ଶୁଭ ମୂହୁର୍ତ୍ତରେ ଖୋଲିଲା କେଦାରନାଥ ଧାମ

ନୂଆଦିଲ୍ଲୀ : ଭକ୍ତଙ୍କ ପ୍ରତୀକ୍ଷାର ଅନ୍ତ ଘଟିଲା । କେଦାରନାଥ ଧାମର ଦ୍ବାର ଖୋଲିବା ସହ ଦର୍ଶନ ଆରମ୍ଭ ହୋଇଯାଇଛି । ଏହା ସହିତ ଆଜି ଗଙ୍ଗୋତ୍ରୀ ଏବଂ ଯମୁନୋତ୍ରୀର ଦ୍ବାର ମଧ୍ୟ ଖୋଲୁଛି । ଗଙ୍ଗୋତ୍ରୀର ଦ୍ବାରା ସକାଳ ୧୦ଟା ୨୯ ମିନିଟ୍ ଏବଂ ଯମୁନୋତ୍ରୀର ଦ୍ବାର ଦ୍ବିପ୍ରହର ୧୨ଟା ୨୫ ମିନିଟରେ ଭକ୍ତଙ୍କ ଦର୍ଶନ ପାଇଁ ଖୋଲାଯିବ । ଆଜି ରୀତିନୀତି ଅନୁଯାୟୀ, ଭକ୍ତ ମାନଙ୍କ ପାଇଁ ସକାଳ ସାତଟାରେ ଦର୍ଶନ ପାଇବା ପାଇଁ କେଦାରନାଥ ଧାମର ଦ୍ୱାର ଖୋଲିଛି ।

ଏହି ସମୟରେ ହେଲିକପ୍ଟରରୁ ଫୁଲ ବର୍ଷା କରାଯାଇଥିଲା। କେଦାରନାଥ, ଗଙ୍ଗୋତ୍ରୀ ଏବଂ ଯମୁନୋତ୍ରୀ ଧାମର କବାଟ ଖୋଲିବା ସହିତ ଚାରଧାମ ଯାତ୍ରା ଆରମ୍ଭ ହେବ। ସେହିଭଳି ମେ ୧୨ ତାରିଖ ସକାଳ ୬ଟାରେ ବଦ୍ରିନାଥ ଧାମର ଦ୍ୱାର ଖୋଲିବ।

ଆଜି ଅକ୍ଷୟ ତୃତୀୟା; ପୁରୀରେ ଅନୁକୂଳ ହେବ ରଥକାଠ