Summer Sunglasses Tips: उन्हाळ्यासाठी सनग्लासेस खरेदी करताय? तर लक्षात ठेवा या महत्वाच्या गोष्टी
Summer Sunglasses Tips: यावर्षीच्या उन्हाळ्याने मागील सर्व रेकॉर्ड तोडत भारतातील प्रत्येक राज्यात कहर केला आहे. दिवसागणिक वाढत चाललेल्या वातावरणातील उष्णतेमुळे घराबाहेर पडणे देखील नकोसे झाले आहे. असे असले तरी नोकरी व्यवसायाला जाणाऱ्या लोकांना भर उन्हात घराबाहेर पडणे अनिवार्य आहे. अशावेळी लोकं वेगवेगळे उपाय करत सूर्याच्या तीक्ष्ण किरणांपासून वाचण्याचा प्रयत्न करत आहेत.
दुपारच्या वेळेमध्ये तर सूर्यकिरणे इतके प्रभावी असतात की समोरचे काही दिसणेदेखील कठीण होऊन बसते. अशावेळी लोकं सनग्लासेस वापरतात. सनग्लासेसमुळे डोळ्यांचे सूर्याच्या अतिनील किरणांपासून रक्षण होते, त्यामुळे अनेकजण या हंगामात सनग्लासेस खरेदी करतात. पण तुम्ही खरेदी करत असलेले हे सनग्लासेस उन्हाळ्यासाठी बनले आहेत का? किंवा यामुळे तुमच्या डोळ्यांचे खरंच उन्हापासून रक्षण होणार आहे का?
यंदाच्या उष्णतेने उच्चांक गाठला आहे. बाहेर सूर्यप्रकाश इतका तीव्र झाला आहे की सामान्य डोळ्यांनी बघणे कठीण होत आहे. अशावेळी सूर्याच्या अतिनील किरणांपासून डोळ्यांचे रक्षण करण्यासाठी तुम्ही जर सनग्लासेस खरेदी करत असाल, तर कोणत्या पद्धतीचे सनग्लासेस घेणे गरजेचे आहे, याबद्दल जाणून घ्या.
यंदाच्या उष्णतेने उच्चांक गाठला आहे. बाहेर सूर्यप्रकाश इतका तीव्र झाला आहे की सामान्य डोळ्यांनी बघणे कठीण होत आहे. अशावेळी सूर्याच्या अतिनील किरणांपासून डोळ्यांचे रक्षण करण्यासाठी तुम्ही जर सनग्लासेस खरेदी करत असाल, तर कोणत्या पद्धतीचे सनग्लासेस घेणे गरजेचे आहे, याबद्दल जाणून घ्या.
उन्हाळ्यात सनग्लासेस लावण्याचे फायदे
उन्हापासून डोळ्यांचा बचाव करण्यासाठी सामान्यतः सनग्लासेसचा वापर केला जातो. सनग्लासेस लावल्याने डोळ्यांना तीव्र सूर्यप्रकाश येण्यापासून प्रतिबंध होतो, ज्यामुळे तुम्ही सूर्यप्रकाशातही सहज पाहू शकता. हे सूर्याच्या अतिनील (UV) किरणांपासून आणि तेजस्वी प्रकाश थेट तुमच्या डोळ्यांपर्यंत पोहोचण्यापासून डोळ्यांचे संरक्षण करते. UVA आणि विशेषत: UVB किरण डोळ्यांच्या पृष्ठभागाच्या ऊतींचे, कॉर्निया आणि लेन्सला नुकसान करतात, ज्यामुळे कालांतराने डोळ्यांच्या आणि दृष्टीच्या अनेक समस्या उद्भवू शकतात. आजकाल बाजारात अनेक प्रकारचे सनग्लासेस उपलब्ध आहेत. कालांतराने ते फॅशन स्टेटमेंट म्हणून उदयास आले आहे.
उन्हाळ्यात कोणत्या प्रकारच्या सनग्लासेसचा वापर करावा?
बरेच लोक बाजारात कोणतेही गडद रंगाचे सनग्लासेस खरेदी करतात परंतु असे करणे टाळले पाहिजे. अमेरिकन ऍकॅडमी ऑफ ऑप्थॅल्मोलॉजीच्या मते, कोणताही सनग्लासेस खरेदी करण्यापूर्वी काही गोष्टी लक्षात ठेवल्या पाहिजेत जेणेकरून तुम्ही तुमच्या डोळ्यांचे संरक्षण करण्यासाठी चांगले सनग्लासेस खरेदी करू शकता.
- सनग्लासेस खरेदी करताना, ते 100 टक्के UV ब्लॉक असलेल्या सनग्लासेसची निवड करा. काही सनग्लासेसमध्ये 400 NM पर्यंत UV ब्लॉक होत असल्याचा दावा केला जातो, ते एकमेव सनग्लासेस आहेत जे 100 टक्के UV ब्लॉक करतात.
Next Story
READ ON APP