Pitru Dosh Upay for Amavasya in Marathi: मे महिन्यात कधी आहे अमावस्या आणि पितृदोष दूर करण्यासाठी काय करावे? जाणून घ्या

Pitru Dosh Upay for Amavasya in Marathi: पंचांगानुसार, प्रत्येक महिन्यात अमावस्या तिथी येते. अमावस्या तिथीला हिंदू धर्मात खूप महत्त्व आहे. ही तिथी जगाचा पालनहार विष्णू आणि पूर्वजांना समर्पित आहे. या दिवशी जप, तपश्चर्या आणि दान करण्याची परंपरा आहे. मे महिना म्हणजे मराठी पंचांगनुसार, चैत्र माह पितरांच्या पूजेला समर्पित आहे.

या महिन्याच्या पूर्वसंध्येला म्हणजेच चैत्र अमावस्येला खूप महत्त्व आहे. ही अमवस्या पितरांना समर्पित आहे. या दिवशी पितरांना नैवेद्य अर्पण केल्याने त्यांना वैकुंठधाममध्ये स्थान मिळते. चला जाणून घेऊया चैत्र अमावस्येला पितृदोष दूर करण्यासाठी कोणते उपाय केले पाहिजे.

चैत्र अमावस्या 2024 शुभ मुहूर्त
पंचांगानुसार, चैत्र महिन्यातील कृष्ण पक्षातील अमावस्या तिथी 07 मे रोजी सकाळी 11 वाजून 40 मिनिटांनी प्रारंभ होईल. तर 08 मे रोजी सकाळी 08 वाजून 51 मिनिटांनी अमावस्या समाप्त होईल. उदयतिथीनुसार, 08 मे रोजी चैत्र अमावस्या साजरी होईल.

पितृदोष दूर करण्यासाठी करा हे उपाय
पक्षांना धान्य द्या
पितरांना प्रसन्न करायचे असेल तर अमावस्येला पशु-पक्ष्यांना धान्य अर्पण करा. असे केल्याने पितरांचा आशीर्वाद प्राप्त होतो. पितरांच्या आशीर्वादाने व्यक्तीच्या जीवनातील अडचणी दूर होतात.

दान-धर्म करा
चैत्र अमावस्येच्या दिवशी पितरांशी संबंधित उपाय खूप लाभदायक ठरतात. या दिवशी दान-धर्म करण्याला अधिक महत्त्व आहे. अमावस्या तिथीला गरीब लोकांना अन्नदान आणि पैसे दान केले पाहिजे. यासह तुम्ही कपडे, साखर, धान्य इत्यादी गोष्टींचेही दान करू शकता. या उपायाने पितृदोष दूर होत पूर्वजांचा आशीर्वाद प्राप्त होतो.

मंत्र जप
तुम्ही पितृदोषाने त्रस्त असाल तर चैत्र अमावस्येच्या दिवशी पितरांशी संबंधित 'ॐ आद्य-भूताय विद्महे सर्व-सेव्याय धीमहि। शिव-शक्ति-स्वरूपेण पितृ-देव प्रचोदयात्' या मंत्राचा जप केला पाहिजे. या मंत्राचा जप केल्याने पितर प्रसन्न होत पितृदोष दूर होतो.

(टीप - येथे दिलेली माहिती धार्मिक मान्यता आणि गृहितकांवर आधारित आहे. Marathi Times Now News या माहितीचे समर्थन करत नाही. यासाठी संबंधित क्षेत्रातील तज्ज्ञांचा सल्ला आणि मार्गदर्शन घेणे आवश्यक आहे.)