TS Inter SSC Results 2024 : తెలంగాణ ఇంటర్, 10th ఫలితాల లేటెస్ట్ అప్డేట్.. ఈ తేదీల్లో రిజల్ట్స్..?

TS Inter SSC Results 2024 : తెలంగాణ ఇంటర్ ఫలితాల కోసం లక్షలాది మంది విద్యార్థులు ఎదురుచూస్తున్నారు. టీఎస్ ఇంటర్ పరీక్షల ఫలితాలు ఏప్రిల్‌ 20 నుంచి 25 మధ్యలో విడుదల చేసే అవకాశాలున్నాయి. ఏప్రిల్ 10వ తేదీకి స్పాట్ వాల్యూయేషన్ పూర్తి కావడంతో.. ఒకేసారి ఇంటర్‌ ఫస్టియర్, సెకండియర్ ఫలితాలు విడుదల చేసేందుకు అధికారులు కసరత్తు చేస్తున్నారు.

మార్కుల నమోదుతో పాటు ఎలాంటి ఇతర ఇబ్బందులు రాకుండా అధికారులు జాగ్రత్తలు తీసుకుంటున్నారు. ఈ ప్రక్రియ ఏప్రిల్‌ 21వ తేదీకి పూర్తి చేయాలని అధికారులు భావిస్తున్నారు. వీటితో పాటు ఈసీ అనుమతి కూడా లభిస్తే.. ఏప్రిల్ 20-25 మధ్య తెలంగాణ ఇంటర్ ఫలితాలు (TS Inter Results 2024) విడుదల అయ్యే అవకాశం ఉంది. ఈ ఏడాది 9 లక్షల మందికిపైగా ఇంటర్ (TS Inter) పరీక్షలు రాశారు. వీరంతా ఫలితాల కోసం వెయిట్ చేస్తున్నారు. గతంలో మాదిరిగా కాకుండా.. ఈసారి తొందరగానే తెలంగాణ ఇంటర్ ఫలితాలు (Telangana Inter Results 2024) విడుదల చేయనున్నారు.

గతేడాది మే 9వ తేదీన ఇంటర్ ఫలితాలను (TS Inter Results) ప్రకటించారు. అయితే ఈసారి మాత్రం ఏప్రిల్ 22 -25 మధ్య ప్రకటించే అవకాశం ఉంది. విద్యార్థులు ఫలితాల అప్‌డేట్‌ కోసం ఎప్పటికప్పుడు https://tsbie.cgg.gov.in/home.do వెబ్‌సైట్‌ చూడొచ్చు. తెలంగాణ 10వ తరగతి ఫలితాలు (TS SSC Results 2024) ఎప్పుడంటే..? తెలంగాణలో 10వ తరగతి పరీక్షల జవాబు పత్రాల మూల్యాంకన ప్రక్రియ దాదాపుగా పూర్తి కావొచ్చింది. ఏప్రిల్ 3న ప్రారంభమైన స్పాట్ వాల్యూయేషన్‌ ప్రక్రియ ఏప్రిల్ 13వ తేదీ వరకు కొనసాగింది.

రాష్ట్రవ్యాప్తంగా మొత్తం 19 కేంద్రాలలో స్పాట్ వాల్యూయేషన్ చేశారు. మార్కులు కంప్యూటరీకరణ, పునఃపరిశీలన ప్రక్రియ పూర్తి కాగానే.. ఏప్రిల్ చివరి వారంలో లేదా మే మొదటి వారంలో తెలంగాణ 10 తరగతి ఫలితాలు (TS 10th Results 2024) విడుదల చేయనున్నారు. విద్యార్థులు ఫలితాల (Telangana SSC Results 2024) అప్ డేట్స్ కోసం ఎప్పటికప్పుడు అధికారిక వెబ్‌సైట్‌ https://bse.telangana.gov.in/ చూడొచ్చు. ఈ ఏడాది తెలంగాణ ఎస్‌ఎస్‌సీ పరీక్షలు మార్చి 18 నుంచి ఏప్రిల్ 2 వరకు నిర్వహించిన విషయం తెలిసిందే.