ലേലത്തിലെ അൺസോൾഡ് ലിസ്റ്റിൽ നിന്ന് രാജസ്ഥാൻ റോയൽസിന്റെ ഹീറോയിലേക്ക്; സന്ദീപ് ശർമ്മ വേറെ ലെവലാണ്

സന്ദീപ് ശർമയെന്ന മീഡിയം പേസ് ബോളർക്ക് അയാളുടെ യാത്ര ഒട്ടും എളുപ്പമായിരുന്നില്ല എന്നതാണ് സത്യം. പുതിയ ബോൾ കൈകാര്യം ചെയ്യാനുള്ള ഇഷ്ടം കൊണ്ട് കൂടിയാകാം പവർ പ്ലെ സ്‌പെഷ്യലിസ്റ്റ് ആയിട്ടാണ് കരിയറിലെ നല്ലൊരു സമയം അദ്ദേഹം ചെലവഴിക്കുന്നത് . എക്സ്പ്രസ് പേസോ ഡെത്ത് ബോളിങ് സ്കിൽസോ കൈവശം ഇല്ലാത്തത് കൊണ്ട് വേറൊരു ലെവലിലേക്ക് ഉയരാനുള്ള സാധ്യതകളും കുറവായിരുന്നു.

പവർ പ്ലെ വിക്കറ്റുകളിലൂടെ ശ്രദ്ധയിലേക്ക് വന്നെങ്കിലും പതിയെ ബാറ്റർമാർ പവർ പ്ലെയിൽ തന്നെ സന്ദീപിനെ നല്ലരീതിയിൽ നേരിട്ട് തുടങ്ങിയതൊടെ മോശം കാലം തുടങ്ങുന്നു. വിക്കറ്റുകൾ കുറയുന്നു എങ്കിലും ഒരു മോശം ബൗളർ എന്ന നിലയിലേക്ക് അദ്ദേഹം പോയിരുന്നില്ല. ഒരു ഐ പി എൽ സീസണിൽ അൺസോൾഡ് ആവുന്നതോടെ ഈ താരം പതിയെ മാഞ്ഞു പോയെന്ന തോന്നൽ ഉണ്ടാവുന്ന സമയത്താണ് രാജസ്ഥാൻ പകരക്കാരനായി കൊണ്ട് വരുന്നത്. സന്ദീപിനെക്കാൾ സ്കിൽ സെറ്റ് കൈവശമുണ്ടായിരുന്നവർ പ്രതീക്ഷ നൽകി മാഞ്ഞുപോയിട്ടുള്ള ചരിത്രം നമ്മുടെ മുന്നിലുണ്ട്.

പക്ഷേസന്ദീപ് ശർമ ഒരു പോരാളി ആയിരുന്നു. എങ്ങനെ അയാൾ തിരികെ വന്നുവെന്നതിനെ പറ്റി ഒരുപക്ഷെ വാഴ്ത്തുപാട്ടുകൾ ഉണ്ടായെന്നു വരില്ല, പക്ഷെ ബൗളറുടെ ഇമ്പ്രൂവ്മെന്റ് എന്നത് കാട്ടിത്തരാൻ തൽക്കാലം ഇന്ത്യൻ ക്രിക്കറ്റിൽ സന്ദീപിനെക്കാളും മികച്ചൊരു ഉദാഹരണമില്ല. പേസ് വേരിയേഷൻസ്, യോർക്കറുകൾ, സ്ക്രാംബിൾഡ് സീം ഡെലിവറികൾ എല്ലാം പഠിച്ചെടുത്തു ഒരു ടോപ് ഡെത്ത് ഓവർ ബൗളർ എന്ന നിലയിലേക്കുള്ള ട്രാൻസ്ഫോർമേഷൻ നമുക്ക് മുന്നിലുണ്ട്.Also Read: സഞ്ജുവിന് ഭീഷണി ആ സൂപ്പർ താരം, കാര്യങ്ങൾ ഒട്ടും എളുപ്പമല്ല; രാജസ്ഥാൻ റോയൽസ് ക്യാപ്റ്റനെ കാത്തിരിക്കുന്നത് ഇങ്ങനെ

ഇതെല്ലാം ആർജിച്ചു കഴിയുമ്പോൾ പഴയ പവർ പ്ലേ സ്കിൽസ് കൈമോശം വന്നുവോ എന്ന് സംശയിച്ചവർക്ക് മുംബൈക്കെതിരെയുള്ള ആദ്യത്തെ രണ്ടോവർ മതിയാകുമെന്ന് തോന്നുന്നു. പിച്ചിൽ ഉണ്ടായിരുന്ന മൂവ്മെന്റ് കൃത്യമായി മുതലെടുത്തു ഔട്ട്‌ സ്വിങ്ങറുകളും ഇൻ സ്വിങ്ങറുകളും മനോഹരമായി എറിയുന്നു എന്നത് മാത്രമല്ല ക്രീസിലുള്ളത് സൂര്യകുമാർ യാദവ് ആയാൽ പോലും സ്ട്രോക്കുകൾ കളിക്കാനുള്ള റൂം നൽകുന്നില്ല. ടൈറ്റ് ലൈൻ & ലെങ്തിൽ മുംബൈ ബാറ്റർമാരെ നിയന്ത്രിച്ചു നിർത്തുന്നു, അവരുടെ ടോപ് ഓർഡർ തകർക്കുന്നു.Also Read:

രാജസ്ഥാൻ റോയൽസിന്റെ ആ നീക്കം അബദ്ധമാകാൻ സാധ്യത, സഞ്ജുവിന്റെ ടീമിന്റെ ആരാധകർ വൻ ആശങ്കയിൽ; സംഭവം ഇങ്ങനെ സ്വയം മെച്ചപ്പെടാനുള്ള ആഗ്രഹവും അതിന് കഠിനാധ്വാനം ചെയ്യാൻ മനസ്സുമുള്ളവരെ പിന്തുണയ്ക്കുന്ന ഒരു മാനേജ്മെന്റും നായകനുമുണ്ടെങ്കിൽ സന്ദീപിനെ പോലുള്ളവർക്ക് കരിയർ നീട്ടിയെടുക്കാൻ സാധിക്കും. ബോണസ് എന്ന് പറഞ്ഞു സന്ദീപ് തന്നെ നിസ്സാരവത്കരിക്കുന്നുണ്ടെങ്കിലും സത്യത്തിൽ അത് ഒരു കഠിനാധ്വാനിയായ ക്രിക്കറ്ററുടെ അർപ്പണബോധവും നിശ്ചയദാർഢ്യവുമാണ്.

ഈയൊരു ട്രാൻസ്‌ഫോർമേഷന് സമാനതകളുമില്ല.