അടുത്ത കളി രാജസ്ഥാൻ ടീമിൽ പ്രധാന മാറ്റം വരും, സഞ്ജുവിന്റെ വിശ്വസ്തൻ തിരിച്ചെത്തിയേക്കും; സാധ്യത ഇലവൻ ഇങ്ങനെ
സീസണിലെ എട്ടാം മത്സരത്തിന് ഇറ‌ങ്ങുമ്പോൾ രാജസ്ഥാൻ റോയൽസ്, ടീമിൽ മാറ്റം വരുത്തുമോ എന്നതാണ് ആരാധകരുടെ ആകാംക്ഷ. കഴിഞ്ഞ രണ്ട് മത്സരങ്ങളിലും പ്ലേയിങ് ഇലവനിൽ മാറ്റങ്ങൾ വരുത്തിയായിരുന്നു അവർ കളിച്ചത്. മുംബൈ ഇന്ത്യൻസിനെതിരെയും ടീം ഒരു മാറ്റം വരുത്താൻ സാധ്യത നിലനിൽക്കുന്നു. കഴിഞ്ഞ കളികളിൽ പുറത്തിരുന്ന സഞ്ജു സാംസണിന്റെ വിശ്വസ്ത താരം ഈ കളിയിൽ ടീമിലേക്ക് മടങ്ങി എത്താനാണ് സാധ്യത. മുംബൈ ഇന്ത്യൻസിനെതിരായ മത്സരത്തിൽ രാജസ്ഥാൻ റോയൽസ് വരുത്താൻ സാധ്യതയുള്ള മാറ്റവും അവരുടെ സാധ്യത പ്ലേയിങ് ഇലവനും നോക്കാം.
ഇംഗ്ലണ്ട് സൂപ്പർ താരം ജോസ് ബട്ലറും, ഇന്ത്യയുടെ യുവ സെൻസേഷൻ യശസ്വി ജയ്സ്വാളും ചേർന്നാകും മുംബൈ ഇന്ത്യൻസിനെതിരെ റോയൽസിന്റെ ബാറ്റിങ് ഓപ്പൺ ചെയ്യുക. ഈ സീസണിൽ മോശം ഫോമിലുള്ള ജയ്സ്വാളിന്റെ മികച്ച തിരിച്ചുവരവാണ് ഈ കളിയിൽ രാജസ്ഥാൻ റോയൽസ് പ്രതീക്ഷിക്കുന്നത്‌.
ജോസ് ബട്ലറാകട്ടെ കൊൽക്കത്ത നൈറ്റ് റൈഡേഴ്സിനെതിരായ കളിയിൽ സെഞ്ചുറി നേടി കിടിലൻ ഫോമിലാണ്. ഈ സീസണിൽ ഇതിനകം രണ്ട് സെഞ്ചുറികളും അദ്ദേഹം നേടിക്കഴിഞ്ഞു. മൂന്നാം നമ്പരിൽ ക്യാപ്റ്റൻ സഞ്ജു സാംസൺ തന്നെയെത്തും. ഈ സീസണിൽ മികച്ച ഫോമിൽ കളിക്കുന്ന സഞ്ജുവിൽ നിന്ന് മികച്ച ഇന്നിങ്സ് രാജസ്ഥാൻ പ്രതീക്ഷിക്കുന്നു
മധ്യനിര ബാറ്റർമാർ
ഈ സീസണിൽ രാജസ്ഥാൻ റോയൽസിന്റെ ഏറ്റവും മികച്ച താരമായ റിയാൻ പരാഗ് തന്നെയാവും നാലാം നമ്പരിൽ. കഴിഞ്ഞ കളിയിലും 14 പന്തിൽ 34 റൺസെടുത്ത് പരാഗ് തിള‌ങ്ങിയിരുന്നു. മോശം ഫോമിലാണെങ്കിലും ധ്രുവ് ജൂറലിന് ഒരവസരം കൂടി ലഭിച്ചേക്കും. വെസ്റ്റിൻഡീസ് താരങ്ങളായ ഷിംറോൺ ഹെറ്റ്മയറും, റോവ്മാൻ പവലുമാകും ഫിനിഷിങ്ങിൽ ഇറങ്ങുക. കഴിഞ്ഞ കളി പവൽ നടത്തിയ വെടിക്കെട്ട് രാജസ്ഥാന്റെ വിജയത്തിൽ നിർണായകമായിരുന്നു.
ഹാർദിക്കിന് പണികിട്ടി
ബോളിങ് നിര
ന്യൂസിലൻഡിന്റെ സ്റ്റാർ പേസറായ ട്രെന്റ് ബോൾട്ടാകും മുംബൈ ഇന്ത്യൻസിനെതിരെയും രാജസ്ഥാന്റെ പേസ് നിരയെ നയിക്കുക. ഇന്ത്യൻ പേസറായ ആവേശ് ഖാന്റെ സ്ഥാനവും ടീമിൽ ഉറപ്പാണ്. സ്പിൻ നിരയിൽ ആർ അശ്വിനും യുസ്വേന്ദ്ര ചഹലും അണിനിരക്കും. ഈ സീസണിലെ വിക്കറ്റ് വേട്ടയിൽ നിലവിൽ രണ്ടാമതാണ്‌ ചഹൽ.
അതേ സമയം ഇന്ത്യൻ സീനിയർ പേസറായ സന്ദീപ് ശർമ ഇമ്പാക്ട് പ്ലേയറായി ടീമിലേക്ക് മടങ്ങിയെത്തുമെന്നാണ് കരുതപ്പെടുന്നത്. പരിക്കിനെത്തുടർന്ന് കുറച്ച് മത്സരങ്ങളായി പുറത്താണ് അദ്ദേഹം. സീസണിലെ ആദ്യ രണ്ട് കളികളിൽ സഞ്ജുവിന്റെ വിശ്വസ്ത ഡെത്ത് ഓവർ ബോളറായിരുന്നു സന്ദീപ്. എന്നാൽ പരിക്കേറ്റ് താരം പുറത്താവുകയായിരുന്നു. ഫിറ്റ്നസ് വീണ്ടെടുത്ത അദ്ദേഹം മുംബൈക്കെതിരെ കളിക്കാനാണ്‌ സാധ്യത. സന്ദീപ് ശർമ ടീമിലേക്ക് തിരിച്ചെത്തിയാൽ വലം കൈയ്യൻ പേസർ കുൽദീപ് സെന്നാകും പുറത്താവുക.
രാജസ്ഥാന്റെ സാധ്യത ഇലവൻ
ജോസ് ബട്ലർ, യശസ്വി ജയ്സ്വാൾ, സഞ്ജു സാംസൺ (ക്യാപ്റ്റൻ & വിക്കറ്റ് കീപ്പർ), റിയാൻ പരാഗ്, ധ്രുവ് ജൂറൽ, റോവ്മാൻ പവൽ, ഷിംറോൺ ഹെറ്റ്മെയർ, ആർ അശ്വിൻ, ട്രെന്റ് ബോൾട്ട്, ആവേശ് ഖാൻ, യുസ്വേന്ദ്ര ചഹൽ.ഇമ്പാക്ട് പ്ലേയർ: സന്ദീപ് ശർമ.
സന്ദീപ് തിരിച്ചുവന്നേക്കും
READ ON APP