കുവൈത്തില് സ്വദേശികള്ക്കും വിദേശികള്ക്കും ഒരുപോലെ പ്രിയം ചെമ്മീന്, കഴിഞ്ഞ വര്ഷം ഏകദേശം ഒരു ദശലക്ഷം ദിനാർ ചെമ്മീൻ രാജ്യത്ത് വില്പന നടത്തിയെന്ന് റിപ്പോർട്ടുകൾ

കുവൈത്ത് സിറ്റി: കുവൈത്തില്‍ സ്വദേശികള്‍ക്കും വിദേശികള്‍ക്കും ഏറ്റവും ഇഷ്ടപ്പെട്ട മത്സ്യം ചെമ്മീന്‍. സെൻട്രൽ അഡ്മിനിസ്‌ട്രേഷൻ ഓഫ് സ്റ്റാറ്റിസ്റ്റിക്‌സ് കഴിഞ്ഞ ദിവസം പുറത്തുവിട്ട പത്ത് ഇനം മത്സ്യങ്ങളുടെ പട്ടികയിലാണ് ചെമ്മീന്‍ ഒന്നാം സ്ഥാനം നേടിയത്. 

നുവൈബി, ഷൗം, ഖാബത്ത് തുടങ്ങിയ മത്സ്യങ്ങളാണ് തൊട്ടടുത്ത സ്ഥാനങ്ങളിലുള്ളത്.

കഴിഞ്ഞ വര്‍ഷം ഏകദേശം ഒരു ദശലക്ഷം ദിനാറിന്‍റെ ചെമ്മീനാണ് രാജ്യത്ത് വില്‍പന നടത്തിയത്. മലയാളികള്‍ക്ക് ഏറെ പ്രിയങ്കരമായ കിങ് ഫിഷും പട്ടികയില്‍ നാലാം സ്ഥാനത്തുണ്ട്.