മണിക്കൂറിൽ നേടുന്നത് 10 കോടി രൂപ; ഒരു രൂപ പോലും കയ്യിലില്ലാതിരുന്ന കാലം ലിസ ജോൺസണ് പഴങ്കഥ

ഒരു കാലത്ത് സാമ്പത്തിക സ്വാതന്ത്ര്യം സ്വപ്നം കാണാൻ പോലും കഴിയില്ലായിരുന്ന ഒരു വനിതയാണ് ലിസ ജോൺസൺ എന്ന വനിത. അപ്രതീക്ഷിതമായി ജോലി നഷ്‌ടപ്പെട്ടു. വിവാഹമോചനം നേരത്തെ നേടിയിരുന്നു. 36 ലക്ഷം രൂപയുടെ എടുത്താൽ പൊങ്ങാത്ത കടബാധ്യതയും. ഇപ്പോൾ മണിക്കൂറിന് 10 കോടി രൂപയാണ് ഇവർ നേടുന്നത്. സ്വകാര്യ വിമാനത്തിൽ ആണ് യാത്ര . ആരെയും അമ്പരപ്പിക്കുന്ന വിജയംദരിദ്രയായി സെക്കൻഡ് ഹാൻഡ് വസ്ത്രങ്ങൾ മാത്രം ധരിച്ച് ജീവിച്ചിരുന്ന ലിസയുടെ ജീവിതം മാറി മറിഞ്ഞത് പെട്ടെന്നാണ്.

പ്രതികൂല സാഹചര്യങ്ങളിൽ തളർന്ന് പോകാതെ ഒട്ടേറെ സങ്കടങ്ങൾക്കിടയിലും വിജയിക്കാൻ നിരന്തരം പരിശ്രമിച്ചുകൊണ്ടിരുന്നതാണ് ലിസയെ വിജയത്തിലെത്തിച്ചത്. ഇംഗ്ലണ്ടിലെ ബെഡ്ഫോർഡ്ഷയറിൽ താമസിക്കുന്ന ലിസ 36 ലക്ഷം രൂപയുടെ കടം ഏഴു വർഷത്തിനുള്ളിൽ തീർത്തു. സ്വയം നേടിയെടുത്തത്, 165 കോടി രൂപയുടെ ആസ്തിയാണ്.ലിസ ജോൺസൺ ലണ്ടനിലെ കാനറി വാർഫിൽ ജോലി ചെയ്യുമ്പോൾ അവൾ പ്രതിവർഷം ഏകദേശം 62 ലക്ഷം രൂപയായിരുന്നു ശമ്പളം. ഈ സമയത്താണ് ഇരട്ട കുട്ടികളുണ്ടായത്. മക്കളെ വളർത്താൻ ജോലി ഉപേക്ഷിക്കേണ്ടി വന്നു.

കുറഞ്ഞ ശമ്പളമുള്ള ജോലികൾ ചെയ്തു പക്ഷേ ചെലവുകൾ വർദ്ധിച്ചുകൊണ്ടിരുന്നു. ഇത് കടബാധ്യതയിലേക്ക് നയിച്ചു. ഒടുവിൽ ജോലി ഉപേക്ഷിച്ച് സ്വന്തമായി ബിസിനസ് ആരംഭിക്കാൻ തീരുമാനിക്കുകയായിരുന്നു. ലൈബ്രറിയിൽ പോയി ബിസിനസ് ആശയങ്ങളുമായി ബന്ധപ്പെട്ട പുസ്തകങ്ങൾ തെരഞ്ഞെടുത്ത് വായന തുടങ്ങി. ഈ വായനയാണ് വഴിത്തിരിവായത്. പുസ്തകത്തിൽവായിച്ചതെല്ലാം ആവശ്യക്കാർക്ക് പറഞ്ഞുകൊടുക്കാൻ തീരുമാനിക്കുകയായിരുന്നു. 2017 മുതൽ, ലിസ ബിസിനസ് കോച്ചിങ് നൽകുന്നു 50,000-ത്തിലധികം സംരംഭകരെ സഹായിച്ചിട്ടുണ്ട്.

അവരിൽ ചിലർ ഇപ്പോൾ കോടീശ്വരന്മാരായി മാറി. ദാരിദ്ര്യത്തിൽ നിന്ന് കരകയറിയ ലിസ വിജയത്തിൻ്റെ പുതിയ അധ്യായം എഴുതി. ഏഴു വർഷത്തിനിടെ 165 കോടി രൂപയുടെ സമ്പത്തുമുണ്ടാക്കി