Summer Fashion: उन्हाळ्यात करा पेस्टल आऊटफिट्सची फॅशन; चारचौघांत मारा इंप्रेशन

Pastel Colour Outfits For Summer (पेस्टल कलर फॅशन समर सिझन): सध्या उन्हाळ्याचा मोहोल आहे. त्यात फॅशन नाही...? छे! असं होणारच नाही. आपल्याला या सिझनमध्ये फॅशन करायला चांगलाच वाव मिळतो. त्यातून विविध रंगांढंगातले कपडे आपण अगदी सहज वापरतो. अनेकांना डार्क किंवा व्हायब्रंट कलर परिधान करायला आवडतात. फंकी कलर वापरायलाही अनेकांना आवडतात.

त्यातून या सिझनमध्ये निऑन रंग वापरायलाही आवडतात. खासकरून सिंपल कुर्ते, ट्राऊझर्स, पलाझो, लुझ पॅन्ट, टी, कॉटन शर्ट्स अशी फॅशन करायला उन्हाळ्यात जास्त आवडते. किंबहुना हेच कपडे आपल्याला फार जास्त कम्फर्टेबलही वाटतात.

त्यातून वनपीस, शॉर्ट्स, कम्फर्टेबल अशा मिडी, कटगाऊट, ऑफशोल्डर लूक अशी फॅशन ही चांगलीच ट्रेण्डी असते. आपल्याला पिंक, ब्लू, यल्लो, क्रीम कलर, ऑफ व्हाईट, लाईट ग्रीन म्हणजेच पिस्ता कलर असे रंग आपल्याला प्रचंड आवडतात. यात तुम्ही हटके फॅशन करू शकता. जसे की मिडीवरती मस्त कॉटनचा जॅकेट वापरू शकता. सोबतच तुम्ही फुल लेन्थ इनर आणि त्यावरती हटके जॅकेट परिधान करू शकता.

असा वापरा फंडा!
सध्या असाचही एक लूक ट्रेण्डमध्ये आहे ज्यात तुम्ही शॉर्ट्स इनर आणि त्यावर जॅकेट म्हणून कॉटनचा शर्ट परिधान करू शकता. यात तुम्हाला नानाविध पर्याय मिळतील. त्यातून तुम्ही याही हटके पेस्टल कलरची फॅशन करू शकता म्हणजेच तुम्ही व्हाईट शॉर्ट आणि शर्टसाठी पेस्टल इनर वापरू शकता किंवा पेस्टल डार्क अथवा फेन्ट फूल लेन्थ किंवा हाफ शॉर्टमध्ये तुम्ही कलर कॉम्बिनेशनला मॅचिंग अशी डार्क किंवा फेन्ट इनर वापरू शकता. यातून सध्या एक हटके लूकची चर्चा आहे आणि ती म्हणजे लॉन्ग पँटवर तुम्ही टी-शर्ट घालू शकता आणि मग त्यावर तुम्ही कोट परिधान करू शकता. हा लूक खरंतर खूप क्लासी वाटतो. त्यामुळे समर सिझनसाठी आणि खासकरून पेस्टल वेअरसाठी असा फंडा कूल वाटेल.

ट्रेडिशनल
पुढील तीन महिने तरी लग्नाचा सिझन राहणार आहे. तेव्हा अशावेळी तुम्ही पेस्टल कलर फॅशन तर अगदी हमखास करू शकता. त्यातून विविध एमब्रोयडरीचे लेहेंगा, साडी मार्केटमध्ये उपलब्ध आहेत. यात तुम्हाला विविधता मिळेल. नेट दुपट्टा, सिल्क दुपट्टा किंवा लाईट एम्ब्रोयडरी असलेला दुपट्टा हा या सिझनमध्ये ट्रेडिनशल वेअरसाठी एक नंबर आहे. लेंहेंग्याची फॅशन तर असतेच परंतु तुम्ही हटके साडीची फॅशनही करू शकता. तुम्हाला यात विविधता मिळेल. पेस्टल कलर साडी निवडणार असाल तर त्या साडीची बोर्डर थोडी डार्क असेल तर पाहावी.

हटके अॅक्सेसरीज
समर सिझनमध्ये कानातले, गळ्यातले परिधान करताना खूप काळजी घेतली जाते. जसे की, फार लाईट आणि कलरफूल दागिने परिधान करण्याकडे भर असतो. हेवी मेटलचे किंवा ऑक्सिडाईज्ड दागिने फारसं कुणी परिधान करत नाही. तेव्हा समर सिझममध्ये तुम्ही स्टड्स, पर्ल चे दागिने परिधान करू शकता.

(टीप: वर दिलेली माहिती ही सामान्य माहितीवर आधारित आहे. Times Now Marathi याची पुष्टी करत नाही. कृपया तज्ञांचा सल्ला घ्यावा.)