പാസ്പോർട്ട് കരിപ്പൂർ വിമാനത്താവളത്തിൽ മറന്നു; യുവതി റിയാദ് എയർപോർട്ടിൽ കുടങ്ങി

റിയാദ്: വിമാനം കയറിയെങ്കിലും യുവതി കരിപ്പൂർ വിമാനത്താവളത്തിൽ തന്റെ പാസ്പോർട്ട് മറന്നു വെച്ചു. കുടുംബത്തിലെ എട്ടുപേരടങ്ങുന്ന സംഘമാണ് സൗദിയിലേക്ക് പുറപ്പെട്ടത്. എല്ലാവരുടേയും പാസ്പോർട്ട് കെെവശം ഉണ്ടായിരുന്നു. യുവതിയുടെ പാസ്പോർട്ട് മാത്രമാണ് നഷ്ടപ്പെട്ടത്. കോഴിക്കോട് സ്വദേശിനിക്കാണ് മറവി മൂലം അബന്ധം സംഭവിച്ചത്.

കരിപ്പൂരിൽനിന്ന് ഈ മാസം 24ന് പുറപ്പെട്ട എയർ ഇന്ത്യ എക്സ്പ്രസിൽ ആണ് ഇവർ റിയാദിലേക്ക് പോയത്. യാത്ര ആരംഭിച്ചതിന് ശേഷം ആണ് പാസ്പോർട്ട് നഷ്ടപ്പെട്ട വിവരം യുവതിക്ക് മനസിലായത്. ഫയലും ബാഗും അരിച്ചു പെറുക്കി പാസ്പോർട്ട് കിട്ടിയില്ല. തുടർന്ന് വിമാനത്തിലെ ജീവനക്കാരെ യുവതി വിവരം അറിയിച്ചു. വിമാനത്തിലെ ജീവനക്കാർ വിമാനം അരിച്ചു പെരുക്കി എന്നാൽ പാസ്പോർട്ട് കണ്ടെത്താൻ സീധിച്ചില്ല. വിമാനം പറക്കുന്നതിനാൽ എയർപോർട്ട് അധികൃതരെ വിവിരം അറിയിക്കാൻ സാധിച്ചില്ല.

പിന്നീട് രാത്രി 10. 30നി വിമാനം റിയാദിൽ ഇറങ്ങി. Also Read: യാത്രക്കാർ പുറത്തിറങ്ങുന്ന കവാടത്തിൽ പാസ്പോർട്ട് നഷ്ടമായ ആളുടെ പേര് വിളിച്ചു പറഞ്ഞ് ഉദ്യോഗസ്ഥർ നിൽക്കുന്നുണ്ടായിരുന്നു. പാസ്പോർട്ട് കോഴിക്കാട് എയർപോർട്ടിൽ ഉണ്ടെന്നും ഉദ്യോഗസ്ഥന്റെ ഫോണിൽ പാസ്പോർട്ട് കാണിച്ചു. എന്നാൽ താത്കാലിക ആശ്വാസം മാത്രയാരുന്നു ഇത്. പാസ്പോർട്ട് റിയാദിലെത്താതെ എയർപോർട്ടിൽനിന്നും പുറത്തിറങ്ങാൻ കഴിയാത്ത അവസ്ഥയിലായി യുവതി. അടുത്ത വിമാനത്തിൽ പാസ്പോർട്ട് എത്തിക്കാനുള്ള സംവിധാനം ചെയ്തു.

അതുവരെ യുവതി എയർപോർട്ടിൽ കഴിയണം. ഒറ്റക്ക് വിമാനത്താവശത്തിൽ ഇരിക്കാൻ ബുദ്ധിമുട്ടായത് കാരണം കൂടെ വന്ന സഹോദരിയെ ഒപ്പം നിൽത്തി. പിറ്റേദിവസം രാവിലെ 10ഓടെ എത്തുന്ന ഫ്ലൈനാസ് വിമാനത്തിൽ കരിപ്പൂരിൽനിന്ന് കൊടുത്തുവിടാൻ ശ്രമം നടത്തി. എന്നാൽ ചില സാങ്കേതി പ്രശ്നം കാരണം അതിന് സാധിച്ചില്ല. പിന്നീട് തിങ്കഴാഴ്ച രാത്രി 11ഓടെ എയർ ഇന്ത്യ എക്സ്പ്രസിലാണ് പാസ്പോർട്ട് എത്തിയത്. 24 മണിക്കൂർ യുവതിയും സഹോദരിയും എയർപോർട്ടിൽ കഴിയേണ്ടി വന്നു. കുറഞ്ഞ സമയത്തെ അശ്രദ്ധ ഒരു ദിവസം മുഴുവൻ യാത്രക്കാരിയെ പ്രയാസത്തിലാക്കി.

കരിപ്പൂർ എയർപോർട്ടിലെ എയർ ഇന്ത്യ കൗണ്ടറിൽ നിന്ന് ബോഡിങ് പാസ് വാങ്ങി എമിഗ്രേഷൻ നടപടി പൂർത്തിയാക്കി ദേഹ പരിശോധനക്ക് പോകും വരെയും പാസ്പോർട്ട് കൈയിലുണ്ടായിരുന്നു. ബോഡിങ് പാസ് പരിശോധിക്കുന്ന ഉദ്യോഗസ്ഥനിൽനിന്ന് പാസ്പോർട്ടുകൾ ഒന്നിച്ചു തിരിച്ചുവാങ്ങുന്നതിനിടെ നഷ്ടപ്പെട്ടതാക്കാൻ ആണ് സാധ്യത.