Akshaya Tritiya 2024: अक्षय्य तृतीयेला करा मनमोहक साजशृंगार; पाहा ट्रेडिशनल साड्यांचे ट्रेण्ड्स

अवघ्या काही दिवसांवर अक्षय्य तृतीया येऊन ठेपली आहे. यानिमित्ताने आपण सोनं खरेदी करतो, घर खरेदी करतो. लक्ष्मी आपल्या घरी येते. या दिवशी महिलावर्गांमध्येही फार उत्साह असतो. त्यामुळे त्यांची चांगलीच चर्चा रंगलेली असते. यावेळी सुंदर असा साजसृंगार करण्यासाठी तुम्ही विविध साड्यांचे ट्रेण्ड्स फॉलो करू शकता. साड्यांमध्येही अनेक प्रकारच्या डिझाईन्स, रंगसंगती असतात.

त्यामुळे सुंदर पारंपारिक साड्यांमध्येही फार वैविध्यता मिळते. त्यातून ब्लाऊजच्या फॅशनमध्येही तुम्हाला वैविध्य आणता येते. त्याचसोबतच सुंदर असा साजशृंगारही करता येतो. तेव्हा येत्या अक्षय्य तृतीयेला तुम्ही खास ट्रेडिशनल साड्यांचा पहेराव करू शकता. पाहुयात यातील ट्रेण्डस...

पैठणी
पैठणी साडी प्रत्येकचीच आवडती असते. त्यातून यातही विविध रंगसंगती आणि डिझाईन्स असतात. यात तुम्हाला कॉन्ट्रास्ट रंगही मिळतो. खासकरून अनेकांनी मोरपिशी पैठणी आवडते. परंतु येत्या अक्षय तृतीयेला तुम्ही ब्राईट कलर्स वापरू शकता. जसे गुलाबी किंवा जांभळ्या रंगाची पैठणीही फार आकर्षित करते. त्याचसोबत पांढऱ्या रंगाची पैठणीही खूप सुरेख वाटते. तुम्ही ऑरेंज बोर्डर असलेली पैठणी ट्राय करू शकता. त्याचसोबत निळ्या रंगाचा, हिरव्या, पिवळ्या रंगाचाही आकर्षक पदर आणि बोर्डर असलेली साडी चांगली वाटते.

ब्रोकेड साडी
सुंदर ब्रोकेड साड्याही फार अप्रतिम वाटतात. खासकरून यात तुम्हाला वैविध्यता मिळते. जसे की सुंदर डिझाईनच्या आणि काठाच्या साड्या असतात. यात मरून, मेंदी कलर, ब्राऊन, लाल असे रंग फारच आकर्षक वाटतात आणि रॉयल वाटतात. यात ब्लाऊजमध्येही फॅशन करायला वाव मिळतो. जसे की तुम्ही निळ्या साडी गुलाबी रंगाचा किंवा पिस्ता कलरच्या साडीवर गुलाबी रंगाचा ब्लाऊज असे रंगाचे कॉम्बिनेशन करू शकता. यावर तुम्ही मोत्यांचे दागिने परिधान करू शकता. त्याचसोबतच गोल्डन दागिनेही अत्यंत क्लासी वाटतात.

डिझायनर फ्लोरल साड्या
सुंदर टेडिशनल फ्लोरल साड्याही फार क्लासी वाटतात. यातही प्रचंड विविधता आहे. यात तुम्हाला सुंदर ब्लाऊजची फॅशन करता येते. ऑरेगंजा, खादी, कॉटनपासून ते जरीच्या साड्या किंवा इरकलच्या साड्यापर्यंत तुम्हाला वैविध्यता मिळते. यावरही तुम्ही कस्टमाईज्ड डिझाईन्स करू शकता.

खणाच्या साड्या
सुंदर खणाच्या साड्याही तुम्ही परिधान करू शकता. यातही भरपुर वैविध्यता असते. अक्षय्य तृतीयेला पूजेसाठी या साड्याही फार सुरेख ठरतील. खणाच्या साड्यांपासून तयार केलेले कस्टमाईज्ड इंडोवेस्टर्न आऊटफिट्सही फार क्लासी दिसतात.