VIDEO : रिंकू सिंगच्या आग्रहापुढे झुकला विराट कोहली, भेट म्हणून दिली बॅट

विराट कोहलीला जग एक महान फलंदाज म्हणून ओळखते, पण मैदानाबाहेरही तो अनेकांचा मित्र आहे. हा अनुभवी खेळाडू अनेकदा ज्युनियर खेळाडूंना मदत करताना दिसतो आणि पुन्हा एकदा विराट याच कारणामुळे चर्चेत आला आहे. केकेआरचा फलंदाज रिंकू सिंगला विराट कोहलीने आपली बॅट भेट दिली आहे. रिंकू सिंगने विराट कोहलीची बॅट आधीच घेतली होती. पण रिंकू सिंगला विराटची बॅट एवढ्या सहजासहजी मिळाली नाही.

अलीकडेच केकेआर आणि आरसीबी यांच्यातील सामन्यापूर्वी रिंकू सिंग विराट कोहली जवळ पोहचला. त्याने विराट कोहलीकडे बॅट मागितली. त्याने विराटला आधी दिलेली बॅट तुटल्याचे सांगितले. यावर विराट कोहलीने त्याच्यावर ताशेरे ओढले. यानंतर रिंकू सिंगने शपथ घेतली की, विराटची बॅट पुन्हा कधीही फोडणार नाही. त्यानंतर केकेआर आणि आरसीबी यांच्यातील सामन्यानंतर विराटने रिंकू सिंगकडे बॅट दिली. आता रिंकू सिंगचा एक व्हिडिओ व्हायरल होत आहे, ज्यामध्ये ती बॅट घेऊन फिरत आहे. रिंकूने सांगितले की, ही विराट कोहलीची बॅट आहे, जी त्याला भेट म्हणून मिळाली आहे.

विराट कोहली एमआरएफच्या बॅटने खेळतो. त्याच्या बॅटची किंमत लाखो आहे. हा खेळाडू त्याच्या इच्छेनुसार बॅट सानुकूलित करतो. विराट कोहलीला बॅट मोफत मिळते. एवढेच नाही, तर बॅटवर एमआरएफचे स्टिकर लावण्यासाठी त्याला करोडो रुपये मिळतात. विराट कोहली हा क्रिकेटपटू आहे, जो बॅटच्या स्टिकर्समधून सर्वाधिक कमाई करतो. विराट कोहलीचा एमआरएफसोबत 100 कोटी रुपयांचा करार आहे. एमआरएफच्या बॅटने खेळण्यासाठी त्याला दरवर्षी 12.5 कोटी रुपये मिळतात.

The post VIDEO : रिंकू सिंगच्या आग्रहापुढे झुकला विराट कोहली, भेट म्हणून दिली बॅट appeared first on Majha Paper.