१५१ किलोपासून २ वर्षात घटवले ७१ किलो वजन, Housing.com ध्रुव अगरवालचे कमालीचे बॉडी ट्रान्सफॉर्मेशन

हाऊसिंग डॉट कॉमचे सीईओ ध्रुव अगरवाला यांचे वजन दोन वर्षांत 152 किलोवरून 81 किलोपर्यंत कमी झाले. आरोग्याविषयी जागरूक असणाऱ्या या तंत्रज्ञान उद्योजकाने 2021 मध्ये 71.1 किलो वजन कमी केले, स्ट्रेंथ ट्रेनिंग, चालणे आणि त्याचा आहार व्यवस्थित मॅनेज करून त्याचे शरीराचे वजन जवळजवळ निम्म्यापेक्षा कमी केल्याचे दिसून येत आहे.

ऑक्टोबर 2021 मध्ये, ध्रुव अगरवाला यांना हृदयविकाराचा झटका आल्यासारखे वाटले, परंतु तो हृदयाचा त्रास नसून छातीत जळजळ झाल्याचे निष्पन्न झाले होते.

हॉस्पिटलच्या आपत्कालीन कक्षात गेल्यानंतर त्यांना आपल्या आरोग्याविषयी जागरून राहणे किती गरजेचे आहे याची जाणीव झाली आणि या घटनेने त्यांना आपल्या आरोग्याची जबाबदारी घेण्याची प्रेरणा दिली. ध्रुव यांनी साऊथ चायना मॉर्निंग पोस्टला सांगितले की, “मला एक वेक अप कॉल घेणे आवश्यक होता.” कसे केले ध्रुवने हे ट्रान्सफॉर्मेशन जाणून घ्या. (फोटो सौजन्य - Linkedin/iStock)
वजन कमी करण्यापूर्वीची स्थिती

वजन कमी करण्याच्या प्रवासापूर्वीची ध्रुव अगरवालाच्या आरोग्याची परिस्थिती काहीशी कठीणच होती. ध्रुव प्रीडायबेटिक होते तर साधारण चार वर्षांपासून उच्च कोलेस्ट्रॉल आणि रक्तदाबासाठी औषधे चालू होती आणि याशिवाय त्यांना स्लीप एपनियादेखील झाला होता.

आपल्या करिअरची सुरुवात केल्यानंतर, जास्त वेळ काम करणे, उच्च तणावाच्या पातळीचा सामना करणे आणि व्यायाम न करणे यासोबतच खाण्याच्या चुकीच्या सवयी या सगळ्याच्या विळख्यात अडकायला झाले होते असे त्यांनी यावेळी सांगितले आणि यामुळे लठ्ठपणाचा त्रास होऊन त्याचे वजन 151.1 किलो झाले होते.

बॉडी ट्रान्सफॉर्मेशनसाठी प्रशिक्षकाची साथ

यानंतर खाडकन डोळे उघडत ध्रुव अगरवाला यांनी बॉडी ट्रान्सफॉर्मेशन करणे आणि आरोग्याची काळजी घेणे मनावर घेतल. यासाठी त्यानी प्रशिक्षक अहमद जकी यांची नियुक्ती केली आणि त्यांच्या मार्गदर्शनाखाली २ वर्षात ७१ किलो वजन कमी केले. यासाठी आठवड्यातून ३ वेळा त्यांनी जिमला जाऊन हार्डकोअर व्यायामालादेखील सुरूवात केली.

(वाचा - OMAD Diet Plan: दिवसभरात एकदाच खाणे वेटलॉससाठी योग्य आहे का? काय आहे 23:1 डाएट

)

रोज १२ हजार पावले

सुरूवातीला ध्रुवने १० हजार रोज चालायला सुरूवात केली आणि आत्मविश्वास आल्यानंतर हे वाढवून रोज १२ हजार पावले चालण्याचा दिनक्रिम तयार केला. मांसपेशींसाठी त्याने एक प्रॉलर, वजनासह पुश स्लेजचादेखील उपयोग केला. तसंच व्यायामामध्ये स्क्वाट्स, लेग आणि शोल्डरप्रेसचा देखील त्यांनी आधार घेतला आणि नियमित व्यायामाला सुरूवात केली.

दरम्यान प्रशिक्षक अहमद जकीने खुलासा केला की, अगरवाला हे रॉजर फेडररचे चाहते असून आपला आदर्श म्हणून त्याने या टेनिस चँपियनकडून प्रेरणा घेत वजन कमी केले.

शरीरातील चरबी जाळण्यासाठी त्यांनी योग्य दिशेने प्रयत्न केले.

(वाचा - दिवसाला १०,००० पावलं चालण्याचा शोध जपानी लोकांचा, आरोग्याला फायदेशीर ठरते की नाही काय आहे सत्य)

महत्त्वाचा बदल म्हणजे डाएट

ध्रुव अगरवाला यांनी दुसरा बदल केला तो म्हणजे योग्य डाएट फॉलो करणे. त्याने आपला आहार नियंत्रित केला आणि आहाराच्या भागावर नियंत्रण आणून निरोगी अन्न निवडींवर लक्ष केंद्रित केले. तसेच त्यांच्या कॅलरीचे प्रमाण दररोज 1,700 कॅलरीजपेक्षा कमी केले.

त्याने प्रक्रिया केलेले आणि तळलेले पदार्थ खाणे टाळून प्रोटीन रिच जेवणाला प्राधान्य दिले आणि कार्बोहायड्रेट्स खाण्यात मर्यादित केले आणि 18 महिन्यांपासून अल्कोहोल पिणेही सोडून दिले. दिवसाला १२० ग्रॅम प्रोटीनचा आहारात समावेश केला.

(वाचा - रोज केवळ इतके पावले चालून केले ११० वजनाच्या महिलेने ५० किलो वजन कमी, कमालीची वेट लॉस जर्नी)

कसा आहे आहार

ध्रुव यांनी नमूद केले की, ते नाश्ता वगळतात आणि जिमनंतर प्रोटीन शेक पितात.

दुपारच्या जेवणात 200 ते 300 मिली डाळ, 150 ते 180 ग्रॅम शिजवलेल्या भाज्या आणि बेसन रोटी यांचा समावेश असतो.

तर त्यांच्या स्नॅक्समध्ये बदाम, अक्रोड, काकडी, गाजर आणि दही यांचा समावेश होतो. रात्रीच्या जेवणात भाजी किंवा कोशिंबीर बनवण्यासाठी उपयुक्त अशी एक वनस्पती किंवा शतावरी सूपसह ग्रील्ड चिकन किंवा मासे असतात.

२०२३ पासून व्यायामातही बदल

वजन कमी केल्यानंतर प्रशंसा मिळू लागली. यामुळे वजन कमी करून तंदुरुस्त राहण्याची प्रेरणा मिळाली.

हा एक चांगला फीडबॅक असल्याचेही त्यांनी यावेळी सांगितले. तर 2023 नंतर धावणे आणि पोहणेदेखील सुरू केले.

निरोगी आयुष्यासाठी आठवड्यातून तीन वेळा 5 किमी धावणे आणि 30 मिनिटे पोहणे असे पर्याय सध्या ते वापरत असल्याचे त्यांनी मुलाखतीमध्ये सांगितले आहे. ध्रुव अगरवालाने कमालीचे वजन कमी केले असून आपल्याला हवे असलेले लक्ष्य गाठण्याचा विश्वासही यावेळी दर्शवला आहे.