Priyanka Chopra: प्रियांका चोप्राने भाड्याने दिला पुण्यातला बंगला, दर महिन्याला होणार इतक्या लाखांची कमाई

Priyanka Chopra: अभिनेत्री प्रियांका चोप्राने तिचा पुण्यातला बंगला आता भाड्याने दिला आहे. त्यामुळे दर महिन्याला या बंगल्यामुळे तिची लाखोंची कमाई होणार आहे. प्रियांकाच्या कुटुंबातल्या सदस्यांनी हा बंगला 'द अर्बन नोमॅड्स कम्युनिटी प्रायव्हेट लिमिटेड' या फर्मला भाड्याने दिला आहे. या बंगल्याचे भाडे 2 लाख रुपये प्रति महिना आहे.

अभिनेत्रीची आई मधु चोप्रा आणि भाऊ सिद्धार्थ यांनी या फर्मसोबत डील केली आहे.

एका रिपोर्टनुसार , Zapkey ला मिळालेल्या कागदपत्रांनुसार मधु चोप्रा आणि सिद्धार्थने 21 मार्चला या घराचे रजिस्ट्रेशन केले होते. फर्मने प्रियांकाच्या कुटुंबियांच्या या बंगल्यासाठी 6 लाख डिपॉझिटदेखील दिले आहे. आता फर्मकडून दर महिन्याला 2.06 लाख भाडे मिळणार आहे.

प्रियांकाच्या पुण्यातील बंगल्याचा एरिया (Priyanka Chopra Pune Bungalow Area)Priyanka Chopra चा हा बंगला पुण्यातील कोरेगाव पार्क भागामध्ये आहे. या बंगल्याच्या प्लॉटची साईज 3754 स्क्वेअर फूट आहे. तसेच ग्राउंड फ्लोअर 2180 स्क्वेअर फूट आणि बेसमेंट एरिया 950 स्क्वेअर फूट आणि गार्डन एरिया 2232 स्क्वेअर फूट आहे. या बंगल्याचा पार्किंग एरिया 400 स्क्वेअर फूट आहे.

याआधी मुंबईत दोन पेंट हाऊसची 6 कोटींना विक्री (Mumbai Pent House Sold By Priyanka Chopra)मिळालेल्या माहितीनुसार, 2023 मध्ये प्रियांका चोप्रा आणि तिचा नवरा निक जोनासने ओशिवाराच्या लोखंडवाला कॉम्प्लेक्समधील दोन पेंट हाऊस 6 कोटींना विकले आहेत. या पेंट हाऊसचा बिल्ट अप एरिया 2,292 स्केअर फूट होता. या दोन पेंट हाऊसपैकी एक पेंट हाऊस 2.25 कोटींना तर दुसरे पेंट हाऊस 3.75 मध्ये विकले गेले. याआधी प्रियांकाने लोखंडवालामधील तिची कमर्शियल प्रॉपर्टी 7 कोटींना विकली होती. तर 2021 मध्ये अंधेरी वेस्ट भागात 2040 स्क्वेअर फूट बिल्डींगमध्ये 2.11 लाख रुपये देऊन ऑफिससाठी सेकंड फ्लोअर घेतला होता.

न्यूयॉर्कमध्ये निक जोनाससोबत राहते प्रियांका चोप्रा अभिनेत्री प्रियांका चोप्रा 2018 मध्ये निक जोनाससोबत लग्न केल्यानंतर न्यूयॉर्कमध्ये राहते. कामासाठी किंवा कुटुंबियांना भेटण्यासाठी ती मध्ये मध्ये मुंबईत येत असते. सध्या ती Heads of State या हॉलिवूड चित्रपटासाठी शूटींग करत आहे. (Upcoming Project Of Priyanka Chopra) चाहते देसी गर्लच्या बॉलिवूड प्रोजेक्टची वाट बघत आहेत. पण सध्यातरी तिच्या कोणत्याही बॉलिवूड प्रोजेक्टविषयी कोणतीही माहिती अधिकृतरित्या जाहीर करण्यात आलेली नाही.