1,799 रुपयांच्या किंमतीत Itel चा हा फोन लॉन्च; UPI पेमेंटसह पाहता येणार Youtube,पाहा जबरदस्त Specification

Itel Super Guru 4G Feature Phone: आयटेलने आपला नवीन फीचर फोन आयटेल सुपर गुरु 4 जी (Itel Super Guru 4G) शुक्रवारी भारतात लॉन्च केला आहे. या फोनची खास गोष्ट म्हणजे हा फोन 2 हजारांपेक्षा कमी किंमतीत उपलब्ध आहे. तसेच यासोबतच यूपीआय पेमेंट (UPI Payment) आणि यूट्यूबचा

(Youtube) सपोर्टही उपलब्ध आहे. म्हणजेच तुम्ही या फोनचा वापर करून पेमेंटही करु शकता. तसेच यूट्यूब आणि यूट्यूब शॉर्ट्स देखील पाहू शकतात. एवढेच नाही तर हा फोन 13 भारतीय भाषांमध्ये वापरता येणार आहे. तसेच यामध्ये जबरदस्त असा सहा दिवसांचा मोठा बॅटरी बॅकअप देण्यात आला आहे.

Itel Super Guru 4G specifications, features: काय आहे खासियत?
Itel Super Guru 4G मध्ये 2 इंचाचा डिस्प्ले देण्यात आला आहे. हा फोन इंग्रजी, हिंदी, पंजाबी आणि उर्दूसह 13 भाषांना सपोर्ट करतो. हा फोन दोन सिम स्लॉटसह येतो. तसेच यात 4G कनेक्टिव्हिटीचाही सपोर्ट दिला आहे. फोनमध्ये UPI पेमेंट आणि YouTube चाही सपोर्ट दिला आहे. हा फोन YouTube साठी इनबिल्ट क्लाउड आधारित सपोर्टसह येतो. यूट्यूब व्हिडीओसोबतच तुम्ही यात यूट्यूब शॉर्ट्सही पाहू शकता. यात टेक्स्ट टू स्पीच फीचर देखील आहे. त्याद्वारे तुम्ही टेट्रिस, 2048 आणि सुडोकू सारख्या गेममध्ये देखील ऍक्सेस करू शकता.

Itel Super Guru 4G Camera: कॅमेरा आणि बॅटरी
itel Super Guru 4G मध्ये VGA कॅमेरा देण्यात आला आहे. त्यामुळे तुम्हाला यामध्ये हाय क्वालिटीचे फोटो मिळणार नाहीत. मात्र, कंपनीने दिलेल्या माहितीनुसार, युजर सहजपणे QR Code स्कॅन करू शकतात. फोन UPI 123PAY सुविधेसह येतो. ज्याचा वापर ऑनलाइन व्यवहार करण्यासाठी केला जाऊ शकतो. Itel Super Guru 4G मध्ये 1,000mAh बॅटरी दिली आहे. जी सहा दिवसांपर्यंत बॅटरी बॅकअप प्रदान करते असा दावा कंपनीने केला आहे. हा फोन 2G आणि 3G कनेक्टिव्हिटीसह ड्युअल 4G ला सपोर्ट करतो.

Itel Super Guru 4G price in India: किती आहे किंमत?
Itel Super Guru 4G फीचर फोनची भारतात किंमत 1,799 रुपये आहे. हा फोन ग्राहकांना तीन कलरच्या पर्यायांमध्ये खरेदी करता येणार आहे. यात काळा, निळा आणि हिरवा कलरचा समावेश आहे. हा फोन Amazon आणि Itel India च्या वेबसाइटवरून खरेदी करता येईल.