பெண் குழந்தை இருந்தா ரூ. 1 லட்சம் கிடைக்கும்.. உடனே அப்ளை பண்ணுங்க!!

பெண் குழந்தைகள் கல்வி கற்பதற்கும், அவர்களுக்கு திருமணம் செய்து வைப்பதற்கும் மத்திய அரசும் மாநில அரசுகளும் பல்வேறு திட்டங்களைச் செயல்படுத்தி வருகின்றன. எனவே உங்கள் வீட்டிலும் பெண் குழந்தை இருந்தால் அக்குழந்தையின் எதிர்கால செலவுகள் குறித்து நீங்கள் கவலைப்படத் தேவையில்லை. அதற்காக ஒரு சிறந்த திட்டத்தை அரசு செயல்படுத்தி வருகிறது.

இத்திட்டத்தின் கீழ், உங்கள் மகளுக்கு ஒரு லட்சம் ரூபாய்க்கு மேல் நிதியுதவி கிடைக்கும். அந்தத் திட்டத்தின் பெயர் லட்லி லக்‌ஷ்மி யோஜனா திட்டம்.மத்தியப் பிரதேசத்தின் சிவராஜ் சிங் அரசால் இந்தத் திட்டம் தொடங்கப்பட்டது. இத்திட்டத்தின் கீழ் பயன்பெறுவதற்கு பெண் குழந்தையின் பெற்றோர் மத்திய பிரதேச மாநிலத்தில் வசிப்பவர்களாக இருக்க வேண்டும். பெற்றோருக்கு ஒன்று அல்லது இரண்டு குழந்தைகள் மட்டுமே இருக்க வேண்டும். பெண் குழந்தை 2006 அல்லது அதற்குப் பிறகு பிறந்திருக்க வேண்டும். பெற்றோர் வருமான வரி செலுத்துபவர்களாக இருக்கக்கூடாது. முக்கியமான நிபந்தனைகள்!

2008ஆம் ஆண்டின் ஏப்ரல் 1 அல்லது அதற்குப் பிறகு முதல் பிரசவம் பெண் குழந்தையாக இருந்தால், குடும்பக் கட்டுப்பாடு இல்லாமல் பெற்றோருக்கு நன்மை வழங்கப்படும்.இரண்டாவது குழந்தை பிறந்த பிறகு குடும்பக் கட்டுப்பாடு செய்திருக்க வேண்டும். பெற்றோர் இல்லாத குழந்தைகள் மற்றும் வளர்ப்பு மகள்களுக்கும் இந்த திட்டத்தின் கீழ் சலுகை வழங்கப்படும். முதல் பிரசவத்தில் மூன்று பெண் குழந்தைகள் இருந்தால், மூவருக்கும் பலன் கிடைக்கும். இவர்களுக்கும் கிடைக்கும்!பாலியல் கொடுமையால் பாதிக்கப்பட்டவரின் மகளுக்கு இத்திட்டத்தின் கீழ் பயன் கிடைக்கும். சிறையில் இருக்கும் பெண் கைதிகளுக்குப் பிறந்த மகள்களுக்கும் பலன்கள் வழங்கப்படும். இரண்டு குழந்தைகள் இருந்து பெற்றோர் இருவரும் இறந்துவிட்ட குடும்பத்தில், குழந்தைக்கு 5 வயதாகும்போது பதிவு செய்யலாம். இது தவிர, ஒரு பெண்ணோ அல்லது ஆணோ இரண்டாவது திருமணம் செய்து இரண்டு குழந்தைகளைப் பெற்றால், இரண்டாவது திருமணத்திலிருந்து பிறந்த மகளுக்கு இந்தத் திட்டத்தின் பலன் கிடைக்காது. விண்ணப்பிப்பது எப்படி?

முதலில் நீங்கள் அதிகாரப்பூர்வ இணையதளமான https://ladlilaxmi.mp.gov.in/llyhome.aspx என்ற முகவரிக்குச் சென்று முகப்புப் பக்கத்தில் உள்ள 'Apply' விருப்பத்திற்குச் சென்று, புதிய பக்கத்தில் உள்ள வழிகாட்டுதல்களைப் படித்த பிறகு தொடர வேண்டும். அடுத்து விண்ணப்ப படிவம் உங்கள் திரையில் திறக்கும். தேவையான அனைத்து விவரங்களையும் பூர்த்தி செய்து தேவையான ஆவணங்களை பதிவேற்றம் செய்ய வேண்டும். இப்போது 'submit' பட்டனை கிளிக் செய்தவுடன் உங்கள் மொபைல் எண்ணில் பதிவு எண் வரும். விண்ணப்பப் படிவத்தின் நிலையை பதிவு எண்ணின் உதவியுடன் நீங்கள் சரிபார்க்கலாம். பணம் எப்படி கிடைக்கும்?

இத்திட்டத்தின் கீழ் பதிவு செய்யும் பெண் குழந்தைக்கு முதற்கட்டமாக ரூ. 6,000 தொடர்ந்து 5 ஆண்டுகளுக்கு டெபாசிட் செய்யப்படும். இதன் மூலம் மொத்தம் 30,000 ரூபாய் டெபாசிட் செய்யப்படும். மகள் ஆறாம் வகுப்பில் சேர்ந்தவுடன் வங்கிக் கணக்கில் ரூ.2000 வழங்கப்படும். 9ஆம் வகுப்புக்குச் செல்லும்போது ரூ.4000 வழங்கப்படும். 11ஆம் வகுப்பில் சேரும்போது ரூ.6000 நிதியுதவி வழங்கப்படும். மகளுக்கு 21 வயது நிறைவடைந்தவுடன் ரூ.1 லட்சம் நிதியுதவி வழங்கப்படும். இவ்வாறாக நிதியுதவி பிரித்து வழங்கப்படும்.