IPL 2024 : पंजाब किंग्सला सामना जिंकून दिल्यानंतर शशांक सिंगने या संघाबाबत उपस्थित केले मोठे प्रश्न
6 चौकार आणि 4 षटकार, 200 हून अधिकचा स्ट्राईक रेट आणि केवळ 29 चेंडूत नाबाद 61 धावा… अहमदाबादच्या नरेंद्र मोदी स्टेडियमवर गुजरात टायटन्सकडून विजय हिरावून घेणाऱ्या फलंदाजाचे हे आकडे आहेत. आम्ही बोलतोय तो शशांक सिंग बद्दल, जो पंजाबचा खरा राजा असल्याचे सिद्ध झाले. या उजव्या हाताच्या फलंदाजाने आपल्या झंझावाती फलंदाजीच्या जोरावर पंजाबला गुजरातवर 3 गडी राखून रोमहर्षक विजय मिळवून दिला.
शशांक सिंगने सांगितले की, सामना संपवण्याचा सराव केल्यानंतर तो प्रत्यक्षात साकारताना खूप आनंद होत आहे. शशांक म्हणाला की तो सहसा 7 व्या क्रमांकावर फलंदाजी करतो, परंतु यावेळी पंजाबने त्याला 5 व्या क्रमांकावर मैदानात उतरवले. शशांकने सांगितले की, यापूर्वी अनेक सामने खेळण्याची संधी मिळाली नाही. सनरायझर्स हैदराबादने त्याला 2022 मध्ये खेळण्यासाठी जास्त सामने दिले नाहीत. पण पंजाब किंग्जच्या व्यवस्थापनाने शशांकवर विश्वास व्यक्त केला असून त्याचा स्वतःवर विश्वास होता. शशांक सिंगने स्पष्टपणे सांगितले की, खेळाडू तेव्हाच कामगिरी करू शकतो, जेव्हा त्याच्यावर विश्वास दाखवला जातो आणि त्याला संधी दिली जाते.
शशांक सिंगने राशिद खानसारख्या गोलंदाजालाही झोडपून काढले. याबाबत शशांकला विचारले असता त्याने स्पष्टपणे सांगितले की, तो गोलंदाजाचा चेंडू पाहतो, त्याचे नाव नाही. शशांक सिंगने गुजरात टायटन्सविरुद्धही तेच केले. या खेळाडूने मधल्या फळीत सिकंदर रझासह 22 चेंडूत 41 धावा जोडल्या. जितेश शर्मासोबत त्याने 19 चेंडूत 39 धावांची भागीदारी केली आणि आशुतोष शर्मासोबत या खेळाडूने 22 चेंडूत 43 धावांची भर घातली. या भागीदारींच्या जोरावरच पंजाबला रोमहर्षक विजय मिळाला.
The post IPL 2024 : पंजाब किंग्सला सामना जिंकून दिल्यानंतर शशांक सिंगने या संघाबाबत उपस्थित केले मोठे प्रश्न appeared first on Majha Paper.
READ ON APP