುತ್ತಿರುವ ಆರ್‌ಸಿಬಿ ಮಾಜಿ ಆಟಗಾರರು
1. ಶಿವಂ ದುಬೆ
ದೇಶಿ ಕ್ರಿಕೆಟ್‌ನಲ್ಲಿ ಮುಂಬೈ ತಂಡದ ಪರ ಆಡುವ ಶಿವಂ ದುಬೆ ಅವರು 2019ರಲ್ಲಿ ಆರ್‌ಸಿಬಿ ಪರ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ವೃತ್ತಿ ಜೀವನವನ್ನು ಆರಂಭಿಸಿದ್ದರು. ಈ ವೇಳೆ ಅವರು 2019 ಹಾಗೂ 2020 ಸೇರಿ ಎರಡು ಆವೃತ್ತಿಗಳಲ್ಲಿಆರ್‌ಸಿಬಿ ತಂಡವನ್ನು ಪ್ರತಿನಿಧಿಸಿದ್ದರು. ಆದರೆ, ಆಡಿದ್ದ 15 ಪಂದ್ಯಗಳಿಂದ ಕೇವಲ 169 ರನ್‌ಗಳನ್ನು ಗಳಿಸಿದ್ದರು. 2021ರ ಐಪಿಎಲ್ ಮಿನಿ ಹರಾಜಿಗೆ ಬೆಂಗಳೂರು ಫ್ರಾಂಚೈಸಿ ಅವರನ್ನು ಬಿಡುಗಡೆಗೊಳಿಸಿತ್ತು. ನಂತರ ಅವರು ರಾಜಸ್ಥಾನ್ ರಾಯಲ್ಸ್ ಪರ ಆಡಿದ ಬಳಿಕ ಚೆನ್ನೈ ಸೂಪರ್‌ ಕಿಂಗ್ಸ್ ಬಂದಿದ್ದರು. 2023ರ ಐಪಿಎಲ್ ಟೂರ್ನಿಯಲ್ಲಿ ಸಿಎಸ್‌ಕೆ ಪರ ಮಿಂಚಿದ್ದ ಶಿವಂ ದುಬೆ ಇದೀಗ 2024ರ ಟೂರ್ನಿಯಲ್ಲಿ ಆಡಿದ ಎರಡೂ ಪಂದ್ಯಗಳಲ್ಲಿ ಕ್ರಮವಾಗಿ ಆರ್‌ಸಿಬಿ ವಿರುದ್ಧ 34 ರನ್ ಹಾಗೂ ಗುಜರಾತ್‌ ಟೈಟನ್ಸ್ ವಿರುದ್ಧ 23 ಎಸೆತಗಳಲ್ಲಿ 51 ರನ್ ಸಿಡಿಸಿ ಪಂದ್ಯ ಶ್ರೇಷ್ಠ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ.
IPL 2024: 'ಬೌಂಡರಿ ಬಳಿ ನೀನೇ ಹೋಗು'-ಹಾರ್ದಿಕ್ ವಿರುದ್ದ ಸೇಡು ತೀರಿಸಿಕೊಂಡ್ರಾ ರೋಹಿತ್‌?
2. ಟ್ರಾವಿಸ್‌ ಹೆಡ್
2016 ಹಾಗೂ 2017ರ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಗಳಲ್ಲಿ ಆಸ್ಟ್ರೇಲಿಯಾ ಬ್ಯಾಟ್ಸ್ಮನ್ ಟ್ರಾವಿಸ್‌ ಹೆಡ್ ಅವರು ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ತಂಡದ ಪರ ಆಡಿದ್ದರು. ಆರ್‌ಸಿಬಿ ಪರ ಆಡಿದ್ದ 10 ಪಂದ್ಯಗಳಿಂದ ಅವರು, 29.28ರ ಸರಾಸರಿಯಲ್ಲಿ 205 ರನ್‌ಗಳನ್ನು ಕಲೆ ಹಾಕಿದ್ದರು. ಇದೀಗ 2024ರ ಟೂರ್ನಿಯಲ್ಲಿ ಸನ್ರೈಸರ್ಸ್ ಹೈದರಾಬಾದ್ ಪರ ಆಡುತ್ತಿರುವ ಟ್ರಾವಿಸ್‌ ಹೆಡ್ ಬುಧವಾರ ಮುಂಬೈ ಇಂಡಿಯನ್ಸ್ ವಿರುದ್ಧ ಕೇವಲ 24 ಎಸೆತಗಳಲ್ಲಿ 3 ಸಿಕ್ಸರ್‌ ಹಾಗೂ 9 ಬೌಂಡರಿಗಳೊಂದಿಗೆ 62 ರನ್ ಸಿಡಿಸಿದ್ದರು.
MI vs SRH: ಹೈದರಾಬಾದ್ 277 ರನ್ ದಾಖಲಿಸಿದ ಬೆನ್ನಲ್ಲೆ ಕುಣಿದು ಕುಪ್ಪಳಿಸಿದ ಕಾವ್ಯ ಮಾರನ್‌! ವಿಡಿಯೋ ವೈರಲ್‌
3. ಶಹಬಾಝ್ ಅಹ್ಮದ್‌
ಪ್ರಸ್ತುತ ನಡೆಯುತ್ತಿರುವ 2024ರ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಟೂರ್ನಿಯಲ್ಲಿ ಸನ್ರೈಸರ್ಸ್ ಹೈದರಾಬಾದ್ ಪರ ಶಹಬಾಝ್ ಅಹ್ಮದ್‌ ಆಡುತ್ತಿದ್ದಾರೆ. ಅದರಂತೆ ಕೋಲ್ಕತಾ ನೈಟ್‌ ರೈಡರ್ಸ್ ವಿರುದ್ಧದ ಪಂದ್ಯದಲ್ಲಿ ಶಹಬಾಝ್ ಅಹ್ಮದ್‌ ಕೇವಲ 6 ಎಸೆತಗಳಲ್ಲಿ ಎರಡು ಸಿಕ್ಸರ್‌ ಹಾಗೂ ಒಂದು ಬೌಂಡರಿಯೊಂದಿಗೆ 16 ರನ್ ಸಿಡಿಸಿದ್ದರು. ಕೆಕೆಆರ್‌ ವಿರುದ್ಧ ನಿರ್ಣಾಯಕ ಸನ್ನಿವೇಶದಲ್ಲಿ ಅವರು ಭರ್ಜರಿ ಬ್ಯಾಟ್‌ ಮಾಡಿದ್ದರು. ಆದರೂ ಈ ಪಂದ್ಯದಲ್ಲಿ ಎಸ್‌ಆರ್‌ಎಚ್‌ ಸೋತಿತ್ತು. ಆದರೆ, ಬುಧವಾರ ಮುಂಬೈ ಇಂಡಿಯನ್ಸ್ ವಿರುದ್ದ ಹೈದರಾಬಾದ್ ಮೊದಲ ಗೆಲುವು ಪಡೆದಿದೆ. ಅಂದ ಹಾಗೆ ಆರ್‌ಸಿಬಿ ಪರ 2020ರ ಟೂರ್ನಿಯಲ್ಲಿ ಐಪಿಎಲ್ ಟೂರ್ನಿಗೆ ಪದಾರ್ಪಣೆ ಮಾಡಿದ್ದರು. ನಂತರ 2022ರ ಮೆಗಾ ಹರಾಜಿನಲ್ಲಿಯೂ ಅವರು ಆರ್‌ಸಿಬಿಗೆ ಸೇರಿದ್ದು, 2024ರ ಮಿನಿಹರಾಜಿನ ಮೂಲಕ ಎಸ್‌ಆರ್‌ಎಚ್‌ಗೆ ಸೇರ್ಪಡೆಯಾಗಿದ್ದರು.
'ಸಿಕ್ಸರ್‌ಗಳ ಸುರಿಮಳೆ': ಮುಂಬೈ vs ಹೈದರಾಬಾದ್ ಪಂದ್ಯದಲ್ಲಿ ಮೂಡಿಬಂದ ದಾಖಲೆಗಳು!
4. ಕೆಎಲ್‌ ರಾಹುಲ್
ಭಾರತ ಹಾಗೂ ಕರ್ನಾಟಕದ ಬ್ಯಾಟ್ಸ್ಮನ್ ಕೆಲ್‌ ರಾಹುಲ್ ಅವರು ಕೂಡ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ತಂಡದ ಪರ 2013ರಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ ವೃತ್ತಿ ಜೀವನವನ್ನು ಆರಂಭಿಸಿದ್ದರು. ನಂತರ 2014 ಹಾಗೂ 2015ರ ಟೂರ್ನಿಗಳಲ್ಲಿ ರಾಹುಲ್, ಸನ್ರೈಸರ್ಸ್ ಹೈದರಾಬಾದ್ ಪರ ಆಡಿದ್ದರು. 2016ರಲ್ಲಿ ಮತ್ತೆ ಅವರು ಆರ್‌ಸಿಬಿಗೆ ಮರಳಿದ್ದರು. ಗಾಯದ ಕಾರಣ 2017ರ ಟೂರ್ನಿಯಿಂದ ಹೊರಗುಳಿದಿದ್ದ ಅವರು, 2018 ರಿಂದ 2021ರವರೆಗೆ ಕಿಂಗ್ಸ್ ಇಲೆವೆನ್‌ ಪರ (ಪಂಜಾಬ್‌ ಕಿಂಗ್ಸ್) ಪರ ಆಡಿದ್ದರು. 2022ರ ಮೆಗಾ ಹರಾಜಿನ ಬಳಿಕ ಲಖನೌ ಸೂಪರ್‌ ಜಯಂಟ್ಸ್ ಪರ ರಾಹುಲ್ ಆಡುತ್ತಿದ್ದಾರೆ. 2024ರ ಟೂರ್ನಿಯ ರಾಜಸ್ಥಾನ್ ರಾಯಲ್ಸ್ ವಿರುದ್ದ ಅವರು 44 ಎಸೆತಗಳಲ್ಲಿ 58 ರನ್‌ಗಳನ್ನು ಗಳಿಸಿದ್ದರು. ಆದರೂ ಲಖನೌ ಸೋಲು ಅನುಭವಿಸಿತ್ತು.
MI vs SRH: ಕೇವಲ 16 ಎಸೆತಗಳಲ್ಲಿ ಫಿಫ್ಟಿ ಬಾರಿಸಿ ದಾಖಲೆ ಬರೆದ ಅಭಿಷೇಕ್ ಶರ್ಮಾ!
5. ಯುಜ್ವೇಂದ್ರ ಚಹಲ್‌
2011ರ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿಯೇ ಮುಂಬೈ ಇಂಡಿಯನ್ಸ್ ತಂಡದಲ್ಲಿ ಕಾಣಿಸಿಕೊಂಡಿದ್ದ ಯುಜ್ವೇಂದ್ರ ಚಹಲ್‌, ಆಡುವ ಬಳಗದಲ್ಲಿ ಅವಕಾಶ ಸಿಕ್ಕಿರಲಿಲ್ಲ. ಆದರೆ, 2014ರಲ್ಲಿ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರಿಗೆ ಬಂದಿದ್ದ ಚಹಲ್‌, ವಿರಾಟ್‌ ಕೊಹ್ಲಿ ಸತತ ಎಂಟು ಆವೃತ್ತಿಗಳಲ್ಲಿ ಆಡಿದ್ದರು. ಆದರೆ, 2022ರ ಐಪಿಎಲ್ ಮೆಗಾ ಹರಾಜಿನಲ್ಲಿ ಅವರು ರಾಜಸ್ಥಾನ್ ರಾಯಲ್ಸ್‌ಗೆ ಸೇರ್ಪಡೆಯಾಗಿದ್ದು, 2024ರ ಟೂರ್ನಿಯಲ್ಲಿಯೂ ಅದೇ ತಂಡದ ಪರ ಆಡುತ್ತಿದ್ದಾರೆ. ಆರ್‌ಆರ್‌ ತಂಡಕ್ಕೆ ಆರ್‌ ಅಶ್ವಿನ್‌ ಜೊತೆಗೆ ಚಹಲ್‌ ಕೂಡ ಕೀ ಸ್ಪಿನ್ನರ್‌ ಆಗಿದ್ದು, ಲಖನೌ ಸೂಪರ್‌ ಜಯಂಟ್ಸ್ ಪರ 25 ರನ್ ನೀಡಿ ಒಂದು ವಿಕೆಟ್‌ ಕಿತ್ತಿದ್ದರು.
READ ON APP