दगडासारख्या मजबूत फोनवर ७००० रुपयांची सूट; १०८एमपी कॅमेरा, ५८००एमएएच बॅटरी मिळतेय स्वस्तात

Honor X9b 5G जेव्हा लाँच झाला होता तेव्हा ऑनरनं या फोनचा डिस्प्ले खूप मजबूत असल्याचा दावा केला होता. यासाठी अँटी ड्रॉप टेक्नॉलॉजीचा वापर कंपनीनं केला आहे. फेब्रुवारीमध्ये लाँचच्या वेळी या फोनची किंमत २६,००० रुपये ठेवण्यात आली होती, परंतु आता यावर सुमारे ७,००० रुपयांची ऑफर मिळत आहे. त्यामुळे आतापर्यंतच्या सर्वात कमी किंमतीत हा डिवाइस उपलब्ध झाला आहे.

तसेच कंपनी ६९९ रुपयांचा Violet Htech 30W चार्जर देखील मोफत देत आहे. चला जाणून घेऊया फोनची नवीन किंमत आणि स्पेसिफिकेशन. Honor X9b 5G वरील ऑफर्स Honor X9b 5G फोनची किंमत १,००० रुपयांनी कमी करण्यात आली आहे. त्याचबरोबर २,००० रुपयांचा बँक डिस्काउंट आणि ४,००० रुपयांचा एक्सचेंज बोनस दिला जात आहे. कंपनी ६९९ रुपयांचा व्हॉयलेट हायटेक ३०वॉट चार्जर देखील मोफत मिळत आहे. या सर्व ऑफर्स एकत्र केल्यास २५,९९९ रुपयांच्या Honor X9b 5G स्मार्टफोन ७,००० रुपयांच्या डिस्काउंटनंतर फक्त १८,९९९ मध्ये मिळेल.

डिव्हाइसवर या सर्व ऑफर्स व्यतिरिक्त नो कॉस्ट EMI चा ऑप्शन देखील आहे. त्यामुळे हा 5G फोन तुम्हाला खरेदी करायचा असेल तर अ‍ॅमेझॉनवरून खरेदी करू शकता. Honor X9b 5G चे स्पेसिफिकेशन्स Honor X9b च्या मागे कॅमेरा मोड्युल आहे जो दोन सोनेरी रिंगच्या मध्ये आहे. फोनमध्ये कंपनीनं प्लास्टिक फ्रेमचा वापर केला आहे. डिवाइसचे वजन फक्त १८५ ग्राम आहे, तर याची जाडी फक्त ७.९८ मिमी आहे. डिजाइन पाहता कंपनीनं यात पंच-होल डिस्प्ले दिला आहे. स्क्रीनवर वरच्या असलेल्या कटआउटमध्ये फ्रंट कॅमेरा आहे.

फोनमध्ये १२०० निट्स पीक ब्राइटनेस, १२०हर्ट्झ रिफ्रेश रेट आणि १९२०हर्ट्झ पीडब्ल्यूएम डिमिंग सपोर्ट असलेला डिस्प्ले आहे. ६.७८-इंचाच्या या अ‍ॅमोलेड डिस्प्लेचे रिजोल्यूशन १.५के आहे. हा फोन अँड्रॉइड १३-आधारित मॅजिकओएस ७.२ वर चालतो. प्रोसेसिंगसाठी ऑनर एक्स९बी मध्ये क्वॉलकॉमचा स्नॅपड्रॅगन ६ जेन १ चिपसेट मिळतो. तर ग्राफिक्सची जबाबदारी एड्रेनो ए७१० जीपीयू पार पडतो. फोनमध्ये एक बिल्ट-इन ५जी मॉडेम आहे. हँडसेट ८जीबी रॅम आणि २५६जीबी स्टोरेजसह बाजारात आला आहे. ही स्टोरेज वाढवण्याचा ऑप्शन नाही.

परंतु फोनची स्टोरेज वापरून ८जीबी पर्यंत रॅम वाढवता येतो. ऑनर एक्स९बी मध्ये ट्रिपल रियर कॅमेरा सेटअप आहे. ज्यात १०८ मेगापिक्सलच्या प्रायमरी सेन्सरचा समावेश आहे. त्याचबरोबर ५ मेगापिक्सलचा अल्ट्रा-वाइड कॅमेरा आणि २ मेगापिक्सलचा मॅक्रो सेन्सर आहे. तर फ्रंटला १६ मेगापिक्सलचा सेल्फी शुटर मिळतो. HONOR X9b मध्ये ५,८००एमएएचची मोठी बॅटरी देण्यात आली आहे जी ३५वॉट फास्ट चार्जिंगच्या मदतीनं चार्ज केली जाते.