ओठांना लिपस्टिक कशी लावायची, कसा द्यावा परफेक्ट लुक आणि शेप सोप्या टिप्सने दिसाल अधिक आकर्षक

महिलांचे लिपस्टिक आणि त्याच्या शेड्सवर विशेष प्रेम असतं हे काही वेगळं सांगायला नको. नवनवीन ड्रेसवर वेगवेगळ्या लिपस्टिक शेड्स वापरल्या जातात आणि कितीही लिपस्टिक असल्या तरीही दुसरीच्या ओठावर दिसलेली शेड आणि तिच्या ओठांचा आकारच अनेकांना आवडतो आणि आपल्यालाही असा परफेक्ट लुक हवा असं वाटतं.

सध्या ब्युटी ट्रेंड्स बदलत आहेत आणि वेगवेगळ्या शेड्स बाजारात येत आहेत.

नैसर्गिक सुंदरता दर्शविण्यासाठी न्यूड लिपस्टिक शेड्स असो वा मॅट लिपस्टिक्स असोत वा दिवसभर ओठांवर टिकून राहणाऱ्या लिपस्टिक्स असोत या सगळ्याचा वापर केला जातो. परफेक्ट लिप शेपसाठी काही गोष्टींची काळजी घेण्याची गरज आहे आणि कशा पद्धतीने टेक्निक वापरावे याबाबत ब्युटिशियन स्मिता कांबळे यांनी काही टिप्स दिल्या आहेत. याची मदत घेऊन तुम्ही ओठांना लिपस्टिक लावत योग्य आकार द्या आणि दिसा अधिक आकर्षक (फोटो सौजन्य - @saietamhankar

Instagram/iStock)
लिपस्टिकपूर्वी ओठांना काय लावावे?

अनेकदा महिला डायरेक्ट ओठांना लिपस्टिक लावतात. पण केवळ लिपस्टिक लावण्यापूर्वीच नाही तर रोज तुम्ही स्किन केअर रूटीनमध्ये ही गोष्ट फॉलो करायला हवी. ज्यामुळे तुमचे ओठ चांगले राहतात. आपल्या ओठांवर आलेला डेड स्किन लेअर हटविण्यासाठी लिप स्क्रबचा वापर नियमित करायला हवा.

याशिवाय तुम्ही लिपस्टिक लावण्यापूर्वी ओठांना लिप बाम लावावा, जेणेकरून ओठ काळे पडत नाहीत आणि योग्य आकारात तुम्हाला लिपस्टिक अप्लाय करता येते.

तसंच स्क्रबमुळे तुमच्या ओठांवर जमा झालेले केमिकल्स काढण्यास मदत मिळते.

ओठ कोरडे होऊ देऊ नका

अनेकदा लिपस्टिक लावल्यानंतर ओठ कोरडे पडू लागतात. पण यापासून तुम्हाला वाचायचे असेल तर तुम्ही रोज रात्री झोपण्यापूर्वी ओठांना लिप ऑईल लावा. तसंच दिवसातून ३-४ वेळा लिप बामचा वापर करावा. जेणेकरून ओठांची चांगली काळजी राहाते आणि ओठांचा आकारही लिपस्टिकमुळे काळा पडून बिघडत नाही. यामुळे ओठ मॉईस्चराईज राहण्यास मदत मिळते.

(वाचा - 9 तासांपर्यंत टिकून राहतील या long lasting lipsticks; तुमच्या ओठांना बनवतील आणखी सुंदर)

ओठांना परफेक्ट शेप देण्यासाठी?

ओठांना केवळ लिपस्टिक फासणे योग्य नाही तर ओठांचा आकर्षक आकार दिसणेही महत्त्वाचे आहे. ओठांना लिपस्टिक लावण्यापूर्वी तुम्ही लिप लायनरचा वापर करावा. यामुळे ओठांचा आकार व्यवस्थित दिसतो आणि ऑम्ब्रे कलर इफेक्टही मिळतो. लिपस्टिक आणि लिप लायनरचे कलर कॉम्बिनेशन योग्य असावे हे लक्षात ठेवा.

(वाचा - Lipstick Tips : लिपस्टिक लावल्यामुळे तुमचे ओठ फाटतात? 5 टिप्स ठेवतील अतिशय मुलायम)

कशी लावावी लिपस्टिक

अनेकजण एका बाजूने ओढून वर आणि खाली अशी ओठांना लिपस्टिक लावतात. मात्र लिपस्टिक लावताना नेहमी ओठांच्या मधून लावायला सुरूवात करावी आणि नंतर बाहेरच्या बाजूला लावावी. आपल्या नैसर्गिक ओठांच्या आकाराप्रमाणेच लिपस्टिक लावा. नंतर टिश्यूच्या मदतीने एक्स्ट्रा लिपस्टिक काढा आणि ग्लॉसी दिसण्यासाठी त्यावर लिप ग्लॉस लावा.

तुमचे आकर्षक ओठ परफेक्ट दिसतील.

स्किन टोनप्रमाणे निवडा लिपस्टिक

ओठांचा आकार योग्य दिसण्यासाठी तुम्ही स्किन टोनप्रमाणे लिपस्टिक निवडल्यास तुमचा चेहरा अधिक सुंदर आणि आकर्षक दिसण्यास मदत मिळते.

गोरा रंग - तुमचा रंग जर गोरा असेल तर लाल रंग, पीच, न्यूड पिंक शेड, लाईट बरगंडी, मॅट लिपस्टिकचा वापर करावा

सावळा रंग - तुमचा रंग जर सावळा असेल तर हलक्या रंगाचे शेड्स वापरा, ज्यामुळे चेहरा खुलून येईल.

याशिवाय तुम्ही चॉकलेटी शेड्समधील लिपस्टिक वापरू शकता. तसंच मरून रंगाची लिपस्टिकही खुलून दिसेल.