Dimond Jewellery: अक्षय तृतीयेला हिऱ्यांचे दागिने खरेदी करणार आहात? तर ही खबरदारी जरूर घ्या

Tips to Recognised a real diamond jewellery: साडेतीन शुभमुहूर्तांपैकी एक असलेला अक्षय तृतीयाचा (Akshaya Tritiya 2024) मुहूर्त यावर्षी 10 मे रोजी येणार आहे. या शुभमुहूर्तावर दागिने खरेदी करण्यासाठी दागिन्यांच्या दुकानात लोकांची प्रचंड गर्दी असते. शिवाय लग्नसराईचा देखील हंगाम सुरू असल्यामुळे, तुमच्याही कुटुंबातील कोणाचे लग्न होत असेल, तर साहजिकच तुम्ही दागिन्यांच्या खरेदीलाही जाल.

या दरम्यान तुम्ही जर साखरपुड्यासाठी हिऱ्याची अंगठी तसेच लग्नासाठी हिऱ्याचे इतर दागिने विकत घेणार असाल, तर काही महत्वपूर्ण गोष्टी तुम्हाला माहिती असणे गरजेचे आहे.

पूर्वीच्या काळी लोकं सोन्या-चांदीमध्ये जास्त रस दाखवत असत, पण आता हिऱ्यांच्या दागिन्यांची म्हणजेच हिऱ्यापासून बनवलेल्या दागिन्यांची मागणी खूप वाढली आहे. हिऱ्यांचे दागिनेही सर्वसामान्यांच्या बजेटमध्ये येतात. त्यामुळे तुम्ही देखील हिऱ्यांचे दागिने खरेदी करण्याचा विचार करत असाल तर तुम्ही ते अतिशय काळजीपूर्वक खरेदी केले पाहिजे, अन्यथा तुमची फसवणूक होऊ शकते.

हिऱ्यांचे दागिने खरेदी करताना ही घ्या काळजी (diamond jewellery shopping tips)

सोने आणि चांदीच्या दागिन्यांपेक्षा हिऱ्यांमध्ये फसवणूक होण्याचा संभव मोठ्या प्रमाणावर असतो. त्यामुळे हिऱ्यांचे दागिने खरेदी करताना काही गोष्टी लक्षात ठेवणे खूप आवश्यक आहे.

विश्वसनीय दुकानात दागिन्यांची खरेदी करा

नेहमी विश्वसनीय दगिन्यांचे दुकान किंवा शोरूममधून हिऱ्याचे दागिने खरेदी करा, जेणेकरून काही समस्या उद्भवल्यास, आपण ते लगेच बदलू शकता. जर हिऱ्याच्या विश्वासार्हतेबद्दल थोडीशी शंका असेल तर तो अजिबात विकत घेऊ नका.

वैध बिल आणि खरेदी प्रमाणपत्र
हिऱ्यांचे दागिने खरेदी करताना, दुकानदाराकडून वैध बिल आणि खरेदीचे प्रमाणपत्र घेण्यास अजिबात विसरू नका. बिल तसेच प्रमाणपत्र हा कुठल्याही दागिन्यांच्या सत्यतेचा आणि खरेदी केल्याचा पुरावा असतो. या दोन्ही गोष्टी तुम्हाला कोणत्याही दुकानात मिळत नसतील तर तिथून हिऱ्यांचे दागिने खरेदी करू नका.

हिरा खरा आहे की खोटा कसे ओळखाल?
हिऱ्याची विश्वासार्हता तपासण्यासाठी तुम्ही हिरा तोंडाजवळ घेऊन त्यावर वाफ सोडा. जर तोंडातून बाहेर पडणारी वाफ हिऱ्यावर गोठली तर समजून घ्या की तुमचा हिरा खोटा आहे आणि वाफेला लगेच ओलावा आला तर समजा तुमचा हिरा खरा आहे.

हिरा खरा आहे की खोटा हे ओळखण्याचा आणखीन एक मार्ग म्हणजे ग्लास पाण्याने भरून त्यात हिरा टाका. हिरा पाण्यात बुडला तर समजा खरा आहे आणि पाण्यावर तरंगायला लागला तर समजा हिरा खोटा आहे.

आपण हिऱ्याकडे काळजीपूर्वक पाहिल्यास त्याची वास्तविकता देखील ओळखू शकता. वास्तविक हिऱ्याला वेगवेगळ्या कोनातून पाहिल्यावर इंद्रधनुष्याचे सात रंग दिसतात, तर इंद्रधनुष्याचे रंग बनावट हिऱ्याच्या कोनातून दिसत नाहीत.