വിവാഹശേഷം അഭിവൃദ്ധി നേടും നക്ഷത്രങ്ങൾ

രണ്ട് വ്യത്യസ്ത തലങ്ങളിൽ നിൽക്കുന്നവരുടെ കൂടിച്ചേരലാണ് വിവാഹം. വിവാഹം രണ്ടാം ജീവിതം, ജന്മം തുടങ്ങിയ രീതികളിൽ സൂചിപ്പിയ്ക്കാറുമുണ്ട്. വിവാഹത്തിന് നക്ഷത്രപ്പൊരുത്തം പലരും നോക്കുന്നവരാണ്. ചിലർക്ക് വിവാഹശേഷം അഭിവൃദ്ധിയുണ്ടാകുമെന്ന് പൊതുവേ പറയാറുണ്ട്. ഇത്തരത്തിൽ ഉള്ള ചില നക്ഷത്രങ്ങൾ, അതായത് വിവാഹശേഷം ഉയർച്ച നേടാൻ ഇടയുള്ള നക്ഷത്രങ്ങളെക്കുറിച്ചറിയാം.

​തിരുവാതിര, ചോതി

​രാഹുദശാകാലത്ത് ജനിച്ചവർ സമ്പത്ത് നേടും എന്ന് ജ്യോതിഷം പറയുന്നു. അതായത് രാഹു ദശാനാഥനായി വരുന്ന നക്ഷത്രങ്ങൾ. ഈ ദശാകാലത്ത് ജനിച്ചവർ പങ്കാളിയോട് സ്‌നേഹമുള്ളവരും വന്നു കയറുന്ന കുടുംബത്തിൽ നേട്ടങ്ങളുണ്ടാക്കുന്നവരുമാണെന്ന് പറയാം. തിരുവാതിര, ചോതി എന്നിവയുടെ ദശാനാഥൻ രാഹുവാണ്. ഇതിനാൽ ഇവരെ വിവാഹം കഴിയ്ക്കുന്നവർക്ക് വിവാഹശേഷം നല്ല കാലം വരുന്നതായി കാണാം. ഇവർക്കും വിവാഹശേഷം നല്ല കാലം വരുന്നുവെന്ന് പറയാം.

​​രോഹിണി, അത്തം, തിരുവോണം

​​രോഹിണി, അത്തം, തിരുവോണം എന്നീ നക്ഷത്രക്കാർ ചന്ദ്രദശയിലാണ് ജനനം. ഇതിനാൽ വിവാഹശേഷം ഇവർക്ക് ഉയർച്ച വരുമെന്ന് പറയാം. ഇവർ പൊതുവേ സൗമ്യരാണ്. ഇവർക്ക് സ്വപ്രയത്‌നവശാലും വിവാഹശേഷവും ഉയർച്ചയുണ്ടാകുമെന്ന് പറയാം. നവഗ്രഹക്ഷേത്ര ദർശനവും തിങ്കളാഴ്ച വ്രതവും ഇവർക്കേറെ നല്ലതാണ്.

Also read: തുളസിയ്‌ക്കൊപ്പം ഈ ചെടി വളർന്നാൽ കഷ്ടകാലം

​​​പൂരം, ഭരണി, പൂരാടം

​​​ശുക്രൻ ദശാനാഥനായി വരുന്ന നക്ഷത്രങ്ങളാണ് പൂരം, ഭരണി, പൂരാടം എന്നിവ. ഇവർക്ക് 20 വർഷക്കാലം ശുക്രദശയാണ്. ഇവർക്ക് ഗണപതിപ്രീതി നേടുന്നത് നല്ലതാണ്. വിവാഹശേഷം ഇവർക്ക് നല്ല ഉയർച്ചയാണ് പറയുന്നത്. മാസം തോറും ഗണപതി ഹോമം നടത്തുന്നതും നല്ലതാണ്.

Also read: ആരെയും ചതിക്കാത്ത നക്ഷത്രക്കാർ, ഇവരുടെ ഫലം

​​​പുണർതം, വിശാഖം, പൂരോരുട്ടാതി

വ്യാഴം ദശാനാഥനായി വരുന്നതാണ് പുണർതം, വിശാഖം, പൂരോരുട്ടാതി എന്നിവ. ഇവർക്ക് വിവാഹശേഷം ഉയർച്ച കാണുന്നു. ധന, വിദ്യാഭ്യാസ ഭാഗ്യങ്ങൾ വിവാഹശേഷം പറയപ്പെടുന്നു. ഇവർ വിഷ്ണു, ലക്ഷ്മീഭജനം നടത്തുന്നത് നല്ലതാണ്. പാൽപ്പായസം, തുളസീമാല എന്നീ വഴിപാടുകൾ നടത്തുന്നത് നല്ലതാണ്. വേണ്ട രീതിയിൽ അതാത് ദശാനാഥന്മാരെ പ്രീതിപ്പെടുത്തുകയും ചെയ്യാം.