५० व्या वर्षी पंजाबचे मुख्यमंत्री भगवंत मान झाले वडील गोंडस मुलीचा जन्म, मुलीसाठी खास संस्कृत नावे

पंजाबचे मुख्यमंत्री भगवंत मान यांनी आपल्या सोशल मीडियावर मुलगी झाल्याचा आनंद व्यक्त केलाय. वयाच्या ५० व्या वर्षी भगवंत मान हे वडील झाले असून या गोंडस मुलीचा फोटोही त्यांनी शेअर केलाय. सध्या त्यांच्यावर अभिनंदनाचा वर्षाव होत आहे. संकष्टीच्या दिवशी तुमच्याही घरी एखाद्या नाजूक गोंडस मुलीचा जन्म झाला असेल तर या लेखातून आम्ही मुलींसाठी काही खास संस्कृत नाव अर्थांसह सुचवत आहोत.

हल्ली कोणालाही ऐकीव नावं ठेवायची नसतात. मग अशावेळी तुम्ही संस्कृत भाषेतील काही खास नावांचा वापर करून घेऊ शकता. जन्माला आलेली मुलगी ही आपल्याकडे लक्ष्मी मानली जाते. तिच्यासाठी निवडा खास संस्कृतमधील ही नावे, जाणून घ्या अर्थपूर्ण युनिक नावं. (फोटो सौजन्य - @bhagwantmann1 Instagram/Canva)
अजरा

संस्कृतमध्ये अनेक सुंदर आणि अर्थपूर्ण नावे आहेत.

तुमच्या मुलीसाठी जर अ आद्याक्षर आले असेल तर अजरा या नावाचा पर्याय तुम्ही निवडू शकता. चिरतरूण, नेहमी सुंदर असणारी, सौंदर्यवती असा अजरा या नावाचा अर्थ आहे. हे अत्यंत वेगळे आणि युनिक असे नाव असून मुलीसाठी निवडू शकता.

अर्चा

पूजा हे नाव कॉमन आहे पण पूजा - अर्चा हा शब्द नेहमी एकत्र घेतला जातो. अर्चा हा संस्कृत शब्द असून याचा अर्थ पूजा, आराधना असा होतो. संस्कृतमधील हा शब्द तुम्ही तुमच्या मुलीच्या नावासाठी वापरू शकता.

अर्चना, आर्ची अशी नावं तुम्ही ऐकली असतील तर मुलीचे वेगळे नाव ठेवायची इच्छा असेल तर या नावाचा वापर करावा.

(वाचा - देवी सरस्वतीच्या नावावरून ठेवा मुलीचे मॉडर्न नाव, अभ्यासात नेहमी राहील अव्वल)

अवशा

आपली मुलगी स्वतंत्र असावी असं प्रत्येक पालकांना वाटत असतं आणि त्याची सुरूवात तिच्या नावापासूनच केली तर? अवशा अर्थात कायम स्वतंत्र असणारी, मुक्त, स्वच्छंदी असा अर्थ होतो. आपल्या मुलीसाठी तुम्ही हे युनिक नाव निवडू शकता.

संस्कृतमधील हे नाव नक्कीच लक्षवेधी आहे.

(वाचा - वसंत पंचमीच्या पवित्र दिवशी जन्मलेल्या मुलींना द्या देवी सरस्वतीची नावं, भविष्य होईल उज्ज्वल)

अशनि

अशनि म्हणजे विजेचा गडगडाट, विजेप्रमाणे चकाकणारी असा अर्थ आहे. तुमच्या मुलीसाठी काहीतरी वेगळ्या नावाचा विचार करत असाल तर या नावाचा तुम्ही आधार घेऊ शकता. संस्कृत असूनही पारंपरिकता आणि आधुनिकतेचा परफेक्ट मेळ साधणारे असे हे नाव आहे. आपल्या मुलीसाठी या नावाचा विचार करू शकता.

(वाचा - शनिवारी जन्म झालेल्या मुलासाठी खास हनुमानाची नावं, अर्थपूर्ण नावांची यादी)

अन्विक्षा

तपासणी, चौकशी, एखाद्याबाबत चौकशी करणे असा अन्विक्षा या संस्कृत नावाचा अर्थ आहे. नेहमीपेक्षा वेगळे आणि उच्चारायला थोडे कठीण असले तरीही हे अत्यंत अनकॉमन नाव आहे. तुमच्या मुलीसाठी तुम्ही वेगळे आणि हटके नाव शोधत असाल तर या नावावर तुमचा शोध नक्कीच पूर्ण होऊ शकतो.

इक्षुला

महाभारतामधील उल्लेखित एका नदीचे नाव. इ हे आद्याक्षर अगदीच वेगळे आहे आणि या नावावरून फारच कमी नावे आहेत. वेगळ्या नावाच्या यादीत तुम्ही इक्षुला या नावाचा समावेश करून घेऊ शकता. मुलीसाठी नक्कीच हे युनिक आणि रॉयल नाव असल्याचे दिसून येत आहे.

इष्टि

दोन अक्षरी नावांचा तुम्ही शोध घेत असाल तर संस्कृतमधील हे अत्यंत सोपे आणि युनिक नाव आहे. मुलीसाठी या नावाचा तुम्ही वापर करू शकता. आवेग, प्रवेग, आमंत्रण, बोलावणे असा या नावाचा अर्थ घेता येतो.

मुलीसाठी नाव ठेवायचे असेल तर या नावाचा नक्कीच तुम्हाला फायदा होऊ शकतो.

चार्वी

खूप सुंदर, पाहातच राहण्यासारखी, नजर न हटणारे सौंदर्य असणारी अशी व्यक्ती. चार्वी या नावाचा हा अर्थ होतो. तुमच्या नाजूक, सुंदर आणि गोंडस मुलीसाठी तुम्ही हे दोन अक्षरी नाव निवडू शकता. लक्षात ठेवायला सोपे आणि सुंदर असे हे नाव अत्यंत अर्थपूर्ण आणि मॉडर्नही आहे.

लाघवी

अत्यंत प्रेमळ, सुंदर आणि नाजूक स्त्री, सर्वांची आवडती, सर्वांचे प्रेम मिळवणारी अशी महिला असा लाघवी या संस्कृत शब्दाचा अर्थ आहे. तुम्ही आपल्या मुलीसाठी या नावाचा वापर करून सर्वांचे मन जिंकू शकता. वेगळे आणि रॉयल असे युनिक नाव मुलीसाठी निवडा.