തകര്ത്താടി മോഹന്ലാല്, വീഡിയോ ഷെയര് ചെയ്ത് ഷാരൂഖ് ഖാന് പറഞ്ഞത്; ഈ പ്രായത്തിലും ഇതെങ്ങനെ സാധിക്കുന്നു എന്ന് ആരാധകര്
പ്രായം മെഗാസ്റ്റാര്‍ മമ്മൂട്ടിയുടെ ലുക്കിനെ ബാധിയ്ക്കുന്നില്ല എങ്കില്‍, മോഹന്‍ലാലിനെ സംബന്ധിച്ച് പ്രവൃത്തിയില്‍ ബാധിക്കുന്നില്ല എന്ന് പറയേണ്ടി വരും. പ്രായത്തെ വെല്ലുവിളിച്ചുകൊണ്ടുള്ള ആക്ഷനും ഡാന്‍സും ഒക്കെയാണ് മോഹന്ലാല് ഇപ്പോഴും ചെയ്തുകൊണ്ടിരിയ്ക്കുന്നത്. അതാണ് ഇപ്പോഴും ലാലേട്ടന് ഫാന്‍സിന്റെയും ഊര്‍ജ്ജം.
അങ്ങനെ ഇതാ ലേറ്റസ്റ്റ് ആയി മോഹന്‍ലാലിന്റെ ഒരു ഡാന്‍സ് വീഡിയോ വൈറലാവുന്നു.വനിത ഫിലിം അവാര്‍ഡില്‍ മോഹന്ലാല് തകര്‍പ്പന്‍ പ്രകടനം നടത്തിയ വീഡിയോയുടെ ഒരു മൊബൈല്‍ ക്ലിപ്പിങ് വീഡിയോ ആണ് വൈറലാവുന്നത്. അത്രയ്ക്ക് ക്ലിയര്‍ അല്ല വീഡിയോ എങ്കിലും എക്‌സില്‍ അതിപ്പോള്‍ ട്രെന്റിങ് ആണ്. അത്രയധിക ആളുകള്‍ വീഡിയോ റീ-ട്വീറ്റ് ചെയ്യുന്നുണ്ട്. അതിലൊരാളാണ് ബോളിവുഡ് ബാദുഷ, സാക്ഷാല്‍ ഷാരൂഖ് ഖാനും.ഷാരൂഖ് ഖാനെ നായകനാക്കി അറ്റിലി സംവിധാനം ചെയ്ത ജവാന്‍ എന്ന ചിത്രത്തിലെ പാട്ടിനാണ് മോഹന്ലാല് ചുവട് വയ്ക്കുന്നത്. അനിരുദ്ധ് രവി ചന്ദര്‍ കംപോസ് ചെയ്ത ഹൈ വോള്‍ട്ടേജ് എനര്‍ജറ്റിഖ് പാട്ടിന് മോഹന്ലാല് ചുവട് വയ്ക്കുന്ന വീഡിയോ തമിഴ് ആരാധകരും ഏറ്റെടുത്തു കഴിഞ്ഞു. താന്‍ അഭിനയിച്ച പാട്ടിന് ലാല്‍ സര്‍ ചുവട് വച്ച സന്തോഷമാണ് ഷാരൂഖ് ഖാന്.'ഇപ്പോള്‍ ഈ പാട്ട് എനിക്ക് സ്‌പെഷ്യല്‍ ആണ്' എന്ന് വീഡിയോ ഷെയര് ചെയ്തുകൊണ്ട് ഷാരൂഖ് ഖാന് പറയുന്നു. 'ഈ ഗാനം എനിക്ക് ഇപ്പോള്‍ ഏറ്റവും സ്‌പെഷ്യല്‍ ആക്കിയതിന് നന്ദി മോഹന്ലാല് സര്‍. നിങ്ങള്‍ ചെയ്തതിന്റെ പകുതിയെങ്കിലും നന്നായി ഞാന്‍ ചെയ്തിരുന്നുവെങ്കില്‍ എന്ന് ആശിച്ചു പോകുന്നു. ലവ് യു സര്‍. വീട്ടില്‍ ഒരു അത്താഴമൊരുക്കാന്‍ കാത്തിരിക്കുന്നു. നിങ്ങളാണ് ഓ ജി സിന്ദാബാദ്' എന്നാണ് വീഡിയോ റീ-ട്വീറ്റ് ചെയ്ത് ഷാരൂഖ് ഖാന് കുറിച്ചത്.
എന്നാലും ഈ അറുപത്തി മൂന്നാം വയസ്സിലും ഇത്ര എനര്‍ജെറ്റിക് ആയി ലാലേട്ടന് എങ്ങനെ ഇതൊക്കെ സാധിക്കുന്നു എന്നാണ് ആരാധകരുടെ കണ്‍ഫ്യൂഷന്‍. ഒരേ ഒരു ലാലേട്ടന് എന്ന മുദ്രാവാക്യങ്ങളൊക്കെയാണ് കമന്റില്‍ വരുന്നത്.അല്ലെങ്കിലും കഴിഞ്ഞ രണ്ട് ദിവസമായി സോഷ്യല്‍ മീഡിയയില്‍ നിറഞ്ഞു നില്‍ക്കുകയാണ് മോഹന്ലാല്. ബിഗ് ബോസ് ഷോയില്‍ വച്ച് താന്‍ തന്റെ ശരീരം മുഴുവന്‍ ദാനം ചെയ്തതാണെന്നും, അവയവദാനം മഹത്തായ കാര്യമാണെന്നും മോഹന്ലാല് പറഞ്ഞിരുന്നു. വളരെ പോസിറ്റീവ് ആയ മോഹന്‍ലാലിന്റെ ആ സന്ദേശം ലക്ഷകണക്കിന് ആരാധകരെയും സ്വാധീനിച്ചു എന്ന് പറയാം.
Next Story
READ ON APP