മുടിയ്ക്ക് ആരോഗ്യം നല്കാന് ഈ വഴി

ആരോഗ്യമില്ലാത്ത മുടിയാണ് പലരുടേയും പ്രശ്‌നം. ഇത് മുടി കൊഴിഞ്ഞു പോകാനും പൊട്ടിപ്പോകാനുമെല്ലാം ഇടയാക്കുന്നു. ഇതിന് കാരണങ്ങള്‍ പലതുണ്ടാകും. നാം കഴിയ്ക്കുന്ന ഭക്ഷണം, മുടിയിലെ പരീക്ഷണങ്ങള്‍, കെമിക്കലുകള്‍, ഹോര്‍മോണ്‍ പ്രശ്‌നങ്ങള്‍ എന്നിവയെല്ലാം ഇതിന് ഇടയാക്കുന്നു. മുടിയുടെ ആരോഗ്യം സംരക്ഷിയ്ക്കാന്‍ ബേസിക് ആയി ശ്രദ്ധിയ്‌ക്കേണ്ട ചില കാര്യങ്ങളുണ്ട്.

ഇതെക്കുറിച്ചറിയാം.
​ദിവസവും തല കഴുകുന്നതാണ് ​

ദിവസവും തല കഴുകുന്നതാണ് മുടിയുടെ ആരോഗ്യത്തിന് നല്ലതെന്ന് കരുതുന്നവരുണ്ട്. എന്നാല്‍ ഇത് തെറ്റാണ്. എന്നും മുടി കഴുകുന്നത് മുടിയുടെ ആരോഗ്യത്തിന് അട്ടും നല്ലതല്ല. ദിവസേനയുള്ള കുളി തലയിലെ നാച്വറല്‍ ഓയില്‍ ഇല്ലാതാക്കുന്നതിലേയ്ക്കും ഇത് മുടി വരണ്ടതാകുന്നതിലേയ്ക്കും നയിക്കു. അതിനാല്‍ ഇടവിട്ട് അല്ലെങ്കില്‍ ആഴ്ചയില്‍ രണ്ടോ മൂന്നോ ദിവസം കുളിക്കുന്നതാണ് നല്ലത്.

​ഷാംപൂ ​

ഷാംപൂ ദിവസവും ഉപയോഗിയ്ക്കരുത്. തലയില്‍ വിയര്‍പ്പും അഴുക്കുമുള്ളപ്പോള്‍, അല്ലെങ്കില്‍ എണ്ണ തേച്ചാല്‍ ഉപയോഗിയ്ക്കാം. ആഴ്ചയില്‍ രണ്ട് ദിവസം മാത്രം ഉപയോഗിയ്ക്കുക. ഷാംപൂ ഇട്ട് കഴിയുമ്പോള്‍ മുടി നല്ലപോലെ ഡ്രൈ ആകുന്നു. ഈ ഡ്രൈനസ്സ് കുറയ്ക്കുന്നതിനും മുടിക്ക് നല്ല തിളക്കവും ഒതുക്കവും നല്‍കുന്നതിന് കണ്ടീഷ്ണര്‍ ഉപയോഗിക്കുന്നത് സഹായിക്കും. ഷാംപൂ ഇട്ട് കുളിക്കുന്ന അന്ന് കണ്ടീഷ്ണര്‍ ഉപയോഗിക്കാന്‍ മറക്കരുത്.

​പ്രോട്ടീന്‍​

മുടിയുടെ ആരോഗ്യത്തിന് സഹായിക്കുന്ന ഭക്ഷണം പ്രധാനം. പ്രോട്ടീന്‍, അയേണ്‍ എന്നിവയെല്ലാം പ്രധാനമാണ്. ബയോട്ടിന്‍ ആഹാരങ്ങള്‍ മുടിയുടെ വളര്‍ച്ചയ്ക്ക് മുതല്‍കൂട്ടാണ്. മുട്ട, നട്‌സ്, മീന്‍ എന്നിവയെല്ലാം മുടിയുടെ വളര്‍ച്ചയ്ക്ക് സഹായിക്കുന്ന ആഹാരങ്ങള്‍ തന്നെ.ഇതുപോലെ ഇലക്കറികള്‍ ഏറെ പ്രധാനമാണ്.

​മുടിയില്‍ ഓയില്‍​

ദിവസവും മുടിയില്‍ ഓയില്‍ പുരട്ടാതിരിയ്ക്കുക. അമിതമായി ഒരിക്കലും എണ്ണ പുരട്ടരുത്. ചിലര്‍ കുളിച്ച് വന്നതിന് ശേഷം ഹെയര്‍ ഓയില്‍ ഉപയോഗിക്കുന്നത് കാണാം. ഇത് തലയില്‍ ചെളി അടിഞ്ഞ് കൂടുന്നതിലേയ്ക്ക് നയിക്കും. എല്ലായ്പ്പോഴും കുളിക്കുന്നതിന് മുന്‍പ് ഹെയര്‍ ഓയില്‍ ഉപയോഗിക്കുന്നതാണ് നല്ലത്. എണ്ണ അധികം തലയിലുള്ളത് താരനും അഴുക്കുമെല്ലാം വരാന്‍ ഇടയാക്കും.