Tips For Good Sleep: रात्री शांत झोप लागत नाही का ? आजच ट्राय करा हे 5 उपाय

Tips For Good Sleep: आजकाल प्रत्येकाचा स्क्रिनटाइम वाढला आहे. टीव्ही आणि मोबाईलवर टाइमपास होतो आणि मूड फ्रेश होतो,असे काही लोकांचे मत आहे. तर काही जण झोप यावी म्हणून टीव्ही आणि मोबाईलवर काहीतरी बघत बसतात. पण यामुळे काही वेळा उशीरा झोप लागते. मोबाईल आणि टीव्ही बघता बघता झोपणारेही खूप जण आहेत. पण स्क्रीनटाइम कमी करणे आवश्यक आहे.

स्क्रीनमधून येणाऱ्या लाइटमुळे मेलाटोनिन हार्मोनवर परिणाम होतो. त्यामुळे तुमचे झोपेचे वेळापत्रक बिघडते. परिणामी आरोग्याच्या समस्या भेडसावू लागतात. चांगली झोप लागावी म्हणून तुम्ही कोणत्या टिप्स वापरु शकता, ते जाणून घ्या. (Tricks For Good Sleep)

संगीत ऐकणे (Listening Music)संगीत ऐकणे हे आपल्या शरीरासाठी आणि आपल्या मेंदूसाठीची एक बेस्ट थेरपी आहे. एका अभ्यासानुसार, रात्री झोपताना मनाला शांती देणारी गाणी ऐकल्याने शरीरातील ऑक्सिटोनिनची पातळी वाढते. त्यामुळे ऑटोनोमिक नर्व्हस सिस्टीम शांत होते आणि आपली चिडचिड कमी होते. रक्तदाबाची पातळी नियंत्रणात राहते. तसेच शांत झोप लागते. झोपताना ऐकण्यासाठी सॉफ्ट बीट्सच्या गाण्यांची एक प्लेलिस्ट तयार करा आणि झोपताना अशी गाणी ऐका.

ऑडिओबुक्स ऐकणे (Listening Audiobooks)ऑडिओबुक्स ऐकणे हा देखील झोप येण्यासाठीचा एक चांगला उपाय आहे. पूर्वीच्या काळी आजी लहान मुलांना गोष्टी सांगून झोपवायची. गोष्टी ऐकताना तुम्हाला बाकीच्या गोष्टींचा आणि बाकीच्या तणावांचा विसर पडतो. त्यामुळे तुम्हाला चांगली झोप लागते.

पॉडकास्ट ऐकणे ( Listening Podcast)ऑडिओबुकप्रमाणे तुम्ही पॉडकास्ट ऐकूनही झोपू शकता. पॉडकास्टमध्ये तुम्हाला एखाद्या व्यक्तीच्या आयुष्यातल्या अनेक प्रेरक गोष्टी ऐकायला मिळतात. सकारात्मक विचारांमुळे तुम्हाला चांगली झोप लागते.

कोमट पाण्याने आंघोळ करणे (Warm Bath)कोमट पाण्याने आंघोळ केल्यामुळे आपले शरीर नैसर्गिकरित्या थंड होते. तसेच ब्लड प्रेशर नियंत्रणात राहते. शांत झोप लागण्यासाठी तुम्ही हा पर्यायदेखील ट्राय करु शकता.

मेडिटेशन करणे (Meditation)सकाळी अनेक जण मेडिटेशन करतात. पण झोप येत नसेल तर तुम्ही रात्रीच्या वेळी तुम्ही मेडिटेशन करु शकता. मेडिटेशन करताना आपल्याला पुरेशा प्रमाणात ऑक्सिजन मिळते आणि शांत झोप लागते.

(Disclaimer -या लेखातील माहिती सर्वसामान्य गृहीतकांवर आधारित आहे. आम्ही या माहितीसंदर्भात कोणताही दावा करत नाही. झोपेची किंवा आरोग्याची कोणतीही समस्या जाणवत असल्यास तज्ञांचा सल्ला घेणे योग्य ठरेल.)