കുഞ്ഞുണ്ടെന്നൊക്കെ ലേഖ നേരത്തെ പറഞ്ഞു; 10 വർഷക്കാലം അമേരിക്കയിൽ ആയിരുന്ന ലേഖ- എംജി പ്രണയം തുടങ്ങുന്നത്!

ആർക്കും മാതൃകയാക്കാൻ ഉതകുന്ന ദാമ്പത്യമാണ് എം ജി ശ്രീകുമാർ ലേഖ എംജി ശ്രീകുമാർ ദമ്പതികളുടേത്. ഭർത്താവിന്റെ നിഴലായി കൂടെയുള്ള ഒരാൾ. താൻ എവിടെ പോയാലും ഒപ്പം ഭാര്യയും വേണം എന്ന് കരുതുന്ന മറ്റൊരു വ്യക്തി അവരുടെ മനോഹരമായ വർഷങ്ങൾ നീണ്ട പ്രണയം എന്നും ആരാധകർക്ക് കൗതുകമായിരുന്നു.ലിവ് ഇൻ റിലേഷൻ എന്ന് കട്ടുകേഴ്വി പോലും ഇല്ലാതിരുന്ന സമയത്താണ് ലേഖയും എംജിയും അത് തുടങ്ങുന്നത്.

കൂട്ടുകാരും നാട്ടുകാരും വീട്ടുകാരും ഒരേ സ്വരത്തിൽ എതിർത്തപ്പോഴും ലേഖയോടുള്ള പ്രണയത്തിന് എംജിക്ക് യാതൊരു കുറവും ഉണ്ടായിട്ടില്ല. ഇന്നത്തെ തലമുറയോട് ഒരിക്കലും എംജിയും ലേഖയും ലിവ് ഇൻ റിലേഷൻ സജസ്റ്റ് ചെയ്യില്ല.കാരണം അത്രയും പരിശുദ്ധ പ്രണയം ഇന്നുണ്ടോ എന്ന് സംശയമാണ്. അത്രത്തോളം ആഴത്തിൽ ഉള്ള പ്രണയമായിരുന്നു എംജിക്ക് ലേഖയോട്. ഒരിക്കലും താൻ പ്രണയം തുറന്നു പറഞ്ഞിട്ടില്ലെന്ന് ഒരിക്കൽ ലേഖ പറയുകയുണ്ടായി.പൊതുവെ പത്രാസുകാരിയാണ് ജാഡക്കാരിയാണ്. സ്റ്റാർഡത്തിന്റെ ഉന്മാദത്തിൽ മതിമറക്കുന്നവളാണ് എന്നൊക്കെ ലേഖയെ കുറിച്ച് സംസാരം ഉണ്ടെങ്കിലും ഈ പറഞ്ഞു കേട്ടതോ നിങ്ങൾ പറഞ്ഞുണ്ടാക്കുന്നതോ ഒന്നുമല്ല താൻ എന്നാണ് ലേഖ പറയാറുള്ളത്.

ഇട്ട് മൂടാൻ പണം ഉണ്ടായിട്ടും അടുക്കളയിൽ പാചകത്തിന് പോലും ഒരാളെ ലേഖ വച്ചിട്ടില്ല. തന്റെ പ്രിയതമനുവേണ്ടുന്നതെല്ലാം സ്വന്തമായി പാചകം ചെയ്തുകൊടുക്കാൻ ആണ് അവർ ഇഷ്ടപ്പെടുന്നത്. പുഴയിൽ നിന്നും ലൈവായി പിടിച്ച മീൻ കറി നല്ല കുടം പുളി ഇട്ടു വച്ചതും. തൈരും, സ്‌പെഷ്യൽ മുളക് ചമ്മന്തിയും എല്ലാം ആണ് തന്റെ ശ്രീകുട്ടന് ഇഷ്ടം എന്ന് പറയുമ്പോൾ നൂറുനാവാണ് അവർക്ക്. വർഷങ്ങൾ ഇത്രയും കഴിഞ്ഞിട്ടും കുട്ടികൾ ഇല്ലേ എന്ന്ആളുകൾ ചോദിക്കുമ്പോഴും ഇരുവരെയും ആയ ചോദ്യം പിടിച്ചുലച്ചിട്ടില്ല.

കാരണം ഇരുവരും ചേർന്നെടുത്ത തീരുമാനം ആയിരുന്നു അത്. എംജി യെ പരിചപ്പെടുമ്പോൾ അമേരിക്കൻ മലയാളിയുടെ ഭാര്യ ആയിരുന്നു ലേഖ. എന്തും മുഖത്തടിച്ചപോലെ പറയുന്ന പ്രകൃതക്കാരി. സംസാരത്തിലും, കാഴ്ചയിലും ബോൾഡ്നെസ്സ് നിറഞ്ഞു തുളുമ്പി നിൽക്കുന്ന കാലം. മുട്ടോളം വരുന്ന മുടിയും, താമര പൂവുപോലെയുള്ള കണ്ണുകളും ഉള്ള ഒരു പെൺകുട്ടി കവടിയാർ ഭാഗത്തുകൂടി എല്ലാ ദിവസവും വൈകുന്നേരം ക്ഷേത്രത്തിലേക്ക് പോകും. ആ വഴിവക്കിൽ കണ്ട് കണ്ട് ആ കാഴ്ച പ്രണയത്തിലേക്ക് വീണുപോയി. പരിചയം സൗഹൃദത്തിലേക്ക് എത്തിയപ്പോൾ തന്നെ താനൊരു കുഞ്ഞിന്റെ അമ്മയാണ് എന്ന വിവരം ലേഖ പറഞ്ഞിരുന്നു.

ആദ്യ വിവാഹം നടക്കുന്നത് ഒരു അമേരിക്കൻ മലയാളി ആയിട്ടാണ് എന്നും, അവിടെ പത്തുവർഷത്തോളം കഴിഞ്ഞിട്ടുണ്ട് എന്നും ലേഖ അടുത്തിടെ പറഞ്ഞിരുന്നു. എന്നാൽ വിഷയങ്ങൾ പലതുണ്ടായിട്ടും ലേഖയോടുള്ള പ്രണയം ഒരു നിമിത്തമായി കരുതുന്ന ആളാണ് എംജി. ഇന്നും ആ പ്രണയം ഇരുവരും ജീവിതത്തിൽ നിറച്ചു വയ്ക്കുന്നു. അത് തന്നെയാണ് ഇരുവരുടെയും ദാമ്പത്യബന്ധത്തിന്റെ അടിസ്ഥാനവും.