Kia Sonet चे 2 नवीन एंट्री लेव्हल व्हेरिएंट बाजारात येणार; अनेक नवीन फीचर्सचा देखील असेल समावेश

Kia Sonet नवीन व्हेरिएंट: Kia India आपली विक्री वाढवण्यासाठी नवीन व्हेरिएंट तसेच अतिरिक्त फीचर्स जोडून आपली लाइनअप अपडेट करत आहे. नुकतेच, हे उघड झाले आहे की, ऑटोमेकरने नवीन ट्रिम लेव्हलसह केरेन्स आणि सेल्टोसचे लाइनअप अपडेटेड केले आहे. आता, आम्हाला कंपनीच्या एंट्री-लेव्हल SUV, Sonet च्या व्हेरिएंट लिस्टमध्ये करण्यात येत असलेल्या बदलांबद्दल माहिती मिळाली आहे.

अनेक नवीन फीचर्ससह अपडेटेड केले जाईलKia Sonet च्या पेट्रोल आणि डिझेल इंजिन पर्यायांमध्ये HTE (O) आणि HTK (O) या दोन नवीन व्हेरिएंटचा समावेश असेल. दोन्ही व्हेरिएंटचे सर्वात मोठे फीचर्स म्हणजे इलेक्ट्रिकली ॲडजस्टेबल सनरूफचे समायोजन. यासोबतच ग्राहकांना लोअर व्हेरिएंटमध्ये सनरूफचा पर्यायही मिळेल. याशिवाय HTK (O) ट्रिममध्ये LED-कनेक्टेड टेललॅम्प, ऑटोमॅटिक क्लायमेट कंट्रोल आणि रिअर डिफॉगर यांसारखी फीचर्स देखील उपलब्ध असतील.(वाचा)- नितीन गडकरींचा मेगा प्लॅन; महामार्गांवरील टोलवसुलीचे सध्याचे नियम संपणार, सॅटेलाइट बेस्ड सिस्टम सुरु होणार

सध्या Sonet 7 व्हेरिएंटमध्ये आहे उपलब्ध सध्या, Sonet सात व्हेरिएंटमध्ये खरेदी केले जाऊ शकते, ज्यात HTE, HTK, HTK+, HTX, HTX+, GTX+ आणि X-Line यांचा समावेश आहे. टाटा नेक्सॉनची प्रतिस्पर्धी असलेल्या या एसयूव्हीमध्ये 1.2-लीटर एनए पेट्रोल, 1.5-लीटर डिझेल इंजिन आणि 1.0-लीटर टर्बो-पेट्रोल इंजिनचा पर्याय आहे. ग्राहक 5-स्पीड मॅन्युअल, 6-स्पीड मॅन्युअल, 6-स्पीड ऑटोमॅटिक, 6-स्पीड iMT आणि 7-स्पीड DCT गिअरबॉक्सच्या पर्यायांसह ही इंजिने खरेदी करू शकतात.(वाचा)- मारुती सुझुकीने लाँच केले ब्रेझाचे नवे मॉडेल; 17.38 kmpl च्या मायलेजसह आली नवीन कार

कोणाशी होते स्पर्धा?बाजारात, Kia Sonet ची स्पर्धा Tata Nexon, Mahindra XUV 300, Hyundai Venue, Maruti Suzuki Brezza आणि Nissan Magnite सारख्या कारशी आहे. टाटा नेक्सॉन सध्या सेगमेंट लीडर आहे. यात पेट्रोल आणि डिझेल इंजिन दोन्ही पर्याय आहेत, ज्यामध्ये 1.2-लिटर टर्बो-पेट्रोल (120 PS/170 Nm) आणि 1.5-लीटर डिझेल इंजिन (115 PS/260 Nm) समाविष्ट आहे. पेट्रोलचा पर्याय 5-स्पीड मॅन्युअल, 6-स्पीड मॅन्युअल, 6-स्पीड AMT आणि 7-स्पीड ड्युअल क्लच ट्रान्समिशन (DCT) सह येतो - तर डिझेल युनिटला 6-स्पीड मॅन्युअल किंवा 6-स्पीड AMT चा पर्याय मिळतो.