'आईबाबांच्या डोळ्यातील आनंद महत्त्वाचा...' महाराष्ट्राची हास्यजत्रा फेम अभिनेत्याने पूर्ण केलं मोठं स्वप्न
मुंबई: महाराष्ट्राची हास्यजत्रा या सोनी मराठीवरील कार्यक्रमाने अनेक कलाकार महाराष्ट्रात लोकप्रिय केले. रत्नागिरीचा प्रथमेश शिवलकर हा त्यांच्यापैकीच एक आहे. MHJ मध्ये विनोदवीर आणि लेखक म्हणून नावारुपास आलेल्या प्रथमेशने त्याचे एक खूप मोठे स्वप्न पूर्ण केले आणि यानंतर त्याच्या आई-वडिलांच्ये चेहऱ्यावरील आनंद असामान्य होता.
अभिनेत्याने शेअर केलेल्या लेटेस्ट इन्स्टाग्राम पोस्टवर महाराष्ट्राची हास्यजत्रामधील कलाकारांसह इंडस्ट्रीतील त्याच्या मित्रमैत्रिणींनी आणि चाहत्यांनी प्रथमेशवर शुभेच्छांचा वर्षाव केला आहे. पूर्ण केलं खूप मोठं स्वप्न प्रथमेशने सोशल मीडियावर पोस्ट शेअर करत त्याने पूर्ण केलेल्या स्वप्नाविषयी सर्वांना सांगितले. प्रथमेशने नवीकोरी महिंद्रा थार ही गाडी विकत घेतली असून या गाडीसोबत त्याने काही लेटेस्ट फोटो शेअर केले. या फोटोंमध्ये त्याचे आई-बाबाही दिसत आहेत.
प्रथमेशच्या चेहऱ्यावरील आनंद आणि त्याच्या आई-वडिलांच्या चेहऱ्यावर त्याच्याबद्दल अभिमान या फोटोंमध्ये स्पष्टपणे दिसतो आहे. प्रथमेशने फोटो शेअर करताना लिहिलं की, 'याचसाठी केला होता अट्टाहास भाग १ : महिंद्रा थार, #beastinahouse #beautyonwheel #dreamcar... हे आहेच, पण त्यापेक्षाही महत्वाचं आई-बाबांच्या डोळ्यातला आनंद, समाधान आणि कौतुक. याचसाठी केला होता अट्टाहास'. अभिनेत्याने पोस्टच्या शेवटी #realoffroadingstartsnow असा हॅशटॅगही वापरला आहे. दरम्यान तो 'भाग २'मधूनही काहीतरी सरप्राइज देणार असल्याचे पोस्टमध्ये नमूद केले.
आणखी कोणते स्वप्न तो पूर्ण करेल, हे लवकरच स्पष्ट होईल. 'महाराष्ट्राची हास्यजत्रा'च्या मंडळींनी केले कौतुकप्रथमेशच्या पोस्टवर प्राजक्ता माळीने कमेंट करत लिहिले की, 'हार्दिक अभिनंदन प्रथम, तुझ्या डोळ्यातील हसूच सांगतंय सर्वकाही'. शिवाली परबने लिहिले की, 'अभिनंदन, बस्स आता कोणाच्या हाताला लागू नको.' MHJ च्या ओमकार राऊत, अमित फाळके, नम्रता संभेराव, समीर चौघुले, पृथ्वीक प्रताप, रसिका वेंगुर्लेकर यांनीही प्रथमेशच्या पोस्टवर कमेेट करत त्याचे अभिनंदन केले.
तसंच हर्षद अटकरी, कुंजिका, गिरीजा प्रभू यांनीही त्याला शुभेच्छा दिल्यात. याशिवाय चाहत्यांकडूनही त्याच्यावर शुभेच्छांचा वर्षाव होतो आहे. दरम्यान प्रथमेश MHJ शिवाय लवकरच एका सिनेमाचा लेखक म्हणूनही समोर येणार आहे. प्रसाद खांडेकर दिग्दर्शित या सिनेमाचं शूटिंग अलीकडेच पार पडलं.
यामध्ये अभिनेता स्वप्नील जोशी, प्रार्थना बेहेरे, प्राजक्ता माळी यांच्यासह महाराष्ट्राची हास्यजत्रामधील अनेक कलाकार आहेत.
Next Story
READ ON APP