പരമാവധി മൂന്ന് ആഴ്ച; ഇപ്പോൾ വാങ്ങിയാൽ 26% ലാഭം നൽകാവുന്ന മൂന്ന് ഓഹരികൾ

മിഡിൽ ഈസ്റ്റ് സംഘർഷം കാരണം ആഭ്യന്തര ഓഹരി വിപണിയിൽ നേരിയ തിരുത്തൽ നേരിട്ടെങ്കിലും നിർണായക സപ്പോർട്ട് നിലവാരത്തിൽ നിന്നും പിന്തുണ ആർജിച്ച് തിരികെ വരവിനുള്ള സൂചന നൽകിക്കഴിഞ്ഞു. സംഘർഷം വ്യാപിക്കില്ലെന്ന റിപ്പോർട്ടുകളാണ് സഹായകരമായത്. കൂടാതെ മാർച്ച് സാമ്പത്തിക പാദത്തിൽ കോർപറേറ്റ് കമ്പനികളുടെ പ്രവർത്തനഫലം സംബന്ധിച്ച ശുഭപ്രതീക്ഷയും തുണച്ചു.

ഇതിനിടെ പ്രമുഖ ആഭ്യന്തര ബ്രോക്കറേജ് സ്ഥാപനമായ ആനന്ദ് രാത്തി ഷെയേഴ്സിന്റെ റിസർച്ച് റിപ്പോർട്ട് പുറത്തിറങ്ങി. ഇതിലെ ഓഹരികളുടെ വിശദാശം ചുവടെ ചേർക്കുന്നു. ഹൈക്കൽ ലിമിറ്റഡ്ഗവേഷണ സേവനങ്ങൾ, മരുന്ന് നിർമാണത്തിനുള്ള രാസസംയുക്തങ്ങളും ഘടക പദാർത്ഥങ്ങളും വിതരണം ചെയ്യുന്ന കമ്പനിയാണ് ഹൈക്കൽ ലിമിറ്റഡ് ( BSE : 524735, NSE : HIKAL). കഴിഞ്ഞയാഴ്ച 299 രൂപയിലായിരുന്നു ഈ സ്മോൾ ക്യാപ് ഓഹരിയുടെ വ്യാപാരം അവസാനിപ്പിച്ചത്. ഈ നിലവാരത്തിൽ നിന്നും ഹൈക്കൽ ഓഹരി വാങ്ങാമെന്ന് ആനന്ദ് രാത്തി ഷെയേഴ്സിന്റെ ഇക്വിറ്റി റിസർച്ച് സീനിയർ മാനേജർ ജിഗർ പട്ടേൽ പറഞ്ഞു. വരുന്ന രണ്ടോ മൂന്നോ ആഴ്ച കാലയളവിനുള്ളിൽ ഓഹരിയുടെ വിപണി വില 375 രൂപയിലേക്ക് മുന്നേറാമെന്നാണ് നിഗമനം. ഇതിലൂടെ 26 ശതമാനം നേട്ടമാണ് പ്രതീക്ഷിക്കുന്നത്. ഇപ്പോൾ ഹൈക്കൽ ഓഹരി വാങ്ങുന്നവർ 250 രൂപ നിലവാരത്തിൽ സ്റ്റോപ്പ് ലോസ് ക്രമീകരിക്കാൻ ശ്രദ്ധിക്കണമെന്നും ഇക്വിറ്റി റിസർച്ച് അനലിസ്റ്റ് വ്യക്തമാക്കി. നവീൻ ഫ്ലൂറീൻ ഇന്റർനാഷണൽ

റഫ്രിജറേഷൻ ഗ്യാസ്, ഇനോർഗാനിക് ഫ്ലൂറൈഡ്സ്, സ്പെഷ്യാൽറ്റി ഓ‌ർഗാനോഫ്ലൂറിൻസ് എന്നിവ നിർമിക്കുന്ന പ്രമുഖ കമ്പനിയാണ് നവീൻ ഫ്ലൂറീൻ ഇന്റർനാഷണൽ ലിമിറ്റഡ് ( BSE : 532504, NSE : NAVINFLUOR). നിലവിൽ 3,223 രൂപയിലാണ് ഈ മിഡ് ക്യാപ് ഓഹരി വ്യാപാരം ചെയ്യപ്പെടുന്നത്. ഇവിടെ നിന്നും രണ്ടോ മൂന്നോ ആഴ്ച കാലയളവിനുള്ളിൽ നവീൻ ഫ്ലൂറീൻ ഓഹരിയുടെ വില 3,600 രൂപയിലേക്ക് കുതിച്ചുയരാമെന്ന് ആനന്ദ് രാത്തി ഷെയേഴ്സിന്റെ ഇക്വിറ്റി റിസർച്ച് സീനിയർ മാനേജർ ജിഗർ പട്ടേൽ സൂചിപ്പിച്ചു. ഇതിലൂടെ 12 ശതമാനം ലാഭമാണ് ഓഹരിയിൽ നിന്നും നോട്ടമിടുന്നത്. അതേസമയം നവീൻ ഫ്ലൂറീൻ ഓഹരി വാങ്ങുന്നവർ 250 രൂപ നിലവാരത്തിൽ സ്റ്റോപ്പ് ലോസ് ക്രമീകരിക്കണമെന്നും ഇക്വിറ്റി റിസർച്ച് അനലിസ്റ്റ് നിർദേശിച്ചു. എസ്ബിഐ കാർഡ്സ്

ക്രെ‍‍ഡിറ്റ് കാർഡ് സേവനങ്ങൾ‌ നൽകുന്ന നോൺാബാങ്കിങ് ഫിനാൻഷ്യൽ കമ്പനിയാണ് എസ്ബിഐ കാർഡ്സ് ആൻഡ് പേയ്മെന്റ് സർവീസസ് ( BSE : 543066, NSE : SBICARD). വെള്ളിയാഴ്ച 732 രൂപയിലായിരുന്നു ഈ ലാർജ് ക്യാപ് ഓഹരിയുടെ ക്ലോസിങ്. ഈ നിലവാരത്തിൽ നിന്നും എസ്ബിഐ കാർഡ്സ് ഓഹരി വാങ്ങാമെന്ന് ആനന്ദ് രാത്തി ഷെയേഴ്സിന്റെ ഇക്വിറ്റി റിസർച്ച് സീനിയർ മാനേജർ ജിഗർ പട്ടേൽ നിർദേശിച്ചു. അടുത്ത മൂന്ന് ആഴ്ച കാലയളവിനുള്ളിൽ ഓഹരി വില 840 രൂപയിലേക്ക് മുന്നേറാമെന്നാണ് അനുമാനം. ഇതിലൂടെ 15 ശതമാനം നേട്ടമാണ് ലക്ഷ്യമിടുന്നത്. ഇപ്പോൾ എസ്ബിഐ കാർഡ്സ് ഓഹരി വാങ്ങുന്നവർ 665 രൂപയിൽ സ്റ്റോപ്പ് ലോസ് ക്രമീകരിക്കാൻ ശ്രദ്ധിക്കണമെന്നും ഇക്വിറ്റി റിസർച്ച് അനലിസ്റ്റ് വ്യക്തമാക്കി. ( Disclaimer: മേൽസൂചിപ്പിച്ച ഓഹരികളിൽ നിക്ഷേപത്തിനുള്ള നിർദേശം ബ്രോക്കറേജ് സ്ഥാപനമായ ആനന്ദ് രാത്തി ഷെയേഴ്സ് സ്വന്തം നിലയിൽ നൽകിയതാണ്. ഇതിൽ ടൈംസ് ഇന്റർനെറ്റിന് പങ്കില്ല. ഓഹരി വിപണിയിലെ നിക്ഷേപം ലാഭനഷ്ട സാധ്യതകൾക്കു വിധേയമാണ്. നിക്ഷേപിക്കുന്നതിന് മുൻപ്, സെബി അംഗീകൃത സാമ്പത്തിക വിദഗ്ധരിൽ നിന്നും നിങ്ങൾക്ക് മാർഗനിർദേശം തേടാം

.)