മുഖത്തിന് നിറം വര്ദ്ധിയ്ക്കാന് വീട്ടിലൊരു ക്രീം.....

മുഖത്തിന് നിറം വര്‍ദ്ധിപ്പിയ്ക്കാന്‍ വേണ്ടി പലതരം ക്രീമുകള്‍ വാങ്ങി പരീക്ഷിയ്ക്കുന്നവര്‍ ധാരാളമുണ്ട്. ഇത്തരം ക്രീമുകള്‍ ഉപയോഗിച്ച് പലതരം രോഗങ്ങളില്‍ ചെന്ന് പെടുന്നവര്‍ ധാരാളമുണ്ട്. ഗുണത്തേക്കാളേറെ ദോഷങ്ങള്‍ വരുത്താനാണ് ഇത്തരം കാര്യങ്ങള്‍ വഴി വയ്ക്കുക. ഇതിന് ഏററവും നല്ല പരിഹാരം വീട്ടില്‍ തന്നെ ചെയ്യാവുന്ന ചില വഴികളാണ്.

ഇതെക്കുറിച്ചറിയാം.
​ക്യാരറ്റ്​

ഇതിന് വേണ്ടത് ക്യാരറ്റ്, കോണ്‍ഫ്‌ളോര്‍, കറ്റാര്‍വാഴ ജെല്‍, വൈറ്റമിന്‍ ഇ ഓയില്‍ എന്നിവയാണ്. ക്യാരറ്റ് ആരോഗ്യത്തിന് മാത്രമല്ല, ചര്‍മസംരക്ഷണത്തിനും മികച്ചതാണ്. ക്യാരറ്റില്‍ ധാരാളം വിറ്റാമിന്‍ എ, സി, ബീറ്റാ-കരോട്ടിന്‍, ആന്റിഓക്സിഡന്റുകള്‍ എന്നിവ അടങ്ങിയിട്ടുണ്ട്. ഇവയെല്ലാം തന്നെ ചര്‍മ്മത്തിന്റെ ആരോഗ്യത്തിന് പ്രധാനമാണ്. ക്യാരറ്റില്‍ അടങ്ങിയ ആന്റിഓക്സിഡന്റുകള്‍ ചര്‍മ്മത്തെ ഫ്രീ റാഡിക്കലുകളില്‍ നിന്ന് സംരക്ഷിക്കുകയും ചര്‍മ്മത്തില്‍ ചുളിവുകള്‍ വീഴാതെ നല്ല യുവത്വത്തോടെ നിലനിര്‍ത്താന്‍ സഹായിക്കുകയും ചെയ്യുന്നു.

​വൈറ്റമിന്‍ ഇ ഓയില്‍ ​

വൈറ്റമിന്‍ ഇ ഓയില്‍ ചര്‍മത്തിന്റെ ആരോഗ്യത്തിന് പ്രധാനപ്പെട്ട ഒന്നാണ്. ഇത് ചര്‍മത്തില്‍ കൊളാജന്‍ ഉല്‍പാദനത്തിന് സഹായിക്കുന്നു. ഇതിനാല്‍ തന്നെ ചുളിവുകളും വരകളും തടയാന്‍ ഇത് സഹായിക്കുന്നു. പല സൗന്ദര്യസംരക്ഷണചേരുവകളിലും ഇത് പ്രധാന കൂട്ടുമാണ്.

​കറ്റാര്‍വാഴ ​

കറ്റാര്‍വാഴ സൗന്ദര്യത്തിന് ഏറെ ഗുണം നല്‍കുന്ന ഒന്നാണ്. വൈറ്റമിന്‍ ഇ സമ്പുഷ്ടമാണ് ഇത്. ചര്‍മത്തില്‍ വരകളും ചുളിവുകളും വരാതെ തടയാന്‍ ഏറെ നല്ലതാണ് ഇത്. ചര്‍മത്തിന് തിളക്കവും മിനുസവും നല്‍കാന്‍ സഹായിക്കുന്ന കറ്റാര്‍ വാഴ ചര്‍മത്തിലുണ്ടാകുന്ന പല പ്രശ്‌നങ്ങള്‍ക്കുമുള്ള നല്ലൊരു മരുന്നു കൂടിയാണ്. ചര്‍മം മൃദുവാകാന്‍ സഹായിക്കുന്ന പ്രധാനപ്പെട്ട ഒന്നാണിത്.

​ഇത് തയ്യാറാക്കാന്‍​

ഇത് തയ്യാറാക്കാന്‍ ഏറെ എളുപ്പവുമാണ്. ക്യാരറ്റ് അരിഞ്ഞ് ജ്യൂസെടുക്കുക. ഇത് അരിച്ചെടുക്കണം. ഇത് പാത്രത്തില്‍ വച്ച് ഇതിലേയ്ക്ക് അല്‍പം കോണ്‍ഫ്‌ളോര്‍ കൂടിയിടിട്ട് ഇളം ചൂടില്‍ ക്രീമാക്കി എടുക്കാം. വാങ്ങിവച്ച് ഇതിലേയ്ക്ക് കറ്റാര്‍വാഴ ജെല്ലും വൈറ്റമിന്‍ ഇയും ചേര്‍ത്തിളക്കാം. ഇത് ഗ്ലാസ് ബോട്ടിലിലാക്കി അടച്ചു വയ്ക്കുകയും ചെയ്യാം. ഇത് കിടക്കാന്‍ നേരം മുഖത്തു പുരട്ടി മസാജ് ചെയ്യാം.