ವಾಟ್ಸಾಪ್, ಇನ್ಸ್ಟಗ್ರಾಮ್ಗೆ ಮೆಟಾ'ದಿಂದ ಎಐ ಫೀಚರ್
ಇದು ಟೆಕ್‌ ವರ್ಲ್ಡ್‌. ಪ್ರಸ್ತುತ ತಂತ್ರಜ್ಞಾನ ಕ್ಷೇತ್ರದಲ್ಲಿಯ ಬದಲಾವಣೆಗಳನ್ನು ಸುಂಟರಗಾಳಿಯಂತೆ ನೋಡಬಹುದು. ಅದಕ್ಕೆ ಪೂರಕ ಬದಲಾವಣೆಗಳಲ್ಲಿ ಮಹತ್ತರ ಸ್ಥಾನ ಪಡೆಯುವುದು ಚಾಟ್‌ಜಿಪಿಟಿ ಮತ್ತು ಇದಕ್ಕೆ ಅಪ್‌ಗ್ರೇಡ್‌ ನೀಡಿರುವ ಓಪನ್‌ಎಐ. ಹೌದು, ಇಂದಿನ ಜನತೆಗೆ ಅದರಲ್ಲೂ ಸ್ಮಾರ್ಟ್‌ಫೋನ್‌ ಹಾಗೂ ಲ್ಯಾಪ್‌ಟಾಪ್‌, ಟ್ಯಾಬ್‌ ಪ್ರಿಯರಿಗೆ ದಿನಕ್ಕೊಂದು ಹೊಸ ಬಗೆಯ ನಾವೀನ್ಯ ಫೀಚರ್‌ಗಳು ಮತ್ತು ಹೊಸ ಅನುಭವಗಳನ್ನು ಈ ಓಪನ್‌ಎಐ, ಚಾಟ್‌ಜಿಪಿಟಿಗಳು ನೀಡುತ್ತಿವೆ.
ಇವುಗಳ ಕಾರ್ಯಕ್ಷಮತೆಯನ್ನು ಹಾಗೂ ಬಳಕೆದಾರರಿಗೆ ನೀಡುವ ಅನುಕೂಲತೆಯನ್ನು ಗಮನದಲ್ಲಿಟ್ಟುಕೊಂಡು ಮೆಟಾ ಕಂಪನಿ ಈಗ ತನ್ನ ವಾಟ್ಸಾಪ್ ಮತ್ತು ಇನ್‌ಸ್ಟಗ್ರಾಮ್‌ ಅಪ್ಲಿಕೇಶನ್‌ಗಳಿಗೆ ಈ ಫೀಚರ್‌ಗಳನ್ನು ಪರೀಕ್ಷಿಸುತ್ತಿದೆ. ಎಐ ಚಾಟ್ಬಾಟ್ ಅನ್ನು ಶೀಘ್ರದಲ್ಲಿ ಪರಿಣಾಮಕಾರಿಯಾಗಿ ಬಳಕೆದಾರರಿಗೆ ಲಭ್ಯವಾಗುವಂತೆ ಮಾಡಲು ಮೆಟಾ ಕಂಪನಿ ಪಣತೊಟ್ಟಿದೆ. ಇನ್ನು ಗೂಗಲ್‌ನ ಜೆಮಿನಿ ಎಐ ಶೀಘ್ರದಲ್ಲೇ ಒಪ್ಪೊ ಮತ್ತು ಒನ್ಪ್ಲಸ್ ಡಿವೈಸ್‌ಗಳಲ್ಲಿ ಬರಲಿದೆ. ಮೆಟಾ ಎಐ ಚಾಟ್ಬಾಟ್ ವಾಟ್ಸಾಪ್ ಮತ್ತು ಇನ್ಸ್ಟಗ್ರಾಮ್ಗೆ ಬರಲಿದೆ ಮಾರ್ಕ್‌ ಜುಕರ್‌ಬರ್ಗ್‌ ಒಡೆತನದ ಮೆಟಾ ಕಂಪನಿಯು ಪ್ರಸ್ತುತ ತನ್ನ ಜೆನೆರೇಟಿವ್ ಎಐ ಚಾಟ್ಬಾಟ್ ಆಗಿರುವ ' ಮೆಟಾ ಎಐ' ಫೀಚರ್ ಅನ್ನು ಇನ್‌ಸ್ಟಗ್ರಾಮ್‌ ನಲ್ಲಿ ಟೆಸ್ಟಿಂಗ್ ನಡೆಸುತ್ತಿದ್ದು, ಈಗಾಗಲೇ ಮಾರುಕಟ್ಟೆಯಲ್ಲಿರುವ ಇತರೆ ಚಾಟ್‌ಬೋಟ್‌ ನಂತೆಯೇ 'ಮೆಟಾ ಎಐ' ಮೂಲಕ ಕವಿತೆ ರಚಿಸಲು, ಜೆನೆರೇಟಿವ್ ಇಮೇಜ್‌ಗಳ ರಚನೆಗೆ ಮತ್ತು ಹಲವು ಸರಳ ಪ್ರಶ್ನೆಗಳಿಗೆ ಉತ್ತರಿಸಲು ಅನುಕೂಲಕರವಾಗಲಿದೆಯಂತೆ.
ಗಮನಾರ್ಹವಾದ ಅಂಶವೆಂದರೆ ಈಗಾಗಲೇ ಮೆಟಾವು ತನ್ನ ಎಐ ಚಾಟ್ಬಾಟ್ ಅನ್ನು ಭಾರತ ಮತ್ತು ಇತರೆ ದೇಶದ ಕೆಲವು ಬಳಕೆದಾರರಲ್ಲಿ ಚಾಲನೆಗೊಳಿಸುವ ಮೂಲಕ ಟೆಸ್ಟಿಂಗ್ ಆರಂಭಿಸಿದೆಯಂತೆ. ವೋಟರ್‌ ಲಿಸ್ಟ್‌ನಲ್ಲಿ ನಿಮ್ಮ ಹೆಸರು ಇದೆಯೇ?., ಚೆಕ್‌ ಮಾಡಿಕೊಳ್ಳುವ ಸುಲಭ ವಿಧಾನಗಳು ಇಲ್ಲಿವೆ..ಈ ಕುರಿತು ಮಾಹಿತಿಗಳನ್ನು ಖಚಿತಪಡಿಸಿರುವ ಮೆಟಾ'ವು , 'ನಮ್ಮ ಜೆನೆರೇಟಿವ್ ಎಐ-ಚಾಲಿತ ಅನುಭವವು ಹಲವು ಹಂತಗಳ ಅಭಿವೃದ್ಧಿಯಲ್ಲಿದ್ದು, ಸಾರ್ವಜನಿಕವಾಗಿ ಇದರ ಕಾರ್ಯಕ್ಷಮತೆಯನ್ನು ಟೆಸ್ಟ್‌ ಮಾಡಲಾಗುತ್ತಿದೆ' ಎಂದಿದೆ. ಎಐ ಫೀಚರ್ ಅಪ್‌ಡೇಟ್‌ ಯಾವೆಲ್ಲ ಡಿವೈಸ್‌ಗಳಿಗೆ? ಚೀನಾ ಮೂಲದ ಸ್ಮಾರ್ಟ್‌ಫೋನ್‌ ತಯಾರಕರು ಒಪ್ಪೊ ಮತ್ತು ಒನ್ಪ್ಲಸ್ ಗಳು ಶೀಘ್ರದಲ್ಲೇ ಗೂಗಲ್‌ನ ಜೆಮಿನಿ ಎಐ ಮಾದರಿಗಳ ಫೀಚರ್ ಪಡೆಯಲಿವೆ ಎಂದಿದ್ದಾರೆ.
ಗೂಗಲ್‌ ತನ್ನ ಫೋಟೋ ಅಪ್ಲಿಕೇಶನ್‌ಗೆ ಎಐ ಚಾಲಿತ ಫೀಚರ್ ಅನ್ನು ಮೇ 15 ರಂದು ಜಾರಿ ಮಾಡುವುದಾಗಿ ಹೇಳಿದೆ. ಇದರಿಂದ ಚಿತ್ರಗಳ ಎಡಿಟಿಂಗ್‌ನಲ್ಲಿ ಬಳಕೆದಾರರು ಹಲವು ಹೆಚ್ಚುವರಿ, ಸರಳ, ಆಕರ್ಷಕ ಫೀಚರ್‌ಗಳನ್ನು ಪಡೆಯಬಹುದು ಎನ್ನಲಾಗಿದೆ. ಆಪಲ್‌ ಕಂಪನಿಯು ತನ್ನ ಐಫೋನ್‌ಗಳನ್ನು ಸರಳವಾಗಿ ರಿಪೇರಿ ಮಾಡಿಕೊಳ್ಳಲು ಬಳಕೆದಾರರು ಮತ್ತು ಸರ್ವೀಸ್‌ ಪ್ರೊವೈಡರ್‌ಗಳ ನಡುವೆ ಗೌಪ್ಯತೆ, ಭದ್ರತೆಯ ಹಿತದೃಷ್ಟಿಯಿಂದ ಹೆಚ್ಚಿನ ಫೀಚರ್ ಆಯ್ಕೆಗಳನ್ನು ನೀಡಲಿದೆಯಂತೆ.
Next Story
READ ON APP