CID Team Upcoming Show : सीआयडीमधल्या दया आणि अभिजीतची जोडी परत येतेय, नक्की कसा असणार शो ?

CID Team Upcoming Show: सीआयडी या मालिकेने अनेक वर्ष प्रेक्षकांच्या मनावर अधिराज्य गाजवले. या मालिकेने जेव्हा प्रेक्षकांचा निरोप घेतला होता, तेव्हा चाहत्यांना मोठा धक्का बसला होता. ही मालिका साधारणपणे 30 वर्षे सुरु होती. ही मालिका टीआरपीमध्येदेखील नेहमी अग्रेसर असायची. या मालिकेतील सगळी पात्रे आजही लोकप्रिय आहेत.

यातील एसीपी प्रद्युमन, दया, अभिजीत, फ्रेडी, डॉक्टर साळुंखे या सगळ्यांची बोलण्याची पद्धत, विशिष्ट डायलॉग या सगळ्याची आजही आठवण काढली जाते. सीआयडीच्या चाहत्यांसाठी एक आनंदाची बातमी आहे. या मालिकेतील दया आणि अभिजीतचे पात्र साकारणारे आदित्य श्रीवास्तव (Aditya Srivastava) आणि दयानंद शेट्टी (Dayanand Shetty) ही जोडी आपल्याला पुन्हा एकत्र काम करताना दिसणार आहेत. ( CID Fame Daya And Abhijeet Come Back News)

मिळालेल्या माहितीनुसार, आदित्य श्रीवास्तव आणि दयानंद शेट्टी यांच्या पुनरागमनाची तयारी झाली आहे. पण हे दोघे वेगळ्या भूमिकेमध्ये दिसणार आहेत. दयानंदने सांगितले की, आम्ही परत येतोय हे खरे आहे. पण दया आणि अभिजीतऐवजी वेगळ्या व्यक्तिरेखेच्या माध्यमातून आम्ही कमबॅक करत आहोत.

नवा ट्रॅव्हल शोदयानंद आणि आदित्य छोट्या पडद्यावर क्राईम टीव्ही शोमध्ये काम करणार असतील असे तुम्हाला वाटत असेल तर तसे अजिबात नाही. आदित्यने सांगितले की, दया आणि मी गेल्या 20 वर्षांपासून गु्न्ह्यांच्या प्रकरणांची उकल करण्याचे काम केले आहे. मात्र, सध्यातरी तसे होणार नाही. वेगळा फॉर्मॅट असलेला शो आम्ही प्रेक्षकांसमोर सादर करणार आहोत. सीआयडीची जुन्या टीमचा ट्रॅव्हल शो प्रेक्षकांच्या भेटीला येणार आहे.

आदित्य श्रीवास्तव पुढे म्हणला की, आम्ही मे महिन्यात हा शो युट्युबवर लाँच करणार आहोत. त्यासाठी आमची तयारी जोरात सुरु आहे. या शोमध्ये प्रवासातील गमतीजमती, गप्पा-टप्पा, खाणे-पिणे असे सगळे प्रेक्षकांना अनुभवता येणार आहे. आम्ही याआधी साताऱ्यात भटकंती केली. आता गोवा फिरायला जाणार असल्याचे आदित्य श्रीवास्तवने सांगितले.

चित्रपटात झळकणार दया आणि अभिजीतची जोडीसीआयडीच्या टीमला पुन्हा एकत्र पाहण्यासाठी प्रेक्षक उत्सुक आहेत. प्रेक्षकांच्या या इच्छेची आम्हाला कल्पना आहे. त्यामुळेच आम्ही हा नवा शो सुरु करत असल्याचे आदित्यने सांगितले. याशिवाय आदित्य आणि दयानंद हे दोघेही एका चित्रपटात एकत्र काम करणार आहेत. या चित्रपटाचे शूटींग संपले आहे. लवकरच याबाबत घोषणा करण्यात येईल.