Krishna Mukunda Murari April 29 Episode: ముకుంద అలియాస్ మీరా.. డాక్టర్ వైదేహితో కలిసి.. కృష్ణకు పిల్లలు పుట్టకుండా చేసింది. ఈ క్రమంలోనే కృష్ణకు కూడా తనకు పిల్లలు పుట్టరన్న నిజం తెలిసి ఏడుస్తుంటే మురారీ ఓదారుస్తాడు. అయితే అప్పుడే మీరా.. మురారీకి మాత్రమే కనిపించి.. ‘జరిగిన నష్టం నాకు తెలుసు.. నేను ఎవరికి చెప్పను.. మీకు ఒక మార్గం ఉంది.
అదే సరోగసి. అద్దె గర్భం ద్వారా పిల్లల్ని కనడానికి కృష్ణకు ఒప్పిస్తే.. చాలా సమస్యలు తీరతాయి’ అంటూ మురారీకి మంచిదానిలా నటిస్తూ.. మీరా బాగా ఎక్కిస్తుంది. అయితే మురారీ.. ‘సరోగసికి కృష్ణను ఎలా ఒప్పించాలి?’ అనుకుంటూ ఉంటాడు. ఆసుపత్రి నుంచి ఏకాంత ప్రదేశానికి వెళ్లిన తర్వాత.. మురారీ, కృష్ణలు మాట్లాడుకోవడం చాటుగా వింటుంది ముకుంద అలియాస్ మీరా.
మనం సరోగసికి వెళ్దాం ఏసీపీ సార్..
ఇక మురారీ చెప్పాలనుకునే మాటే కృష్ణ చెబుతుంది.
పెద్ద అత్తయ్యకు ఇచ్చిన మాట నెరవెరాలంటే.. మనం సరోగసి ద్వారా బిడ్డను కందాం ఏసీపీ సార్.. మనకు ఒక మంచి అమ్మాయి దొరికితే చాలు’ అంటుంది. అది విని మీరా పొంగిపోతుంది. తను చెప్పాలనుకున్నదే కృష్ణ చెప్పడంతో హ్యాపీ ఫీల్ అవుతాడు మురారీ. డాక్టర్ మహేశ్వరిని కలుద్దాం అనుకుంటారు ఇద్దరూ. ఇక ముకుంద.. డాక్టర్ వైదేహి దగ్గరకు వెళ్లి.. స్వీట్ తినిపించి.. నా జీవితాన్ని నిలబెట్టింది నువ్వే.. థాంక్యూ అంటుంది. అలాగే.. ‘ఇక నేను మురారీ పాపకు తల్లిని కాబోతున్నాను. ఆ బిడ్డకు నీ పేరే పెట్టుకుంటాను’ అంటుంది ముకుంద.
డాక్టర్ మహేశ్వరి కూడా ముకుంద మనిషే..
అదేంటి త్వరలో పాపని కంటావా? అదెలా అంటుంది వైదేహి అయోమయంగా. ‘అది అంతే.. నా మాటల్లో అద్దాలు త్వరలో అద్దం అవుతాయిలే’ అంటూ నవ్వుతుంది ముకుంద. ఆ నవ్వులోనూ మాట్లలోనూ అర్థం.. ఈ కృష్ణ, మురారీల బిడ్డకు అద్దె గర్భం ఇచ్చేది మీరానే కాబోలు అనిపిస్తోంది. ఇక డాక్టర్ మహేశ్వరిని కలుస్తారు మురారీ, కృష్ణలు. అప్పటికే మహేశ్వరిని ముకుంద లైన్‌లో పెట్టేయడంతో.. ‘నా చేతుల్లో ఏం లేదు.
సరోగసిలో స్పెషలిస్ట్ డాక్టర్ వైదేహీ గారే.. ఆమె దగ్గరకు వెళ్లండి.. తను మీకు సాయం చేస్తుంది’ అంటుంది డాక్టర్ మహేశ్వరి.
ముకుంద సంబరం..
ముకుంద కారులో వెళ్తూ వెళ్తూ ఇలా రగిలిపోతుంది. ‘కృష్ణకు పిల్లలు పుట్టే యోగం ఉండకూడదు అనుకున్నా జరిగిపోయింది. సరోగసి నిర్ణయం తీసుకోవాలని ఆశపడ్డా.. అది కూడా జరిగిపోతుంది. ఇప్పుడు నా ప్లాన్ ప్రకాశం డాక్టర్ వైదేహి దగ్గరకు మురారీ, కృష్ణ వెళ్తున్నారు. ఇది కూడా జరిగిపోతే..
మురారీని నా దగ్గరకు రాకుండా ఎవ్వరూ ఆపలేరు.. నా రూపం మారిన నా మనసు మారలేదు మురారీ. నీ మీద ప్రేమ ఇంత కూడా తగ్గలేదు. ఆ ముకుంద నీ వెంట పడితే.. ఈ ముకుంద వెనుక నువ్వు పడతావ్.. నేను వద్దు అన్నా నా కొంగు పట్టుకుని తిరుగుతావ్..’ అనుకుంటుంది మనసులో.
నీతో కాసేపు మాట్లాడాలి..
డాక్టర్ వైదేహి దగ్గరకు సిస్టర్ వచ్చి.. ‘మేడమ్ డాక్టర్ మహేశ్వరిగారు పంపించారని డాక్టర్ కృష్ణ గారు వచ్చారు’ అంటుంది. ఇంతలో ముకుంద కాల్ చేస్తుంది.
‘చెప్పు ముకుందా..’ అంటుంది వైదేహి. ‘వైదేహీ.. కృష్ణా మురారీ వచ్చారా?’ అంటుంది ముకుంద. ‘హా వచ్చినట్లున్నారు. ఇప్పుడే సిస్టర్ వచ్చి చెబుతుంది’ అంటుంది వైదేహి. ‘ఇంకా లోపలికి రాలేదు కదా?’ అంటుంది ముకుంద. ‘రాలేదు...’ అంటుంది వైదేహి. ‘అయితే వాళ్లని కాసేపు వాళ్లని బయటే వెయిట్ చేయమని చెప్పు... నేను నీతో కాసేపు మాట్లాడాలి’ అంటుంది ముకుంద.
నేను చెప్పినట్లు చెయ్ చాలు..
ముకుంద అలా అనడంతో.. వైదేహి సిస్టర్‌తో..
‘డాక్టర్ గారు బిజీగా ఉన్నారు కాసేపు వెయిట్ చేయ్యమన్నారని చెప్పు..’ అని పంపిస్తుంది. ‘ఓకే మేడమ్..’ అని సిస్టర్ వెళ్తుంది. వెంటనే వైదేహి.. ముకుందతో.. ‘హా.. ఇప్పుడు చెప్పు డాక్టర్ మహేశ్వరి నాకు కాల్ చేయడం ఏంటీ? వీళ్లు నా దగ్గరకు రావడం ఏంటీ? ఇదంతా నీ డ్రామానే కదా? ఇప్పుడు నేనేం చెయ్యాలి?’ అంటుంది కూల్‌గా. ‘నువ్వు చెయ్యగలిగిందే చెయ్యాలి.. నీ చేతుల్లో ఉన్నదే అందుకే చుట్టు తిప్పి మళ్లీ నీ దగ్గరకు వచ్చేలా చేశాను. వైదేహీ ఇప్పుడు నువ్వేం చెయ్యాలంటే..’ అంటూ ఏదో చెబుతుంది.
ఆ సీన్‌కి మ్యూజిక్ వేస్తారు. బిడ్డను కనిచ్చే అమ్మాయిని చూపించకూడదు అని వైదేహి కవర్ చేసి.. ఆ బిడ్డను మీరా కనే అవకాశాలే ఎక్కువగా కనిపిస్తున్నాయి. చూద్దాం ఏం జరుగుతుందో.