युजीसी मान्यता प्राप्त 'या' विद्यापीठांमध्ये ऑनलाइन आणि दूरस्थ अभ्यासक्रमांना प्रवेश घेता येणार; ३१ मार्चपर्यंत करा अर्ज

UGC Distance Learning : जर तुम्हाला दूरस्थ शिक्षणाद्वारे तुमचा अभ्यास सुरू ठेवायचा असेल, तर तुमच्यासाठी ही खूप उपयुक्त बातमी ठरू शकते. वास्तविक, युनिव्हर्सिटी ग्रँट कमिशनने (UGC) ऑनलाइन आणि डिस्टन्स लर्निंग मोडमध्ये अभ्यासक्रम ऑफर करणाऱ्या ८० विद्यापीठांची यादी जाहीर केली आहे. या यादीत समाविष्ट असलेल्या सर्व विद्यापीठांना ऑनलाइन आणि दूरस्थ शिक्षण कार्यक्रमांसाठी परवानगी मिळाली आहे.

प्रवेश करण्यापूर्वी तुम्ही या विद्यापीठांची नावेही याबातमीमध्ये तपासू शकता. तुम्ही या तारखेपर्यंत अर्ज करू शकता : जर तुम्हाला ऑनलाइन आणि डिस्टन्स मोड कोर्ससाठी अर्ज करायचा असेल, तर ते लगेच करा, कारण UGC नुसार, दूरस्थ किंवा ऑनलाइन शिक्षण अभ्यासक्रमांसाठी फॉर्म भरण्याची शेवटची तारीख ३१ मार्च २०२४ आहे. त्याचबरोबर, पोर्टलवर विद्यार्थ्यांचा डेटा अपलोड करण्यासाठी १५ एप्रिल २०२४ पर्यंतची मुदत देण्यात आली आहे. या विद्यापीठांना मान्यता मिळाली :

दुरुस्त आणि ऑनलाइन पद्धतीने अभ्यासक्रम उपलब्ध करून देणाऱ्या विद्यापीठांच्या यादीमध्ये आचार्य नागार्जुन विद्यापीठ गुंटूर, दिब्रुगढ विद्यापीठ, पंजाब विद्यापीठ आणि जामिया मिलिया इस्लामिया यांचा समावेश आहे. उमेदवार deb.ugc.ac.in/Search/Course येथे UGC डिस्टन्स एज्युकेशन ब्युरो नोटिसमधील संपूर्ण यादी तपासू शकतात. येथे तपासा कॉलेजांची नावे : ऑनलाइन कोर्समध्ये नावनोंदणी करण्यापूर्वी, विद्यार्थी HEI च्या ओळख स्थितीची पडताळणी करण्यासाठी वेबसाइटला भेट देऊ शकतात.

कॉलेजांची नावे तपासण्यासाठी येथे क्लिक करा. UGC ने नोटीस जारी केली : UGC च्या अधिकृत अधिसूचनेनुसार, उच्च शिक्षण संस्थांचे प्रादेशिक अधिकार क्षेत्र आणि लर्नर सपोर्ट सेंटर (LSC) धोरण असेल जे UGC (ओपन आणि डिस्टन्स लर्निंग प्रोग्राम्स आणि ऑनलाइन प्रोग्राम्स) नियम, २०२० च्या परिशिष्ट III आणि VIII मध्ये निर्दिष्ट केले जाईल.