RC 16కి ఓ రేంజ్లో రెహమాన్ మ్యూజిక్.. అప్పుడే మూడు కంప్లీట్

మెగా పవర్‌ స్టార్ రామ్ చరణ్.. ఉప్పెన ఫేమ్ బుచ్చి బాబుతో చేస్తున్న సినిమాపై మంచి అంచానాలు ఉన్నాయి. రూరల్ డ్రామాగా తెరకెక్కుతున్న ఈ చిత్రంలో జాన్వీ కపూర్ హీరోయిన్‌గా నటిస్తుంది. ఆస్కార్ విజేత ఏఆర్ రెహమాన్ ఈ సినిమాకి మ్యూజిక్ ఇస్తున్న సంగతి తెలిసిందే. ప్రస్తుతం ప్రీ ప్రొడక్షన్ పనుల్లో ఉన్న ఈ చిత్రం గురించి ఓ సాలిడ్ అప్‌డేట్ తెలిసింది.

ఇప్పటికే ఈ చిత్రానికి మూడు అద్భుతమైన ట్యూన్‌లను రెహమాన్ కంపోజ్ చేసినట్లు సమాచారం. ఇక రామ్ చరణ్ కెరీర్‌లోనే ఇది బెస్ట్ ఆల్బమ్ అవుతుందని ఫ్యాన్స్ బలంగా నమ్ముతున్నారు.ఇక RC 16లో కన్నడ స్టార్ హీరో శివ రాజ్‌కుమార్‌ కీలక పాత్రలో నటిస్తున్నారు. వృద్ధి సినిమాస్, సుకుమార్ రైటింగ్స్ నిర్మించిన ఈ పాన్-ఇండియన్ చిత్రాన్ని మైత్రీ మూవీ మేకర్స్ బ్యానర్ సమర్పిస్తుంది. మరో స్టార్ఇక ఈ సినిమాలో బాలీవుడ్ యాక్టర్ సంజయ్ దత్ కీలక పాత్రలో నటిస్తున్నట్లు టాక్ నడుస్తుంది.

మేకర్స్ ఇప్పటికే సంజయ్ దత్‌ని సంప్రదించి నెరేషన్ ఇచ్చినట్లు సమాచారం. కథతో పాటు తన క్యారెక్టర్ కూడా బాగా నచ్చడంతో సంజయ్ దత్ ఇందులో నటించేందుకు ఊ కొట్టేశారట. త్వరలోనే దీనిపై అధికారిక ప్రకటన వస్తుందని సోషల్ మీడియాలో వార్తలు వస్తున్నాయి.అయితే ఇటీవల సంజయ్ దత్ వరుసగా దక్షిణాది చిత్రాల్లో కనిపిస్తున్నారు. ముఖ్యంగా కేజీఎఫ్ 2లో సంజయ్ దత్ చేసిన అధీర పాత్ర ఆడియన్స్‌కి బాగా నచ్చేసింది. హీరో యష్‌కి విలన్‌గా సరిగ్గా సరిపోయారు సంజయ్ దత్. ఇక ఇటీవల వచ్చిన విజయ్ లియోలో కూడా సంజయ్ దత్ కీలక పాత్ర పోషించారు.

ఇప్పుడు ప్రభాస్ నటించబోతన్న 'ది రాజా సాబ్', రామ్ పోతినేని 'డబుల్ ఇస్మార్ట్‌'లో కూడా సంజయ్ దత్‌ విలన్ కావడం విశేషం. టైటిల్ ఇదేనాఇక ఈ సినిమాకి 'పెద్ది' అనే టైటిల్ పెడుతున్నట్లు కూడా రూమర్స్ వస్తున్నాయి. గతంలో జూ ఎన్టీఆర్‌తో చేయబోయే సినిమాకి ఈ టైటిల్‌ను పెడదామని బుచ్చి బాబు రిజిస్టర్ చేశారట. కానీ రామ్ చరణ్ సినిమాకి ఇది కరెక్ట్‌గా సరిపోతుందని అనుకుంటున్నట్లు టాక్. అయితే దీనిపై ఇంకా అధికారిక ప్రకటన రావాల్సి ఉంది. మరోవైపు తమిళ డైరెక్టర్ శంకర్‌తో చేస్తున్న గేమ్ ఛేంజర్ రిలీజ్ డేట్‌పై ఇంకా క్లారిటీ రాలేదు.

కానీ ఏలాగైనా ఈ ఏడాదే గేమ్ ఛేంజర్‌ను రిలీజ్ చేయాలని మూవీ టీమ్ భావిస్తోంది.