नेहमी तुझ्यासोबत असेन...अक्षया आणि हार्दिकची लाडक्या पुतणीसाठी खास पोस्ट
मुंबई: तुझ्यात जीव रंगला फेम अभिनेत्री अक्षया देवधर नेहमीच चर्चेत असते. अक्षया मोजक्या प्रोजेक्ट्समध्ये दिसत असली तरी, सोशल मीडियाच्या माध्यमातून ती चाहत्यांच्या संपर्कात असते. तिच्या आयुष्यातले खास क्षण सोशल मीडियावर शेअर करते. अक्षयानं शेअर केलेल्या फोटोंची नेहमीच चर्चा होताना दिसते. आता अक्षयानं एक खास पोस्ट शेअर केली आहे.
अक्षयानं शेअर केलेली ही पोस्ट हार्दिकसाठी नव्हे तर, तिच्या पुतणीसाठी आहे. नायशा असं हार्दिक आणि अक्षयाच्या पुतणीचं नाव आहे. तिच्या वाढदिवसानिमित्त दोघांनीही खास पोस्ट शेअर केल्यात. हॅप्पी बर्थडे प्रिन्सेस...काहीही झालं तरी, नेहमी तुझ्या सोबत असेन...असं अक्षयानं म्हटलं आहे. तर हार्दिकनं लिहिलं की, प्रिय नायशा, माझं तुझ्यावर असलेलं प्रेम कधीच शब्दांत व्यक्त करता येणार नाही, ते आकाशापेक्षा उंच, महासागरापेक्षा खोल आहे. हॅप्पी बर्थडे. आनंदी राहा, माझ्या राजकुमारीला खूप खूप शुभेच्छा!
वहिनीच्या निधनानंतर तिची कमतरता भरून निघणार नसली तरी, चिमुकल्या नायशासाठी तिचे काका-काकी मात्र शक्य ते सगळं करताना दिसतात. हार्दिक आणि अक्षया या दोघांच्या आयुष्यात नायशाचं असलेलं स्थान दिसून येतंय. तुझ्यात जीव रंगला...'तुझ्यात जीव रंगला' या मालिकेतून अक्षया देवधर आणि हार्दिक जोशी दोघेही घराघरात पोहोचले. त्यांच्या राणादा आणि अंजली बाईंच्या जोडीनं चाहत्यांना वेड लावलं. दीड वर्षांपूर्वी ते दोघे लग्नबंधनात अडकले. हार्दिक नुकताच 'तुझेच मी गीत गात आहे' तसंच 'जाऊ बाई जोरात' या मालिकांमध्ये दिसला होता.
मात्र दुसरीकडं अक्षया कुठंही दिसत नाहीये. अक्षया कोणत्याही मालिका किंवा चित्रपटातून प्रेक्षकांच्या भेटीला आलेली नाही. लग्नानंतर हार्दिकच्या करिअरसाठी प्राधान्य देत आणि कुटुंबासाठी वेळ देण्याचा निर्णय अक्षयानं घेतला. त्यामुळं ती टीव्ही मालिकांमध्ये दिसत नसल्याचं म्हटलं जात आहे..
Next Story
READ ON APP