அக்னி நட்சத்திரம் 2024 : என்ன செய்யலாம்? செய்யக்கூடாது? அவசியம் தெரிஞ்சுக்கோங்க!

சூரியனை அடிப்படையாக வைத்தே நம்முடைய பஞ்சாங்க முறைகள் அனைத்தும் கணிக்கப்படுகின்றன. சூரிய பகவானின் அதிதேவதையான அக்னி பகவான் தன்னுடைய முழு வெப்ப கதிர்களையம் வெளிவிடும் காலத்தை அக்னி நட்சத்திரக்காலம் என்கிறோம். வருடந்தோறும் கோடை காலத்தில், சூரிய பகவான் பரணி நட்சத்திரம் துவங்கி, கிருத்திகை நட்சத்திரம் வரை பயணிக்கும் காலத்தில் வெயிலின் தாக்கம் மிக கடுமையாக இருக்கும்.

இதை அக்னி நட்சத்திர காலம் என்கிறோம். இந்த ஆண்டு அக்னி நட்சத்திரம் மே 04ம் தேதி துவங்கி, மே 28ம் தேதி வரை உள்ளது. அக்னி நட்சத்திர காலத்தில் சில குறிப்பிட்ட காரியங்களை செய்யலாம், செய்யக் கூடாது என சாஸ்திரங்கள் சொல்கிறது. இந்த காலத்தில் எந்த ஒரு சுப காரியங்களை செய்தாலும் அது வெற்றிகரமாக அமையாது என்பது நம்பிக்கை. அதோடு அக்னி தோஷம் ஏற்படும் என்றும் சொல்லப்படுகிறது. அப்படி அக்னி நட்சத்திரக் காலத்தில் எந்தெந்த காரியங்களை செய்யலாம், எவற்றை எல்லாம் செய்யாமல் தவிர்க்கலாம் என சாஸ்திர முறைகள் குறிப்பிடுகின்றன என்பதை தெரிந்து கொள்ளலாம்.

அக்னி நட்சத்திரம் காலத்தில் வெயில் வாட்டி வதைக்க இது தான் காரணம் அக்னி நட்சத்திரத்தில் தவிர்க்க வேண்டியவை:* சொந்த வீடு கட்டி குடியேறுவது* சொந்த வீடு கட்ட துவங்குவது* வாசற் கால் வைப்பது* கிணறு வெட்டுவது* கூரை, ஓடு வேய்வது* செடிகளை புதிதாக நடுதல்* பூமி பூஜை செய்வது* விவசாய விதைப்பு வேலைகள்* மரம் வெட்டுதல்* குழந்தைகளுக்கு காது குத்தி மொட்டையடித்தல்* கிரகப்பிரவேசம்* பந்தல்கால் நடுவது* தீட்சை வாங்குதல்* கோவில் சார்ந்த பணிகள் செய்வது* பயணம் செல்வது* கடன் கொடுப்பது* தெய்வத் திருவுருவங்களைப் பிரதிஷ்டை செய்வது போன்றவைகளைத் தவிர்ப்பது நல்லது.

அக்னி நட்சத்திரத்தில் என்னென்ன செய்யலாம்:* திருமணம்* நிச்சயதார்த்தம்* சீமந்தம்* பெண் பார்த்தல்* மஞ்சள் நீராட்டு விழா* வாடகை வீடு மாறுதல்* திருமண மண்டபம், கடைகள் ஆகியவற்றிற்கான கட்டுமான பணிகளை துவங்குதல்* உபநயனம் ஆகியவை செய்வதில் எந்த தவறும் இல்லை. * சுப விசேஷங்களுக்கு பேச்சுவார்த்தை நடத்தலாம். அதற்கான ஏற்பாடுகளை செய்யலாம்.* தண்ணீர் பந்தல் அமைக்கலாம்* தோஷ நிவர்த்தி பூஜைகள்* நவகிரக சாந்தி வழிபாடுகள், பூஜைகள்* விசிறி, குடை, செருப்பு தானம் வழங்கலாம்* எலுமிச்சை, தயிர் ஆகியவற்றை கோவில்களுக்கு தானம் வழங்கலாம்.